ಬಾಳೆದಿಂಡು ಬಿಪಿ, ಶುಗರ್, ಗ್ಯಾಸ್ಟ್ರಿಕ್ ಹಾಗೂ ಕಿಡ್ನಿ ಸಮಸ್ಯೆ ಹಾಗೂ ಆರೋಗ್ಯ ಸಮಸ್ಯೆಗಳಿಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ಇದನ್ನು (ಪೊರಿಯಲ್) ಪಲ್ಯ, ಜ್ಯೂಸ್ ಮತ್ತು ನಾನಾ ಬಗೆಯ ರೀತಿಯಲ್ಲಿ ಸೇವಿಸುತ್ತಾರೆ. ಇಂತಹ ಆರೋಗ್ಯ ವರ್ಧಕ ಬಾಳೆದಿಂಡಿನಿಂದ ಪಲ್ಯ ಮಾಡುವುದು ಹೇಗೆ ಗೊತ್ತಾ..?
ಬೇಕಾಗುವ ಪದಾರ್ಥಗಳು : ಬಾಳೆ ದಿಂಡು – 1 ಅಡಿ ಉದ್ದ, ಹೆಸರು ಕಾಳು – ¾ ಬಟ್ಟಲು, ಹಸಿ ಮೆಣಸಿನಕಾಯಿ – 2, ಸಕ್ಕರೆ – 2 ಟೀ ಚಮಚ, ಮಜ್ಜಿಗೆ – 3 ಬಟ್ಟಲು, ಉಪ್ಪು – ರುಚಿಗೆ ತಕ್ಕಷ್ಟು, ಒಗ್ಗರಣೆಗೆ – ಸಾಸಿವೆ ಮತ್ತು ಜೀರಿಗೆ – 1 ಟೀ ಚಮಚ, ಕಡಲೆ ಬೇಳೆ ಮತ್ತು ಉದ್ದಿನ ಬೇಳೆ – 1 ಟೀ ಚಮಚ, ಚೂರು ಮಾಡಿದ ಒಣ ಮೆಣಸಿನಕಾಯಿ – 2, ಇಂಗು – ಸ್ವಲ್ಪ, ಕರಿಬೇವು – ಸ್ವಲ್ಪ..,
ಮಾಡುವ ವಿಧಾನ : ಹೆಸರು ಕಾಳನ್ನು ಒಂದು ಬಟ್ಟಲು ನೀರಿನಲ್ಲಿ ಒಂದು ಗಂಟೆ ಕಾಲ ನೆನೆಸಬೇಕು. ಬಾಳೆಯ ದಿಂಡಲ್ಲಿ ಅನಗತ್ಯ ಭಾಗ ತೆಗೆದು, ಕತ್ತರಿಸಿ ಮತ್ತು ಮಜ್ಜಿಗೆಯಲ್ಲಿ ನೆನೆಸಿಡಿ.
ಬಾಣಲೆಯನ್ನು ಬಿಸಿ ಮಾಡಿ ಒಗ್ಗರಣೆಗಾಗಿ ಹಾಕಿ. ಸಾಸಿವೆ ಸಿಡಿದಾಗ, ಹಸಿ ಮೆಣಸಿನಕಾಯಿ, ನೆನೆಸಿದ ಹೆಸರು, ಕತ್ತರಿಸಿದ ಬಾಳೆ ದಿಂಡು, ಉಪ್ಪು, ಸಕ್ಕರೆ ಮತ್ತು ಒಂದು ಬಟ್ಟಲು ನೀರನ್ನು ಹಾಕಿ ಕಲಸಿ.
ಮುಚ್ಚಳವನ್ನು ಮುಚ್ಚಿ ಮತ್ತು ಕಡಿಮೆ ಉರಿಯಲ್ಲಿ ಕುದಿಸಿ. ಬಾಳೆ ದಿಂಡು ಚೆನ್ನಾಗಿ ಬೇಯಬೇಕು ಮತ್ತು ನೀರು ಇಂಗಬೇಕು. ಈಗ ನಿಮ್ಮ ಮುಂದೆ ಬಾಳೆದಿಂಡಿ ಪಲ್ಯ ಸೇವಿಸಲು ಸಿದ್ಧ. ಇದು, ಅನ್ನ-ಸಾಂಬರ ಜೊತೆ ಸೇವಿಸಲು ಉತ್ತಮ ರುಚಿ ಕೊಡುತ್ತೆ.
