ಹೊಸಪೇಟೆ: ಕುರಿ ಹಿಂಡಿನ ಮೇಲೆ ಲಾರಿ ಹರಿದು, 40 ಕ್ಕೂ ಆಧಿಕ ಕುರಿಗಳು ಸಾವಪ್ಪಿರುವ ಘಟನೆ ವಿಜಯನಗರ ಜಿಲ್ಲೆಯ ಕೂಡ್ಲಿಗಿ ತಾಲೂಕಿನ ಶಿವಪುರ ಗ್ರಾಮದ ರಾ.ಹೆ.50 ರಲ್ಲಿ ಸೋಮವಾರ ನಡೆದಿದೆ.
ಕುರಿಗಾಹಿ ಶಿವಪುರದ ಬಾಲಪ್ಪ ಎಂಬ ರೈತನಿಗೆ ಸೇರಿದ ಕುರಿಗಳು ಲಾರಿ ಹರಿದು ಸಾವನಪ್ಪಿವೆ.
ಹೊಸಪೇಟೆ ಕಡೆಯಿಂದ ಬೆಂಗಳೂರು ಕಡೆಗೆ ಅತಿವೇಗವಾಗಿ ಹೊರಟಿದ್ದ ಲಾರಿ ಕುರಿಗಳ ಮೇಲೆ ಹರಿಸಿದ ಪರಿಣಾಮ ಈ ಧಾರುಣ ಘಟನೆ ನಡೆದಿದೆ. ಲಾರಿ ಹರಿದ ರಭಸಕ್ಕೆ ರಸ್ತೆಯ ತುಂಬೆಲ್ಲಾ ಕುರಿಗಳ ದೇಹ ಚೆಲ್ಲಾಪಿಲ್ಲಿಯಾಗಿ ಬಿದ್ದಿವೆ. ಕೂಡ್ಲಿಗಿ ಪೊಲೀಸರು ಸ್ಥಳಕ್ಕೆ ಭೇಟಿ, ಪರಿಶೀಲನೆ ನಡೆಸಿದ್ದಾರೆ.
