ಆತಂಕವು ಅಧಿಕ ಹೃದಯ ಬಡಿತ,ಉಸಿರಾಟದ ತೊಂದರೆ ಮುಂತಾದ ಹಲವು ಶಾರೀರಿಕ ಬದಲಾವಣೆಗಳನ್ನು ಉಂಟುಮಾಡುತ್ತದೆ ಎಂಬುದನ್ನು ತಿಳಿಯಿರಿ. ಈ ಆತಂಕ ದೀರ್ಘಕಾಲ ಮುಂದುವರೆದರೆ,ಈ ಬದಲಾವಣೆಗಳೂ ಕಾಯಂ ಆಗಿ, ಹೃದಯ, ಶ್ವಾಸಕೋಶ, ಜಠರ ಮುಂತಾದ ಅಂಗಾಂಗಗಳ ಮೇಲೆ ಅಹಿತ ಪರಿಣಾಮಗಳನ್ನುಟು ಮಾಡುತ್ತವೆ. ತತ್ವರಿಣಾಮವಾಗಿ ಬರುವ ಖಾಯಿಲೆಗಳನ್ನು ಮನೋದೇಹಿಕ ಖಾಯಿಲೆಗಳೆಂದು ಕರೆಯುತ್ತಾರೆ.ಸಾಮಾನ್ಯವಾಗಿ ಕಾಣಬರುವ ಜಠರದ ಹುಣ್ಣು ಅಧಿಕ ರಕ್ತ ಒತ್ತಡ,ಅಸ್ತಮಾ, ರುಟಾಯ್ಡ್ ಕೀಲು ನೋವು,ಬೊಜ್ಜು ಮುಂತಾದವು ಮನೋದೈಹಿಕ ಖಾಯಿಲೆಗಳು.
ಚಿಕಿತ್ಸೆ :
1. ಮನೋ ಚಿಕಿತ್ಸೆ : ನಮ್ಮ ಮನಸ್ಸಿನಲ್ಲಾಗುವ ಘರ್ಷಣೆಗಳು, ಅಭದ್ರತೆಯ ಭಾವನೆಗಳು ಆತಂಕಕ್ಕೆ ಮೂಲ ಎಂದು ಅರಿತಿರಿ.ಹಲವು ಸಾರಿ, ಆತಂಕದಿಂದ ಬಳಲುತ್ತಿರುವ ವ್ಯಕ್ತಿಗೆ ಈ ಮಾನಸಿಕ ಘರ್ಷಣೆಗಳ ಅರಿವು ಇರುವುದಿಲ್ಲ. ಆದ್ದರಿಂದ ಆತಂಕದ ಚಿಹ್ನೆಗಳಿಗೆ ಕಾರಣ, ಅಸ್ತಿತ್ವದಲ್ಲಿ ಇದರ ಶರೀರ ಖಾಯಿಲೆ ಎಂದು ಆತ ಭಾವಿಸುತ್ತಾನೆ.ಸರಿಯಾದ ಔಷಧ ತಿಂದರೆ ವಾಸಿಯಾಗಿ ಬಿಡುತ್ತ ಎಂದು ಆತ ಆಶಿಸುತ್ತಾನೆ. ಆದರೆ ಈ ಮಾನಸಿಕ ಘರ್ಷಣೆಗಳನ್ನು ಗುರುತಿಸಿ ಅರ್ಥ ಮಾಡಿಕೊಳ್ಳುವ ತನಕ ಅಭದ್ರತೆಯ ಭಾವನೆಗಳಿಗೆ ಸೂಕ್ತ ಪರಿಹಾರ ಹುಡುಕುವ ತನಕ, ವ್ಯಕ್ತಿ ತಾನು ಬಲಾ ಬಲಗಳನ್ನು ತಿಳಿದುಕೊಂಡು ತಕ್ಕ ಹೊಂದಾಣಿಕೆಯನ್ನು ಮಾಡಿಕೊಳ್ಳುವ ತನಕ, ಆತಂಕದ ಮನೋಬೇನೆ ಗುಣವಾಗುವುದಿಲ್ಲ. ಚಿಕಿತ್ಸೆ ಮಾಡುವಾಗ ಮಾನಸಿಕ ತಜ್ಞರ ವ್ಯಕ್ತಿಯೊಡನೆ ವಿವರವಾಗಿ ಮಾತನಾಡಿ. ಈ ಎಲ್ಲ ವಿಚಾರಗಳ ಬಗ್ಗೆ ಕೂಲಂಕಷವಾಗಿ ಪ್ರಶ್ನಿಸಿ ಆತಂಕಕ್ಕೆ ಕಾರಣವಾದ ಅಂಶಗಳನ್ನು ಆತ ಅರ್ಥ ಮಾಡಿಕೊಳ್ಳುವುದಕ್ಕೆ ಸಹಾಯ ಮಾಡುತ್ತಾರೆ. ಮನಸ್ಸಿನ ಘರ್ಷಣೆಗಳಿಗೆ ಒಂದು ಪರಿಹಾರ ಹುಡುಕಲು,ತನ್ನಲ್ಲಿ ಭರವಸೆ ಮೂಡಿಸಿಕೊಳ್ಳಲು ಪ್ರೋತ್ಸಾಹಿಸುತ್ತಾರೆ. ಇದೇ ಮನು ಚಿಕಿತ್ಸೆ.
2. ಸಾಮೂಹಿಕ ಚಿಕಿತ್ಸೆ: ಆತಂಕದಿಂದ ಬಳಲುತ್ತಿರುವ ಸುಮಾರು ಎಂಟು ಹತ್ತು ಮಂದಿ ಒಟ್ಟೆಗೆ ಕುಳಿತು, ತಮ್ಮ ಆತಂಕಕ್ಕೆ ಕಾರಣವಿರಬಹುದಾದ ಅಂಶಗಳ ಬಗ್ಗೆ ಆಳವಾಗಿ ಚರ್ಚಿಸುತ್ತಾರೆ ತಜ್ಞ ಚಿಕಿತ್ಸಕರ ಮಾರ್ಗದರ್ಶನದಲ್ಲಿ ತಮ್ಮ ಸಮಸ್ಯೆಗಳಿಗೆ ಪರಿಹಾರವನ್ನು ಯೋಚಿಸುತ್ತಾರೆ.ಈ ಪ್ರಯತ್ನದಲ್ಲಿ ಒಬ್ಬರಿಗೊಬ್ಬರು ನೇರವಾಗುತ್ತಾರೆ. ಇದನ್ನು ಸಮೂಹ ಚಿಕಿತ್ಸೆ ಎಂದು ಕರೆಯಲಾಗಿದೆ ಈ ಬಗೆಯ ಚಿಕಿತ್ಸೆ ನಮಿತವ್ಯಯಕಾರಿ. ಅಲ್ಲದೆ ವ್ಯಕ್ತಿಗೆ ತಾನು ಇನ್ನೊಬ್ಬರಿಗೆ ಸಹಾಯ ಮಾಡಿದ ತೃಪ್ತಿ ಸಿಗುತ್ತದೆ.
3. ನಡವಳಿಕೆ ಚಿಕಿತ್ಸೆ : ನಡವಳಿಕೆ ತಜ್ಞರ ಪ್ರಕಾರ ಆತಂಕವು, ವ್ಯಕ್ತಿಯು ತಪ್ಪಾಗಿ ಕಲಿತ ನಡವಳಿಕೆ. ಪ್ರಾರಂಭದಲ್ಲಿ ಒಂದು ವಸ್ತು ಅಥವಾ ಸನ್ನಿವೇಶ ಆತಂಕವನ್ನುಂಟು ಮಾಡುತ್ತದೆ.ನಂತರ ಅದೇ ವಸ್ತುವಿಗೆ ಅಥವಾ ಸನ್ನಿವೇಶಕ್ಕೆ ಅಥವಾ ಅವಕ್ಕೆ ಸಂಬಂಧಿಸಿದ ಇನ್ಯಾವುದೇ ವಸ್ತುವಿಗೆ ನಮ್ಮ ದೇಹ ಆತಂಕವನ್ನು ಪ್ರದರ್ಶಿಸಲು ಪ್ರಾರಂಭಿಸುತ್ತದೆ. ಈಅಹಿತ ಬೇಡದ ನಡವಳಿಕೆಯನ್ನು ಅದು ತೊರೆದಂತೆ ಮಾಡಬೇಕು. ಸೂಕ್ತ ತರಪೇತಿಯಿಂದ ಇದು ಸಾಧ್ಯ. ಇದೇ ನಡವಳಿಕೆ ಚಿಕಿತ್ಸೆ. ಆತಂಕದ ಚಿಕಿತ್ಸೆಗೆ ಸಾಮಾನ್ಯವಾಗಿ ಉಪಯೋಗಿಸುವ ನಡವಳಿಕೆ ಚಿಕಿತ್ಸೆ ಎಂದರೆ ಆರಾಮ ಚಿಕಿತ್ಸೆ ಈ ಚಿಕಿತ್ಸೆಯಲ್ಲಿ ನಮ್ಮ ಶರೀರದ ಅಂಗಾಂಗಗಳೆಲ್ಲಾ ಪೂರ್ಣ ಸಡಿಲಗೊಂಡು,ಆರಾಮಾಗಿರುವಂತೆ ತರಬೇತಿ ಕೊಡಲಾಗುತ್ತದೆ. ನಂತರ ವ್ಯಕ್ತಿ ಆತಂಕಕಾರಿ ಸನ್ನಿವೇಶದಲ್ಲೂ ಸಮಾಧಾನವಾಗಿರಲು ಸಾಧ್ಯವಾಗುತ್ತದೆ.
4. ಔಷಧಗಳು : ಆತಂಕವನ್ನು ಕಡಿಮೆ ಮಾಡಬಲ್ಲ ಅ ಸಮಾಧಾನಕಾರಕ ಔಷಧಗಳಿವೆ. ಇದನ್ನು ವೈದ್ಯರ ಸಲಹೆ, ಮಾರ್ಗದರ್ಶನದಲ್ಲಿ ಅವನು ಸೇವಿಸಬೇಕು. ಪರಿಣಾಮಕಾರಿ ಗುಣ ಕಾಣಲು, ಈ ಔಷಧಗಳನ್ನು ಸೇವಿಸುವುದರ ಜೊತೆಗೆ ಮನೋಚಿಕಿತ್ಸೆಯನ್ನೂ ಪಡೆಯುವುದು ಒಳ್ಳೆಯದು. ಈ ಔಷಧಗಳನ್ನು ವೈದ್ಯರ ಅನುಮತಿ ಇಲ್ಲದೇ ಬಹಳ ಕಾಲ ಸೇವಿಸುವುದು ಸರಿಯಲ್ಲ.
5. ಇತರ ಚಿಕಿತ್ಸೆಗಳು : ಸಂಗೀತ, ನೃತ್ಯ, ಕಲೆ, ನಮ್ಮ ಮನಸ್ಸಿಗೆ ಶಾಂತಿ ಸಮಾಧಾನವನ್ನು ತರಬಲ್ಲವಾದ್ದರಿಂದ ಆತಂಕದ ಚಿಕಿತ್ಸೆಯಲ್ಲಿ ಅವನನ್ನು ಬಳಸಲಾಗುತ್ತಿದೆ. ಯೋಗಾಭ್ಯಾಸ, ಧ್ಯಾನ ದಿಂದ ಆತಂಕವು ಕಡಿಮೆಯಾಗುವುದೆಂದು ಹೇಳಲಾಗುತ್ತಿದೆ.
