ಸೆರ್ಗಿ ಗೋರ್ಡಿಯೆವ್ ಎಂಬ ಎಂಜಿನಿಯರ್ ಪ್ರಸಿದ್ಧ ಯೂಟ್ಯೂಬ್ ಚಾನೆಲ್ ದಿ ಕ್ಯೂ ಅನ್ನು ಹೊಂದಿದ್ದು, ಅದರಲ್ಲಿ ಅವರು ಅದ್ಭುತವಾದ ವಿಷಯಗಳನ್ನು ತಯಾರಿ ಮಾಡುತ್ತಿರುತ್ತಾರೆ. ಇತ್ತೀಚೆಗೆ ಅವರು ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ ಅದರಲ್ಲಿ ಅವರು ಬೈಸಿಕಲ್ ತಯಾರಿಸುತ್ತಿರುವುದನ್ನು ಕಾಣಬಹುದು. ಇದರ ವಿಶೇಷತೆ ಏನೆಂದರೆ ಈ ಸೈಕಲ್ ನಲ್ಲಿ ಚಕ್ರ ಇಲ್ಲ. ಕೆಲವು ದಿನಗಳ ಹಿಂದೆ ಅವರು ಚೌಕಾಕಾರದ ಚಕ್ರಗಳಿಂದ ಸೈಕಲ್ ತಯಾರಿಸುವ ಮೂಲಕ ಪ್ರಸಿದ್ಧರಾಗಿದ್ದರು. ಇದರ ವಿಡಿಯೋ ಅವರ ಯೂಟ್ಯೂಬ್ ಚಾನೆಲ್ ನಲ್ಲಿಯೂ ಲಭ್ಯವಿದೆ.
ಸರ್ಜಿಯವರು ಮೊದಲು ಪೇಪರ್ ಮೇಲೆ ಸೈಕಲ್ ನ ಫೋಟೋ ಬಿಡಿಸುತ್ತಾರೆ. ಅದರ ನಂತರ, ಅವರು ಅದರಲ್ಲಿರುವ ಟೈರ್‌ ಗಳನ್ನು ಗೋಲುಗಳ ಬದಲಿಗೆ ಕಂಬಗಳಂತೆ ಮಾಡುತ್ತಾರೆ. ಚಿತ್ರವನ್ನು ರಿಯಾಲಿಟಿ ಮಾಡುವ ಸಮಯ ಬಂದಾಗ, ಅವರು ಈ ಪ್ರಯೋಗವನ್ನು ಪೂರ್ಣಗೊಳಿಸಲು ತಮ್ಮ ಕಾರ್ಖಾನೆಗೆ ಹೋಗುತ್ತಾರೆ.
ಕತ್ತರಿಸಿದ ನಂತರ, ಅವರು ಎರಡು ಕಬ್ಬಿಣದ ಕಂಬಗಳ ಮೇಲೆ ತಿರುಗುವ ಕಬ್ಬಿಣದ ಚಾಪೆಯನ್ನು ಹಾಕುತ್ತಾರೆ ಮತ್ತು ನಂತರ ಅದನ್ನು ಸರಪಳಿಯೊಂದಿಗೆ ಕನೆಕ್ಟ್ ಮಾಡುತ್ತಾರೆ. ಅವರು ಮಾಡಿದ ಈ ವಿಶಿಷ್ಟ ಇಂಜಿನಿಯರಿಂಗ್ ಅನ್ನು ಸಂಪೂರ್ಣವಾಗಿ ವಿವರಿಸುವುದು ಕಷ್ಟ. ಕೊನೆಗೆ ಆ ಸೈಕಲ್ ಕಂಬಗಳ ಮೇಲೆ ನಡೆಯುವುದನ್ನು ನೋಡಿದಾಗ, ನೀವು ಖಂಡಿತವಾಗಿಯೂ ಆಶ್ಚರ್ಯಚಕಿತರಾಗುವಿರಿ.
ವೃತ್ತಿಯಲ್ಲಿ ಇಂಜಿನಿಯರಿಂಗ್ ಆಗಿರುವ ಸೆರ್ಗಿ ಅವರು ದ ಕ್ಯೂ ಎಂಬ ಹೆಸರಿನ ಇನ್ನೋವೇಟಿವ್‌ ಯುಟ್ಯೂಬ್‌ ಚಾನಲ್ ಅನ್ನು ನಡೆಸುವುದಕ್ಕೆ ಹೆಸರುವಾಸಿಯಾಗಿದ್ದಾರೆ. ಇತ್ತೀಚೆಗೆ ಅವರು ಚೌಕಾಕಾರದ ಚಕ್ರಗಳನ್ನು ಹೊಂದಿರುವ ಸೈಕಲ್ ವಿಡಿಯೋ ಹಂಚಿಕೊಂಡಿದ್ದು ನೆಟ್ಟಿಗರನ್ನು ಬೆರಗುಗೊಳಿಸಿದೆ.
ಕುತೂಹಲಕಾರಿ ವಿಡಿಯೋದಲ್ಲಿ ಸೈಕಲ್ ಸಾಮಾನ್ಯ ಕಪ್ಪು ಬಣ್ಣದ್ದಾಗಿದೆ. ಆದರೆ ಅದರಲ್ಲಿರುವ ಚೌಕಾಕಾರದ ಚಕ್ರಗಳು ಮಾತ್ರ ವಿಶೇಷ ಆಕರ್ಷಣೆಯಾಗಿದೆ. ವ್ಯಕ್ತಿಯೊಬ್ಬ ಸೈಕಲ್ ಹತ್ತಿ ಪೆಡಲ್‌ ತುಳಿಯಲು ಆರಂಭಿಸಿದಾಗ ಅದು ನಿಧಾನಕ್ಕೆ ವೇಗ ಪಡೆಯುತ್ತದೆ. ಅಲ್ಲದೇ ಸರಾಗವಾಗಿ ಮುಂದಕ್ಕೆ ಚಲಿಸುತ್ತದೆ. ಪ್ರಾಯೋಗಿಕ ಬೈಸಿಕಲ್ ನ ಸಂಪೂರ್ಣ ವಿಡಿಯೋವನ್ನು ತಮ್ಮ ಕ್ಯೂ ಯೂಟ್ಯೂಬ್ ಚಾನೆಲ್ ನಲ್ಲಿಯೂ ಹಂಚಿಕೊಂಡಿದ್ದಾರೆ.
