ಮಾನವನ ಜೀವನಕ್ಕೆ ಬೇಕಾಗಿರುವುದು ಉತ್ತಮ ಆರೋಗ್ಯ ಮತ್ತು ಆರೋಗ್ಯಕ್ಕೆ ಬೇಕಾಗಿರುವುದು ಉತ್ತಮ ಆಹಾರ. ಒಳ್ಳೆಯ ಆಹಾರವನ್ನು ನಾವು ಹುಡುಕಿಕೊಂಡು ಊರೂರು ಅಲೆಯ ಬೇಕಾಗಿಲ್ಲ. ನಿಸರ್ಗವೇ ನಮಗೆ ಎಲ್ಲವನ್ನೂ ಕೊಡುತ್ತದೆ. ಆದರೆ ಅದನ್ನು ಸರಿಯಾಗಿ ಉಪಯೋಗಿಸಿ ಕೊಳ್ಳುವ ಮಾರ್ಗ ನಮಗೆ ಗೊತ್ತಿರಬೇಕು ಅಷ್ಟೇ.
ಪ್ರಾಚೀನ ಕಾಲದಲ್ಲಿ ಮನುಷ್ಯರು ಕಾಡುಗಳೊಂದಿಗೆ ನಿಕಟ ಸಂಪರ್ಕ ಹೊಂದಿರುತ್ತಿದ್ದರು. ಹಾಗಾಗಿ ಅಲ್ಲಿನ ಗೆಡ್ಡೆ, ಗೆಣಸುಗಳು, ಸೊಪ್ಪು, ಸದೆ ಇವುಗಳನ್ನು ತಿಂದು ಜೀವಿಸುತ್ತಿದ್ದರು. ಕಾಯಿಲೆಗಳೇ ಇಲ್ಲದೆ ದೀರ್ಘಕಾಲ ಆರೋಗ್ಯವಂತರಾಗಿ ಬದುಕುತ್ತಿದ್ದರು.
ಈಗ ನಾವೆಲ್ಲ ಎಷ್ಟು ಬದಲಾಗಿದ್ದೇವೆ. ನಮ್ಮ ಜೀವನ ಶೈಲಿ, ಆಹಾರ ಪದ್ಧತಿ ಎಲ್ಲವೂ ಬದಲಾಗಿದೆ. ಜೊತೆಗೆ ಬೇಡದ ಕಾಯಿಲೆಗಳು ಸಹ ಬಂದಾಗಿದೆ. ಇಂತಹ ಸಂದರ್ಭದಲ್ಲಿ ದೈವತ್ವದ ಗುಣ ಹೊಂದಿರುವ ಕೆಲವೊಂದು ಆರೋಗ್ಯಕರವಾದ ಔಷಧೀಯ ಗುಂಪಿಗೆ ಸೇರುವ ಎಲೆಗಳು ನಮ್ಮ ಆಹಾರ ಪದ್ಧತಿಯಲ್ಲಿ ಅವಶ್ಯಕತೆ ಇದೆ.
ಬಿಲ್ವಪತ್ರೆ ಎಲೆಗಳು
• ಮುಖ್ಯವಾಗಿ ಸಕ್ಕರೆ ಕಾಯಿಲೆ ಇರುವವರು ತಮ್ಮ ಆರೋಗ್ಯ ನಿರ್ವಹಣೆಗೆ ಸೇವಿಸಬಹುದಾದ ಎಲೆಗಳು ಇವು. ಬಿಲ್ವಪತ್ರೆ ಎಲೆಗಳು ರಕ್ತದಲ್ಲಿನ ಸಕ್ಕರೆ ಪ್ರಮಾಣ ವನ್ನು ನಿಯಂತ್ರಣ ಮಾಡುವ ಶಕ್ತಿ ಪಡೆದಿವೆ ಮತ್ತು ದೇಹದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚು ಮಾಡುವ ಗುಣವನ್ನು ಹೊಂದಿವೆ.
• ಒಂದು ಟೀ ಚಮಚ ಬಿಲ್ವ ಪತ್ರೆ ಎಲೆಗಳ ಪುಡಿಯನ್ನು ಸಹ ದಿನನಿತ್ಯ ಸೇವಿಸುವ ಅಭ್ಯಾಸ ಇಟ್ಟುಕೊಳ್ಳಬಹುದು.
ಬೇವಿನ ಎಲೆಗಳು
• ವಾರದಲ್ಲಿ ಒಂದೆರಡು ಬೇವಿನ ಎಲೆಗಳನ್ನು ಜಗಿದು ತಿನ್ನುವುದ ರಿಂದ ಗ್ಯಾಸ್ಟ್ರಿಕ್ ಸಮಸ್ಯೆ ದೂರವಾಗುತ್ತದೆ ಮತ್ತು ದೇಹದಲ್ಲಿ ಕಡಿಮೆ ಟೆಸ್ಟೋಸ್ಟಿರೋನ್ ಇದ್ದವರಿಗೆ ಸಾಕಷ್ಟು ಅನುಕೂಲ ವಾಗುತ್ತದೆ.
• ಮುಖ್ಯವಾಗಿ ಬೇವಿನ ಎಲೆಗಳು ರಕ್ತ ಶುದ್ಧೀಕರಣದಲ್ಲಿ ಕೆಲಸ ಮಾಡುತ್ತವೆ ಹಾಗೂ ಅಧಿಕ ಸಕ್ಕರೆ ಪ್ರಮಾಣವನ್ನು ರಕ್ತದಿಂದ ಕಡಿಮೆ ಮಾಡುತ್ತವೆ.
ವೀಳ್ಯದೆಲೆ
• ಚಿಕ್ಕ ವಯಸ್ಸಿನ ಮಕ್ಕಳಿಂದ ಹಿಡಿದು ವಯಸ್ಸಾದ ವೃದ್ಧರವ ರೆಗೂ ಯಾರು ಬೇಕಾದರೂ ವೀಳ್ಯದ ಎಲೆ ಗಳನ್ನು ತಿನ್ನ ಬಹುದು. ಇವುಗಳಲ್ಲಿ ಕ್ಯಾಲ್ಸಿಯಂ ಪ್ರಮಾಣ ಅಪಾರವಾಗಿದೆ. ಹಾಗಾಗಿ ಮೂಳೆಗಳ ದುರ್ಬಲತೆ ದೂರವಾಗುತ್ತದೆ.
• ದೇಹದ ಜೀರ್ಣಾಂಗ ವ್ಯವಸ್ಥೆಯನ್ನು ಉತ್ತೇಜಿಸುವ ಜೊತೆಗೆ ಬಾಯಿಯ ದುರ್ವಾಸನೆಯನ್ನು ಸಹ ಇದು ಹೋಗಲಾಡಿ ಸುತ್ತದೆ.
• ಊಟ ಆದ ನಂತರದಲ್ಲಿ ಎಲೆ ಅಡಿಕೆ ಹಾಕಿಕೊಳ್ಳುವ ಅಭ್ಯಾಸ ಇದ್ದರೆ ಅಂತಹವರು ವೀಳ್ಯದೆಲೆ ಜೊತೆಗೆ ಸ್ವಲ್ಪ ಕೇಸರಿ, ಚಿಟಿಕೆ ಅರಿಶಿನ ಮತ್ತು ಸ್ವಲ್ಪ ದಾಲ್ಚಿನ್ನಿಯನ್ನು ಜೊತೆಗೆ ಸೇರಿಸಿ ಜಗಿದು ತಿನ್ನುವ ಅಭ್ಯಾಸ ಇಟ್ಟುಕೊಳ್ಳ ಬಹುದು. ಆದರೆ ಜೊತೆಯಲ್ಲಿ ತಂಬಾಕು ಸೇವನೆ ಮಾತ್ರ ಬೇಡ.
ತುಳಸಿ ಎಲೆಗಳು
ಒಂದು ದಿನಕ್ಕೆ ಎರಡು ತುಳಸಿ ಎಲೆಗಳು ಆರೋಗ್ಯಕ್ಕೆ ಎಷ್ಟು ಶ್ರೇಷ್ಠ ಗೊತ್ತಾ? ಇವುಗಳಿಂದ ಸಹ ದೇಹದ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತದೆ ಮತ್ತು ಬ್ಯಾಕ್ಟೀರಿಯಾ ಹಾಗೂ ವೈರಸ್ ಪ್ರಭಾವ ದೇಹದ ಮೇಲೆ ಇರುವುದಿಲ್ಲ.
ಕರಿಬೇವಿನ ಸೊಪ್ಪು
• ಕೇವಲ ತಲೆ ಕೂದಲಿನ ಆರೋಗ್ಯಕ್ಕೆ ಮಾತ್ರ ಕರಿಬೇವಿನ ಸೊಪ್ಪು ಕೆಲಸ ಮಾಡುವುದಲ್ಲದೆ ದೇಹದಲ್ಲಿ ರಕ್ತದ ಒತ್ತಡವನ್ನು ಸಹ ಇದು ಉತ್ತಮವಾಗಿ ನಿರ್ವಹಣೆ ಮಾಡುತ್ತದೆ.
• ಹಾಗಾಗಿ ಆಹಾರ ಪದ್ಧತಿಯಲ್ಲಿ ಕರಿಬೇವಿನ ಸೊಪ್ಪು ಬಳಸ ಬಹುದು. ರಕ್ತದ ಒತ್ತಡ ಜಾಸ್ತಿ ಇರುವವರು 7 ರಿಂದ 8 ಕರಿಬೇವಿನ ಎಲೆಗಳನ್ನು ಜಗಿದು ತಿನ್ನಬಹುದು.
• ಆದರೆ ರಕ್ತದ ಒತ್ತಡಕ್ಕೆ ಸಂಬಂಧಪಟ್ಟಂತೆ ಔಷಧಿ ಗಳನ್ನು ತೆಗೆದುಕೊಳ್ಳುತ್ತಿದ್ದರೆ, ಹೆಚ್ಚಿನ ಪ್ರಮಾಣದಲ್ಲಿ ಕರಿಬೇವಿನ ಎಲೆಗಳ ಸೇವನೆ ಬೇಡ.
