ಮಾರುತೀ ಸೇವಕನ ಮಾಡು ಸೇವಕನ ಮಾಡು |
ಮಾರುತೀ ಸೇವಕನ ಮಾಡು ||
ನಿನ್ನಂತೆ ನನ್ನಾ ಸೇವಕನ ಮಾಡು ||
ರಾಮಚಂದ್ರನ ಸೇವಿಸಿ ಪೂಜಿಸಿ||
ಧನ್ಯನಾಗುವಂತೆ ಹರಸಿ ನನ್ನಾ ||2 || || ಸೇವಕನ ||
ಸೇವಕನಾದರೆ ದೊರೆಯುವ ಪ್ರಭುವಿನ ಕರುಣೆಗೆ ಎಣೆಯೆ ಇಲ್ಲಾ|
ಸೇವೆಯು ನೀಡುವ ಮಹಾದಾನಂದ ಬಣ್ಣಿಸೆ ಮಾತುಗಳಿಲ್ಲಾ |
ಸೇವೆಯು ಕೊಡುವ ಫಲದ ಕಲ್ಪನೆ|
ಕಲ್ಪರುಕ್ಷಕು ಇಲ್ಲಾ || ಸೇವಕನ ||
ಸೇವಕನೆಂದೆ ನಂದಿಗೆ ದೊರಕಿತು ಕೈಲಾಸದಲ್ಲಿ ಸ್ಥಾನ |
ಸೇವಕನಾಗಿ ಗರುಡನು ಪಡೆದ ವೈಕುಂಠದಲ್ಲಿ ತಾಣ |
ಸೇವಕನಾದರೆ ನನ್ನಲ್ಲಿ ಆಗ ||
ಕರಗುವುದು ಅಜ್ಞಾನ || ಸೇವಕನ ||
ಸೇವಕನಾಗಿ ಎಲ್ಲಾ ಶಕ್ತಿಯು ನಿನ್ನ ಕೈ ಸೇರಿತು ಹನುಮಾ |
ಪೂಜೆಯ ಹೊಂದುವ ಭಾಗ್ಯ ನೀಡಿತು ನೀನಾಗರಾಮ ನಾಮ |
ನನ್ನೀ ಜನುಮವು ಸಾರ್ಥಕ ತಂದೆ ||
ಪಡೆದರೆ ನಿನ್ನ ಪ್ರೇಮಾ || ಸೇವಕನ ||
