ಹೈದರಾಬಾದ್: ಬಹುನಿರೀಕ್ಷಿತ ಪ್ಯಾನ್‌ ಇಂಡಿಯಾ ʼಸಲಾರ್ʼ ಸಿನಿಮಾದ ಸೀಕ್ವೆಲ್‌ ಬಗ್ಗೆ ಪ್ರೇಕ್ಷಕರ ಕುತೂಹಲ ಹೆಚ್ಚಾಗಿದೆ. ʼಸಲಾರ್ʼ ನೋಡಿದ ಪ್ರೇಕ್ಷಕರು ಸಿನಿಮಾದ ಎರಡನೇ ಭಾಗದ ಅಪ್ಡೇಟ್‌ ಗಾಗಿ ಕಾಯುತ್ತಿದ್ದಾರೆ.
ಪ್ರಶಾಂತ್ ನೀಲ್ ನಿರ್ದೇಶನದ ಸಿನಿಮಾದಲ್ಲಿ ಪ್ರಭಾಸ್, ಪೃಥ್ವಿರಾಜ್ ಸುಕುಮಾರನ್‌ ಅವರ ಅಭಿನಯ ಪ್ರೇಕ್ಷಕರ ಮನಗೆದ್ದಿತ್ತು. ವರ್ಲ್ಡ್‌ ವೈಡ್‌ ಬಾಕ್ಸ್‌ ಆಫೀಸ್‌ ನಲ್ಲಿ ʼಸಲಾರ್ʼ 617 ಕೋಟಿ ರೂ.ಗಳಿಸಿತು.
ಯೋಜನೆಗಳ ಪ್ರಕಾರ ʼಸಲಾರ್-2ʼ ಈ ವರ್ಷದ ಜೂನ್‌ ತಿಂಗಳಿನಲ್ಲೇ ಸೆಟ್ಟೇರಬೇಕಿತ್ತು. ಆದರೆ ಕಾರಣಾಂತರಗಳಿಂದ ಮುಂದೂಡಿಕೆ ಆಗಿತ್ತು. ಇದೀಗ ಚಿತ್ರದ ಬಗ್ಗೆ ಬಿಗ್‌ ಅಪ್ಡೇಟ್‌ ವೊಂದನ್ನು ʼಪಿಂಕ್‌ ವಿಲ್ಲಾʼ ವರದಿ ಮಾಡಿ ರಿವೀಲ್‌ ಮಾಡಿದೆ.
ʼಸಲಾರ್ 2ʼ ಆಗಸ್ಟ್ 10 ರಂದು ರಾಮೋಜಿ ಫಿಲ್ಮ್ ಸಿಟಿಯಲ್ಲಿ 15 ದಿನಗಳ ಶೆಡ್ಯೂಲ್‌ ನಲ್ಲಿ ಶೂಟ್‌ ಆಗಲಿದೆ ಎಂದು ಆಪ್ತ ಮೂಲಗಳು ಹೇಳಿರುವುದಾಗಿ ʼಪಿಂಕ್‌ ವಿಲ್ಲಾʼ ವರದಿ ಮಾಡಿದೆ.
ಪ್ರಶಾಂತ್ ನೀಲ್ ಈಗಾಗಲೇ ಪ್ರಭಾಸ್ ಮತ್ತು ಪೃಥ್ವಿರಾಜ್ ಅವರೊಂದಿಗೆ ಸೀಕ್ವೆಲ್‌ನ ಶೇಕಡಾ 20 ರಷ್ಟು ಚಿತ್ರೀಕರಣ ಮಾಡಿದ್ದಾರೆ. ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಸ್ಟ್ಯಾಂಡಿಂಗ್ ಸೆಟ್ ಇದೆ ʼಸಲಾರ್-2ʼ ಶೆಡ್ಯೂಲ್‌ ಈ ಸೆಟ್‌ನಿಂದಲೇ ಶುರುವಾಗಲಿದೆ ಎಂದು ವರದಿ ತಿಳಿಸಿದೆ.
8 ತಿಂಗಳಿಗೂ ಅಧಿಕ ಸಮಯ ಚಿತ್ರದ ಶೂಟಿಂಗ್‌ ನಡೆಯಲಿದೆ. 2025ರ ಅಂತ್ಯದ ವೇಳೆ ಸಿನಿಮಾವನ್ನು ರಿಲೀಸ್‌ ಮಾಡುವ ಯೋಜನೆಯನ್ನು ಹಾಕಿಕೊಳ್ಳಲಾಗಿದೆ. ಪ್ರಶಾಂತ್ ನೀಲ್ ʼಸಲಾರ್-2ʼ ಹಾಗೂ ʼಡ್ರ್ಯಾಗನ್‌ʼ ಸಿನಿಮಾವನ್ನು ಅಂದುಕೊಂಡ ಡೆಡ್‌ ಲೈನ್‌ ನಲ್ಲಿ ಮಾಡಲಿದ್ದಾರೆ. ಈ ಸಂಬಂಧ ಅವರು ಎರಡು ಸಿನಿಮಾಗಳ ನಿರ್ಮಾಪಕರನ್ನು ಭೇಟಿಯಾಗಿದ್ದಾರೆ ಎಂದು ಮೂಲಗಳ ಹೇಳಿರುವುದಾಗಿ ವರದಿ ತಿಳಿಸಿದೆ.
ʼಸಲಾರ್-2ʼ ನಲ್ಲಿ ಡ್ರಾಮಾದ ಜೊತೆ ಪಾಲಿಟಿಕ್ಸ್‌ ಅಂಶಗಳು ಕೂಡ ಇರಲಿವೆ. ಎರಡು ಪ್ರಬಲ ನಾಯಕ ಸುತ್ತ ಕಥೆ ಸಾಗಲಿದೆ ಎಂದು ವರದಿ ತಿಳಿಸಿದೆ.
