ಪಾಂಡವಪುರ: ಅಪಘಾತ ಸೇರಿದಂತೆ ಇನ್ನಿತರ ಪ್ರಕರಣಗಳಲ್ಲಿ ಪೊಲೀಸರು ವಶಪಡಿಸಿಕೊಂಡು ನಿಲ್ಲಿಸಿದ ವಾಹನಗಳಿಗೆ ಆಕಸ್ಮಿಕ ಬೆಂಕಿ ತಗುಲಿ ಧಗ ಧಗನೆ ಉರಿದ ಘಟನೆ ಬುಧವಾರ ನಡೆಯಿತು.
ಪಟ್ಟಣ ಪೊಲೀಸ್ ಠಾಣೆ ಹಿಂಭಾಗದ ಸಂತೆ ಮೈದಾನದಲ್ಲಿ ನಿಲ್ಲಿಸಿದ ವಾಹನಗಳಿಗೆ ಆಕಸ್ಮಿಕ ಬೆಂಕಿ ತಗುಲಿ ಒಂದು ವಾಹನದಿಂದ ಇತರೆ ವಾಹನಕ್ಕೆ ಬೆಂಕಿ ವ್ಯಾಪಿಸಿದ ಪರಿಣಾಮ ಹಲವಾರು ವರ್ಷಗಳಿಂದ ಒಂದೇ ಸ್ಥಳದಲ್ಲಿ ನಿಂತಿದ್ದ ಆಟೋ, ಗೂಡ್ಸ್ ಆಟೋ, ವ್ಯಾನ್, ಕಾರು, ಜೆಸಿಬಿ ಸೇರಿದಂತೆ ಇತರೆ ವಾಹನಗಳು ಬೆಂಕಿಯಿಂದ ಭಾಗಶಃ ಸುಟ್ಟುಹೋಗಿದೆ.
ಬೆಂಕಿಯ ತೀವ್ರತೆಗೆ ವಾಹನಗಳಲ್ಲಿದ್ದ ಬ್ಯಾಟರಿ ಸಿಡಿದ್ದವು. ಕಾರಿನ ಸೀಟು ಮತ್ತು ಟೈರುಗಳು ಹತ್ತಿ ಉರಿದವು.ವಾಹನಗಳ ಸುತ್ತ ಮತ್ತಲು ಕಸ ಸುರಿಯುವುದರಿಂದ ಕಸಕ್ಕೆ ಮೊದಲು ಬೆಂಕಿ ತಗುಲಿ ಬಳಿಕ ವಾಹನಗಳಿಗೆ ವ್ಯಾಪಿಸಿದೆ ಎಂದು ಸ್ಥಳದಲ್ಲಿದ್ದ ನಾಗರೀಕರು ತಿಳಿಸಿದರು.
ಸ್ಥಳಕ್ಕಾಗಮಿಸಿದ ಅಗ್ನಿಶಾಮ ಸಿಬ್ಬಂದಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾದರು.ಅವಘಡದಿಂದ ಯಾವುದೇ ಅನಾಹುತ ಸಂಭವಿಸಿಲ್ಲ.
