ಸ್ಯಾಂಡಲ್ವುಡ್ನಲ್ಲಿ ಗಟ್ಟಿಮೇಳದ ನಾದ ಜೋರಾಗಿದ್ದು, ಸೀರಿಯಲ್ ನಟಿಗೆ ಕಂಕಣ ಭಾಗ್ಯ ಕೂಡಿಬಂದಿದೆ. ಲಕುಮಿ, ಯಾರೇ ನೀ ಅಭಿಮಾನಿ ಧಾರಾವಾಹಿ ಖ್ಯಾತಿಯ ನಟಿ ಸುಷ್ಮಾ ಶೇಖರ್ ನಿಶ್ಚಿತಾರ್ಥ ನಡೆದಿದ್ದು, ಶುಭ ಸಮಾರಂಭದ ಫೋಟೋಗಳನ್ನು ತಮ್ಮ ಇನ್ಸ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
`ಲಕುಮಿ’ ಸೀರಿಯಲ್ ಮೂಲಕ ಜನಪ್ರಿಯತೆ ಮುದ್ದು ಮುಖದ ನಟಿ ಸುಷ್ಮಾ ಬಾಲನಟಿಯಾಗಿ ಬಣ್ಣದ ಲೋಕ ಪ್ರವೇಶಿಸಿದ್ದರು. ಲಕುಮಿ, ಯಾರೇ ನೀ ಅಭಿಮಾನಿ ಬಳಿಕ ಗಿಣಿರಾಮ ಸೀರಿಯಲ್ನಲ್ಲೂ ನಟಿಸಿದ್ದ ಸುಷ್ಮಾ ಕೊಂಚ ಬ್ರೇಕ್ ಪಡೆದಿದ್ದರು. ಇದೀಗ ಮದುವೆಯಾಗುವ ಸುದ್ದಿ ಕೊಟ್ಟಿದ್ದಾರೆ.
ಮದುವೆಯಾಗೋ ಹುಡುಗನ ಪರಿಚಯ ಗುಪ್ತವಾಗೇ ಇಟ್ಟಿರುವ ಸುಷ್ಮಾ ನಿಶ್ಚಿತಾರ್ಥದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. He Asked, I Said Yes ಎಂದಿದ್ದಾರೆ. ಇತ್ತೀಚೆಗಷ್ಟೇ ನಟಿ ರಜನಿ ಸೇರಿದಂತೆ ಅನೇಕರು ಮದುವೆಯಾಗಿದ್ದರು. ಇದೀಗ ಬಹುಕಾಲದ ಗೆಳೆಯನ ಜೊತೆ ನಟಿ ಸುಷ್ಮಾ ಸಪ್ತಪದಿ ತುಳಿಯುವ ಹೊಸ್ತಿಲಲ್ಲಿ ನಿಂತಿದ್ದಾರೆ ಎಂದು ಹೇಳಲಾಗಿದೆ.
