ಈ ಗರ್ಭದೋಷಗಳು ಅನೇಕ ವಿಧದಲ್ಲಿ ಬರುತ್ತದೆ. ಕೆಲವು ಸಲ ಗರ್ಭವು ಗರ್ಭನಾಳದಲ್ಲಿ ಕೆಟ್ಟು ಬೆಳೆಯಲಾರಂಭಿಸುತ್ತದೆ. ಇದು ಬಹಳ ಅಪಾಯ. ಪಿಟ್ಯುಟರಿ ಗ್ರಂಥಿಗಳು ಸರಿಯಾಗಿ ಕಾಲಕ್ಕೆ ತಕ್ಕಂತೆ ಹಾರ್ಮೋನ್ಗಳು ಸ್ರವಿಸದೆ ಮಾಸಿಕ ಋತುಗಳು ಕಾಲಕಾಲಕ್ಕೆ ಆಗದು ಗರ್ಭದ ಪದರಗಳು ಸರಿಯಾಗಿ ಬೆಳೆಯದೆ ಇರುವುದು, ಗರ್ಭದಲ್ಲಿ ಸಣ್ಣ ಗಡ್ಡೆಗಳು ಬೆಳೆಯುವುದು, ಗುಪ್ತಾಂಗದಲ್ಲಿ (ಯೋನಿ ಮಾರ್ಗದಲ್ಲಿ) ದೋಷಗಳು, ಸ್ತ್ರೀವ್ಯಾಧಿಗಳು, ಸಿಪ್ಲಿಸ್, ಗನೋರಿಯಾ, ನಾನಾ ಚರ್ಮವ್ಯಾಧಿ, ಉರಿಯಾಗಿ ಕೀವು ಕಟ್ಟುವುದು, ಬಿಳಿ ಹೋಗುವುದು. ನಡು ನೋವು, ಹೊಟ್ಟೆನೋವು,
ನಾರುಗಡ್ಡೆಗಳು :
ಗರ್ಭಕೋಶದ ಸ್ನಾಯುತಂತುಗಳಲ್ಲಿ ದುರ್ಮಾಂಠದ ಉಂಡೆಗಳಂತೆ ಕಾಣುವುದೇ ನಾರು ಗಡ್ಡೆಗಳು ಇದು ಶೇಕಡ 10-15 ಮಂದಿ ಮಹಿಳೆಯರಲ್ಲಿ ಅದೂ 35 ವರ್ಷ ಮೀರಿದವರಲ್ಲಿ ಹೆಚ್ಚಾಗಿ ಇರುತ್ತದೆ. ಅದರಲ್ಲಿ ಮಕ್ಕಳಾಗದೆ ಇರುವ ಶೇಕಡ 60 ರಷ್ಟು ಮಹಿಳೆಯರಲ್ಲಿರುತ್ತದೆ. ಇದರಲ್ಲಿ ಕೆಲವು ಒಳಗೆ, ಕೆಲವು ಹೊರಗೂ ಕಾಣಿಸಿಕೊಳ್ಳುತ್ತದೆ. ಸಣ್ಣ ಗುಳ್ಳೆಯಿಂದ ದೊಡ್ಡಗಾತ್ರದಲ್ಲಿ ಹುಟ್ಟಿಕೊಳ್ಳುತ್ತದೆ. ಇದರಲ್ಲಿ ಕೆಲವು ಬೇರು ಹೊಂದಿರುತ್ತದೆ. ಗರ್ಭಕೋಶದ ಒಳಗಿಂದ ಹೊರಗೆ ದಾಳಿಯಿಟ್ಟ ಗಡ್ಡೆಗಳು
ಬಹಳ ಅಪಾಯಕಾರಿ ಯೋನಿಯೊಳಗೆ ಬೆಳೆದು ಸೋಂಕು ತಗುಲಿ ಲೈಂಗಿಕ ಕ್ರಿಯೆಯಲ್ಲಿ ಅಡಚಣೆ ಮಾಡುತ್ತದೆ ಮುಂದುವರೆದರೆ ಕ್ಯಾನ್ಸರ್ ಗೂ ಬದಲಾಗುತ್ತದೆ.
ಗರ್ಭಾಶಯ ಕ್ಯಾನ್ಸರ್ :
ಗರ್ಭಾಶಯವನ್ನು ಮೂರು ಭಾಗಮಾಡಿದಾಗ ಮೇಲಿನ ಎರಡು ಭಾಗ ಗರ್ಭಾಶಯವಾದರೆ ಕೊನೆಯ ಉಳಿದ ಭಾಗ – ಗರ್ಭಕಂಠ ಭಾಗ ಗರ್ಭಾಶಯದ ಒಡಲಿನಲ್ಲಿ (ಮೇಲಿನ ಎರಡು ಭಾಗ) ಕ್ಯಾನ್ಸರ್ ಕಾಣಿಸಿಕೊಳ್ಳುವುದು ಸಾಮಾನ್ಯವಾಗಿ 55 ವರ್ಷದ ನಂತರ, ಅವಿವಾಹಿತೆಯಾದಲ್ಲಿ ಸ್ಫೂಲಕಾಯ ನಾದರೆ, ಮಧುಮೇಹವಿದ್ದರೆ ನಾರುಗಡ್ಡೆಯಿದ್ದರೆ ಅವರಿಗೆ ಈ ಕ್ಯಾನ್ಸರ್ ಕಾಣಿಸಿಕೊಳ್ಳುತ್ತದೆ. ಮಾನವ ದೇಹವು ಕೋಟಿ ಕೋಟಿ ಜೀವಕಣಗಳಿಂದ ತುಂಬಿದೆ ಇದರಲ್ಲಿ ಪ್ರತಿನಿತ್ಯ ಎಷ್ಟೋ ಜೀವಕಣಗಳು ನಾಶ ವಾಗುತ್ತವೆ ಮತ್ತು ಅಷ್ಟೇ ಅವಶ್ಯಕವಾದ ಜೀವಕಣಗಳು ಹುಟ್ಟಿಕೊಳ್ಳುತ್ತದೆ. ಆದರೆ ಕೆಲವು ಜೀವಕಣಗಳು ಅವಶ್ಯಕತೆಗಿಂತ ಅಧಿಕವಾಗಿ ಹೊಸದಾಗಿ ಹುಟ್ಟಿಕೊಳ್ಳುತ್ತವೆ ಈ ರೀತಿ ಹೊಸ ಅವಶ್ಯಕತೆಯಿಲ್ಲದ ಜೀವಕಣ ಗಳಿಗೆ ಕ್ಯಾನ್ಸರ್ ಮೂಲವಾಗುತ್ತದೆ. ಇದು ಎಲ್ಲೆಲ್ಲಿ ನೆಲೆಯೂರುತ್ತವೋ ಅಲ್ಲಲ್ಲಿ ಕ್ಯಾನ್ಸರ್ ಕಾಣಿಸಿ ಕೊಳ್ಳುತ್ತವೆ ಈ ಮರಿ ಕ್ಯಾಮ್ ಕಣಗಳು ಮೂಲ ಕ್ಯಾನ್ಸರ್ ನಷ್ಟೇ ಆಪಾಯಕಾರಿ. ಇದಕ್ಕೆ ಮಿದುಳು, ಯಕ್ಷತ್, ಶ್ವಾಸಕೋಶಗಳು ಒಳ್ಳೆಯ ನಿವಾಸಗಳು ಕ್ಯಾನ್ಸರ್ ಮೂಲ ಒಂದಾದರೆ, ಅದು ದೇಹದ ಅನೇಕ ಕಡೆ ಪ್ರಸಾರವಾಗುತ್ತದೆ. ಇದು ವಿನಾಶಕಾರಿಯಾಗಿ ಮೂಳೆಗಳನ್ನೂ ಸಹ ಕೊರೆಯಬಹುದು ಕ್ಯಾನ್ಸರ್ ವ್ಯಾಧಿಗೆ ನಿರ್ದಿಷ್ಟ ಕಾರಣ ಹುಡುಕುವುದು ಕಷ್ಟಕರ ಆದರೂ ಕೆಲವನ್ನು ಹುಡುಕಿ ಹೇಳಬಹುದು.
ನಾರುಗಡ್ಡೆ ಬರಲು ಕಾರಣ :
ಯುವತಿಯು ಪದೇ ಪದೇ ಗರ್ಭಪಾತ ಮಾಡಿಸಿಕೊಂಡರೆ, ಗರ್ಭಕೋಶದ ಲೋಳರೆಗೆ ಧಕ್ಕೆಯಾಗಿ ಆದು ಆ ಜಾಗದಲ್ಲಿ ಮತ್ತೆ ಬೆಳೆಯದೆ ಇರಬಹುದು. ಈ ಗಾಯದ ಸ್ನಾಯುಗಳು ಜರ್ಜರಿತ ವಾಗಿ ಗಡ್ಡೆ ಕಾಣಿಸಿಕೊಳ್ಳುತ್ತದೆ. ಕೆಲವರು ಸಂತಾನ ನಿಯಂತ್ರಣಕ್ಕಾಗಿ ಬಹಳ ದಿನಗಳವರೆಗೆ ಕಾಪರ್ ಟಿ’ ಯನ್ನು ಅವಳಡಿಸಿಕೊಂಡಿದ್ದರೆ ನಾರು ಗಡ್ಡೆಗಳು ಬೆಳೆಯಲು ಅವಕಾಶವಾಗುತ್ತದೆ.
ಮಕ್ಕಳಾಗದಿದ್ದವರಲ್ಲಿ ಶೇಕಡ 80 ಭಾಗ ತಗಲುವ ಸಂಭವ, ಅಧಿಕ ರಕ್ತ ಒತ್ತಡ, ಸ್ಕೂಲಕಾಯ ಮಧುಮೇಹವಿದ್ದರೆ, ಆಹಾರ ಶೈಲಿ, ಧೂಮಪಾನ, ಮಧ್ಯಪಾನ, ತಂಬಾಕು ಸೇವನೆ, ಕೆಲವು ರಸಾಯನಿಕ ಕಾರ್ಖಾನೆಗಳಲ್ಲಿ ಅಧಿಕ ಕಾಲ ಕೆಲಸ ಮಾಡಿದರೆ, ಬಹು ಮಕ್ಕಳನ್ನು ಹೆತ್ತವರಿಗೆ ಗರ್ಭಕಂಠ ಕ್ಯಾನ್ಸರ್ ನಾರು ಗದ್ದೆ, ಅಂಡಾಶಗಡ್ಡೆಗಳಿದ್ದರೆ ಋತುನಿಂತ ಮೇಲೆ ರಕ್ತಸ್ರಾವವಾಗುತ್ತಿದ್ದರೆ ಬಾಲ್ಯ ವಿವಾಹ ಗಳಿಂದಲೂ ಸಹ ಕ್ಯಾನ್ಸರ್ ವ್ಯಾಧಿಗಳು, ಪುರುಷನು ಶಿಶ್ನದ ಮುಂದೊಗಲು ಸರಿಯಾಗಿ ಶುಚಿಮಾಡದ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದರೆ ಸತ್ತ ವೀರ್ಯಾಣುಗಳಿಂದ ಸ್ತ್ರೀಗೆ ತಗುಲಬಹುದು.
ಮಹಿಳೆಯರಿಗೆ ಸ್ತನ ಕ್ಯಾನ್ಸರ್ ಪ್ರಥಮ, ಎರಡನೇ ಸ್ಥಾನ ಗರ್ಭಕಂಠ, ಆನಂತರ ಗರ್ಭಕೋಶ ಕ್ಯಾನ್ಸರ್, ಅಂಡಾಶಯ, ಡಿಂಬನಾಳ ಯೋನಿಗಳನ್ನು ಕ್ರಮಿಸುತ್ತದೆ.
ಕ್ಯಾನ್ಸರ್ ಲಕ್ಷಣಗಳು :
ಋತು ಸಮಯದಲ್ಲಿ ಅತಿಯಾದ ಋತುಸ್ರಾವ ಕಾಣಿಸಿಕೊಳ್ಳುವುದು, ಸೋಂಕಿನಿಂದ ವಿಪರೀತ ರಕ್ತ ಸ್ರಾವವಾಗುವುದು, ಹೊಟ್ಟೆ ನೋವು, ಜ್ವರ ಬರುತ್ತಿರುತ್ತದೆ.
ಅತಿ ಕೆಟ್ಟ ವಾಸನೆಯಿಂದ ಕೂಡಿದ ಕೆಂಪು ಮಿಶ್ರಿತ ಬಿಳಿ ಮುಟ್ಟು ನೀರಿನಂತೆ ಯೋನಿಯಿಂದ ಪ್ರವಿಸುವ ಕೆಟ್ಟ ವಾಸನೆಯುಳ್ಳ ಯೋನಿಸ್ರಾವ
ಗರ್ಭಕೋಶದೊಳಗೆ ಸೋಂಕು ತಗುಲಿ, ಸವಕಳಿಯಾದಾಗ ಆಗುವ ಕೀವಿನಂತಹ ದುರ್ವಾಸನೆ ಉಳ್ಳ ಯೋನಿಸ್ರಾವ ಕಾಣಿಸುತ್ತದೆ. ಅವರ ಒಳಗೆ ಬರುತ್ತಿದ್ದ ಹಾಗೆಯೇ ವಾಸನೆ ಮೊದಲು ಬರುತ್ತದೆ.
ರಕ್ತ ಹೀನತೆ, ಹಸಿವಿಲ್ಲದಿರುವುದು, ಆಯಾಸ, ಬಳಲಿಕೆ, ಸಣ್ಣದಾಗಿ ಸುಡುವಂತೆ ಕಾಡುವ ಜ್ವರದಿಂದ ಆಸ್ವಸ್ಥತೆ, ದೇಹದಲ್ಲಿನ ತೂಕ ಇಳಿಯುವಿಕೆ ಕಾಣುತ್ತದೆ.
ತೀವ್ರತರನಾದ ಗರ್ಭಕೋಶದ ಕ್ಯಾನ್ಸರ್ ಆಗಿದ್ದರೆ ಮೂತ್ರಕೋಶ, ಗುದುದ್ವಾರಕ್ಕೂ ಹರಡುತ್ತದೆ. ಆದ್ದರಿಂದ ಸ್ವಯಂ ಚಿಕಿತ್ಸೆ ಬೇಡ. ಶೀಘ್ರವಾಗಿ ವೈದ್ಯಕೀಯ ಚಿಕಿತ್ಸೆ ಪಡೆಯುವುದು ಉತ್ತಮ.
ಒಮ್ಮೊಮ್ಮೆ ಯಾವ ಲಕ್ಷಣಗಳು ಕಾಣದಿದ್ದರೂ ಹೊಟ್ಟೆಯು ಗರ್ಭಿಣಿಯಂತೆ ಉಬ್ಬಿಕೊಂಡು ಬೆಳೆಯುತ್ತಾ ಹೋಗುತ್ತದೆ. ಇದು ಬೆಳೆದಂತೆ ಮೂತ್ರಕಟ್ಟುವುದು, ಮಲಬದ್ದತೆಯಿಂದ ತೊಂದರೆ ಪಡುತ್ತಾಳೆ.
