ಪ್ರತಿಯೊಬ್ಬರಿಗೂ ತನ್ನದೇ ಆದ ರೀತಿಯಲ್ಲಿ ತನ್ನ ಜೀವನವನ್ನು ನಡೆಸಲು ಎಲ್ಲ ಹಕ್ಕಿದೆ. ತಮ್ಮ ಜೀವನದ ಬಗ್ಗೆ ಮಹತ್ತರವಾದ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸಂಪೂರ್ಣ ಸ್ವಾತಂತ್ರ್ಯವಿದೆ. ನಾವು ತೆಗೆದುಕೊಳ್ಳುವ ಕೆಲವು ನಿರ್ಧಾರಗಳು ನಮಗೆ ಒಳ್ಳೆಯದನ್ನು ಮಾಡಿದರೆ ಇನ್ನೂ ಕೆಲವು ನಿರ್ಧಾರಗಳಿಂದಾಗಿ ನಾವು ಪಶ್ಚಾತಾಪ ಪಡಬೇಕಾಗುತ್ತದೆ. ಅಂತಹ ಮಹತ್ವದ ನಿರ್ಧಾರಗಳಲ್ಲಿ ಮದುವೆಯಾಗುವುದು ಅಥವಾ ಸಿಂಗಲ್ ಆಗಿ ಉಳಿಯುವುದೂ ಕೂಡಾ ಒಂದು.
ಕೆಲವು ಜನರು ಒಂಟಿಯಾಗಿರಲು ಇಷ್ಟಪಡುತ್ತಾರೆ, ಅಂದರೆ ಅವರು ಯಾವುದೇ ಸಂಬಂಧದಲ್ಲಿ ಇರಲು ಬಯಸುವುದಿಲ್ಲ. ಒಂಟಿಯಾಗಿರುವುದರಿಂದ ಕೆಲವು ಲಾಭಗಳೂ ಇವೆ ಹಾಗೆಯೇ ನಷ್ಟಗಳೂ ಇವೆ. ಇಂದು ನಾವು ಒಂಟಿಯಾಗಿ ಉಳಿಯುವುದರ ಕೆಲವು ದುಷ್ಪರಿಣಾಮಗಳ ಬಗ್ಗೆ ತಿಳಿಯೋಣ.
ಎಷ್ಟು ವರ್ಷಗಳ ಕಾಲ ಒಂಟಿಯಾಗಿ ಬದುಕಲು ಸಾಧ್ಯ
ಮದುವೆಯ ನಂತರ, ನೀವು ಸಾಮಾನ್ಯವಾಗಿ ಈ ರೀತಿ ಬದುಕಲು ಸಾಧ್ಯವಿಲ್ಲ, ಅದಕ್ಕಾಗಿಯೇ ಕೆಲವರು ಏಕಾಂಗಿಯಾಗಿ ಉಳಿಯಲು ಬಯಸುತ್ತಾರೆ. ಆದರೆ ನೀವು ಎಷ್ಟು ವರ್ಷ ಒಬ್ಬಂಟಿಯಾಗಿ ಬದುಕಬಹುದು ಎಂಬುದು ಪ್ರಶ್ನೆ. ನೀವು ವಯಸ್ಸಾದಂತೆ, ನಿಮ್ಮ ನೋವು ಮತ್ತು ದುಃಖಗಳನ್ನು ಹಂಚಿಕೊಳ್ಳಲು ನಿಮಗೆ ಸಂಗಾತಿಯ ಅಗತ್ಯವಿರುತ್ತದೆ.
ಒಂಟಿಯಾಗಿರುವುದರ ಕೆಲವು ಅನಾನುಕೂಲತೆಗಳ ಬಗ್ಗೆ ನಾವು ನಿಮಗೆ ಹೇಳಲಿದ್ದೇವೆ, ಅದರ ನಂತರ ನೀವು ಕೂಡ ನಿಮ್ಮ ನಿರ್ಧಾರವನ್ನು ಪುನರ್ವಿಮರ್ಶಿಸಲು ಒತ್ತಾಯಿಸಲ್ಪಡುತ್ತೀರಿ.
ಒಂಟಿತನ ಕಾಡುತ್ತದೆ
ನೀವು ಏಕಾಂಗಿಯಾಗಿರುವಾಗ, ಒಂಟಿತನವು ನಿಮ್ಮನ್ನು ಕಾಡುತ್ತದೆ, ಇದು ಸ್ವಲ್ಪ ಸಮಯದವರೆಗೆ ಉತ್ತಮ. ಆದರೆ ಇದು ಹೀಗೇ ಮುಂದುವರಿದರೆ ನಂತರ ನಿಮ್ಮನ್ನು ಗೊಂದಲಕ್ಕೀಡು ಮಾಡುತ್ತದೆ. ಒಂಟಿಯಾಗಿರುವವರಿಗಿಂತ ಸಂಬಂಧದಲ್ಲಿರುವ ಜನರು ತಮ್ಮ ನೋವನ್ನು ಸುಲಭವಾಗಿ ಸಹಿಸಿಕೊಳ್ಳಬಲ್ಲರು ಎಂದು ಅನೇಕ ಅಧ್ಯಯನಗಳು ಕಂಡುಕೊಂಡಿವೆ.
ನಿಮ್ಮ ಸಂಗಾತಿಯೊಂದಿಗೆ ಹೊಂದಾಣಿಕೆ ಮಾಡಿಕೊಳ್ಳುವ ಮೂಲಕ, ನೀವು ಭಾವನಾತ್ಮಕವಾಗಿ ಬಲಶಾಲಿಯಾಗುತ್ತೀರಿ, ಇದು ನಿಮ್ಮನ್ನು ಮಾನಸಿಕ ಅಸ್ವಸ್ಥತೆ, ಖಿನ್ನತೆ ಮತ್ತು ದೈಹಿಕ ಸಮಸ್ಯೆಗಳಿಂದ ದೂರವಿರಿಸುತ್ತದೆ.
ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ
ನೀವು ಮದುವೆ ಮಾಡಿಕೊಳ್ಳಲು ಇಷ್ಟವಿಲ್ಲ, ಸಂಬಂಧದಲ್ಲಿ ಬಂದಿಯಾಗಲು ಇಷ್ಟವಿಲ್ಲದೆ ಏಕಾಂಗಿಯಾಗಿ ಹಲವು ವರ್ಷಗಳ ಕಾಲ ಕಳೆಯುತ್ತೀರಿ. ಅದೇ ನಿಮ್ಮ ಸ್ನೇಹಿತರು ಸುಖ ಸಂಸಾರವನ್ನು ಸಾಗಿಸುತ್ತಿರುವಾಗ ನಿಮಗೆ ಅದನ್ನು ನೋಡಿ ನೀವು ಏಕಾಂಗಿ ಎಂಬ ಭಾವನೆ ಮೂಡುತ್ತದೆ.
ನಂತರ ನೀವು ಕ್ರಮೇಣ ನಿದ್ರಾಹೀನತೆ, ಆತಂಕ ಮತ್ತು ಖಿನ್ನತೆಯಂತಹ ಸಮಸ್ಯೆಗಳನ್ನು ಎದುರಿಸಲು ಪ್ರಾರಂಭಿಸುತ್ತೀರಿ. ದೀರ್ಘಕಾಲ ಒಂಟಿಯಾಗಿರುವವರಿಗೆ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ ಎಂದು ಸಂಶೋಧನೆಯೊಂದು ತಿಳಿಸಿದೆ.
ತಮ್ಮ ವಿಚಾರವನ್ನು ವ್ಯಕ್ತಪಡಿಸಲು ಕಷ್ಟವಾಗುತ್ತದೆ
ದೀರ್ಘಕಾಲ ಏಕಾಂಗಿಯಾಗಿರುವ ಜನರು ನಂತರ ಸಂಬಂಧಕ್ಕೆ ಬಂದಾಗ ಬಹಳಷ್ಟು ಸಮಸ್ಯೆಗಳನ್ನು ಎದುರಿಸುತ್ತಾರೆ. ಇತರ ವ್ಯಕ್ತಿಯೊಂದಿಗೆ ಸಂಬಂಧವನ್ನು ಬೆಳೆಸುವಲ್ಲಿ ಮತ್ತು ಅವರೊಂದಿಗೆ ಪ್ರೀತಿಯನ್ನು ವ್ಯಕ್ತಪಡಿಸುವಲ್ಲಿ ಅವರು ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ.
ಏಕೆಂದರೆ ಅವರು ದೀರ್ಘಕಾಲ ಒಂಟಿಯಾಗಿರಲು ಅಭ್ಯಾಸ ಮಾಡಿರುತ್ತಾರೆ ಹೀಗಿರುವಾಗ ಸಡನ್ ಆಗಿ ಸಂಬಂಧಕ್ಕೆ ಬಂದಾಗ ಅವರು ಬೇರೆಯವರೊಂದಿಗೆ ವಿಷಯಗಳನ್ನು ಹಂಚಿಕೊಳ್ಳಲು ಕಷ್ಟಪಡುತ್ತಾರೆ.
ಭಾವನಾತ್ಮಕವಾಗಿ ದುರ್ಬಲರಾಗುತ್ತೀರಿ
ಭಾವನಾತ್ಮಕ ಬಾಂಧವ್ಯ ಮತ್ತು ಪಾಲುದಾರರ ಮೇಲೆ ಭಾವನಾತ್ಮಕವಾಗಿ ಅವಲಂಬಿತರಾಗುವುದರ ನಡುವೆ ದೊಡ್ಡ ವ್ಯತ್ಯಾಸವಿದೆ. ನೀವು ದೀರ್ಘಕಾಲ ಏಕಾಂಗಿಯಾಗಿದ್ದರೆ, ನೀವು ಭಾವನಾತ್ಮಕವಾಗಿ ದುರ್ಬಲರಾಗುತ್ತೀರಿ.
ಏಕೆಂದರೆ ನೀವು ಏಕಾಂಗಿಯಾಗಿರುವುದರಿಂದ ಮಾನಸಿಕ ಅಸ್ವಸ್ಥರಾಗಲು ಪ್ರಾರಂಭಿಸುತ್ತೀರಿ. ಇದು ನಿಮ್ಮ ಹೃದಯ ಮತ್ತು ಮನಸ್ಸಿನ ಮೇಲೆ ಪರಿಣಾಮ ಬೀರುತ್ತದೆ. ಆರೋಗ್ಯಕರ ಸಂಬಂಧವು ನಿಮ್ಮನ್ನು ಭಾವನಾತ್ಮಕವಾಗಿ ಬಲಪಡಿಸುತ್ತದೆ.
