ಬೆಂಗಳೂರು (Bengaluru): ಗೋಲ್ಡನ್ ಸ್ಟಾರ್ ಗಣೇಶ್‌ ಅಭಿನಯದ ʻಗಾಳಿಪಟ 2ʼ ಸಿನಿಮಾಕ್ಕೆ ಒಳ್ಳೆ ರೆಸ್ಪಾನ್ಸ್ ಸಿಕ್ಕಿದೆ. ಸಿನಿಮಾ ವಿದೇಶದಲ್ಲಿ ಮೊದಲ ವಾರವೇ 150 ಸೆಂಟರ್‌ಗಳಲ್ಲಿ ಸುಮಾರು 250 ಶೋಗಳನ್ನು ಕಂಡಿದೆ.
ಇದು ಕನ್ನಡ ಸಿನಿಮಾಗಳ ಪಾಲಿಗೆ ದೊಡ್ಡ ಸಾಧನೆ ಎನ್ನುತ್ತಿದ್ದಾರೆ. ಹೀಗಾಗಿ ಎರಡನೇ ವಾರ ಶೋಗಳ ಸಂಖ್ಯೆ ಹೆಚ್ಚು ಮಾಡಲಾಗಿದೆ.
‘ಗಾಳಿಪಟ 2’ ನಿರೀಕ್ಷೆ ಮೀರಿ ಯಶಸ್ಸು ಕಾಣುತ್ತಿದೆ. ಪ್ರೇಕ್ಷಕರು ‘ಗಾಳಿಪಟ 2’ ಸಿನಿಮಾ ನೋಡಿ ಎಂಜಾಯ್ ಮಾಡುತ್ತಿದ್ದಾರೆ. ಹೀಗಾಗಿ ಕರ್ನಾಟಕದಲ್ಲಿಯೂ ಮೊದಲ ವಾರ ಶೋಗಳ ಸಂಖ್ಯೆಯನ್ನು ಹೆಚ್ಚಿಸಿದ್ದರು. ಮೂಲಗಳ ಪ್ರಕಾರ, ‘ಗಾಳಿಪಟ 2’ ಸಿಂಗಲ್ ಸ್ಕ್ರೀನ್‌ಗಳಲ್ಲಿ ಸುಮಾರು 700 ಶೋಗಳನ್ನು ಕಂಡಿದ್ದು, ಅದೇ ಮಲ್ಟಿಪ್ಲೆಕ್ಸ್‌ನಲ್ಲಿ 400 ರಿಂದ 500 ಶೋ ಕಂಡಿದೆ ಎನ್ನುತ್ತಿವೆ. ಹೀಗಾಗಿ ‘ಗಾಳಿಪಟ 2’ ಒಂದೇ ಭಾಷೆಯಲ್ಲಿ ತೆರೆಕಂಡ ಹೊರತಾಗಿಯೂ ಇದು ದೊಡ್ಡ ಸಾಧನೆ ಎಂದೇ ಹೇಳಲಾಗುತ್ತಿದೆ. ‘ಗಾಳಿಪಟ 2’ ಎಲ್ಲೆಲ್ಲಿ ಎಷ್ಟು ಶೋ ಕಂಡಿದೆ ಅನ್ನೋ ಡಿಟೈಲ್ಸ್ ಇಲ್ಲಿದೆ.
ಕರ್ನಾಟಕ 700 ಶೋ ( ಮೊದಲ ವಾರ) ಬಾಂಬೆ-ಹೈದರಾಬಾದ್ 50 ಶೋ ( ಮೊದಲ ವಾರ) ಓವರ್‌ಸೀಸ್ 250ಶೋ ( ಮೊದಲ ವಾರ) ಕಂಡಿದೆ.
‘ಗಾಳಿಪಟ 2’ ತಂಡಕ್ಕೆ ನಿರೀಕ್ಷೆಗೂ ಮೀರಿದ ರೆಸ್ಪಾನ್ಸ್ ಸಿಕ್ಕಿದೆ. ಇದಕ್ಕೆ ಇಡೀ ತಂಡ ಖುಷಿಯಾಗಿದೆ. ಎರಡನೇ ವಾರ ಕೇವಲ 70 ರಿಂದ 80ರಷ್ಟು ಮಂದಿ ಥಿಯೇಟರ್‌ಗೆ ಬರಬಹುದು ಎಂಬ ನಿರೀಕ್ಷೆಯಿತ್ತು. ಆದರೆ, ಅದು 90ರಷ್ಟಿದೆ ಎನ್ನುತ್ತಿದೆ ತಂಡ. ಇನ್ನೊಂದು ವಿದೇಶದಲ್ಲಿ ಎಲ್ಲೆಲ್ಲಿ ರಿಲೀಸ್ ಆಗಿದೆಯೋ ಅಲ್ಲೆಲ್ಲಾ ಸಿನಿಮಾದ ಕಲೆಕ್ಷನ್ ಚೆನ್ನಾಗಿದೆ. ಈ ಕಾರಣಕ್ಕೆ ಇಡೀ ತಂಡ ಫುಲ್ ಖುಷಿಯಾಗಿದೆ.
