ಹೊಸದಿಲ್ಲಿ: ವಿದೇಶದ ಬೆಟ್ಟಿಂಗ್‌ ವೇದಿಕೆ “ಫೇರ್‌ಪ್ಲೇ’ ಭಾರತದಲ್ಲಿನ 100ಕ್ಕೂ ನಕಲಿ ಫಾರ್ಮಾ ಕಂಪೆನಿ ಗಳನ್ನು ಬಳಕೆ ಮಾಡಿ 4500 ಕೋಟಿ ರೂ. ಅಕ್ರಮ ಎಸಗಿದೆ ಎಂದು ಇ.ಡಿ. ಹೇಳಿದೆ.
100 ಕ್ಕೂ ಹೆಚ್ಚು ನಕಲಿ ಫಾರ್ಮಾ ಕಂಪೆನಿ ಗಳನ್ನು ಬಳಕೆ ಮಾಡಿಕೊಳ್ಳಲಾಗಿದೆ. ಹಲವು ಹಂತಗಳಲ್ಲಿ ಹಣ ವರ್ಗಾವಣೆ ಬಳಿಕ, ಅದನ್ನು ವಿದೇಶದಲ್ಲಿರುವ ಕಂಪೆನಿಗಳಲ್ಲಿ ಹೂಡಿಕೆ ಮಾಡಲಾಗಿರುವುದು ತನಿಖೆಯಿಂದ ಬಹಿರಂಗ ಗೊಂಡಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಕೆರೆಬಿಯನ್‌ ದ್ವೀಪ ಕ್ಯೂರೋಕಾವೋ ಮತ್ತು ದುಬಾೖಯಲ್ಲಿ ನೋಂದಣಿಯಾಗಿರುವ ಫೇರ್‌ಪ್ಲೇ ಕಂಪೆನಿ ಆನ್‌ಲೈನ್‌ ಬೆಟ್ಟಿಂಗ್‌ ಗಳಿಸಿದ ಹಣವನ್ನು ಶೆಲ್‌ ಕಂಪೆನಿಗಳ ಮೂಲಕ ಅಕ್ರಮವಾಗಿ ವರ್ಗಾವಣೆ ಮಾಡಿದೆ. ಇದನ್ನು ಫಾರ್ಮಾ ಕಂಪೆನಿಗಳಿಗೆ ಒದಗಿಸುವುದಕ್ಕೂ ಮುನ್ನ 5 ಹಂತಗಳಲ್ಲಿ ಬೇರೆ ಕಡೆ ವರ್ಗಾವಣೆ ಮಾಡಲಾಗಿದೆ.
ಒಂದು ಹಂತದಲ್ಲಿ ಬಿಎಸ್‌ಇನಲ್ಲಿ ಲಿಸ್ಟ್‌ ಆಗಿರುವ ಕಂಪೆನಿ ಮೂಲಕ ವಹಿವಾಟು ನಡೆಸಲಾಗಿದೆ. ಆ ಕಂಪೆನಿ ಮೂಲಕ 90 ನಕಲಿ ಕಂಪೆನಿ ಸೃಷ್ಟಿಸಲಾಗಿದೆ. ಈ ಕಂಪೆನಿಗಳನ್ನು ಕೇವಲ ಅಕ್ರಮ ಹಣ ವರ್ಗಾವಣೆಗೆ ಮಾತ್ರ ಬಳಕೆ ಮಾಡಿಕೊಳ್ಳಲಾಗುತ್ತಿತ್ತು ಎಂದು ಇ.ಡಿ. ಹೇಳಿದೆ.
