ತೋರೋ ಗುರುರಾಯ

ತೋರೋ ಗುರುರಾಯ, ನಿನ್ನಾ ಕರುಣವ ಜೀಯಾ|

ಸಾರಿ ಬಂದೆ ನೀನೆ ಗತಿಎಂದು ಕಾಯೋ ರಾಯ||ಪ

ಸುಖ ದುಃಖದ ಸಂಸಾರದಲಿ ದಾರಿಕಾಣದೆ ಬಳಸುತ|

ನಿನ್ನ ತವ ಸೇವೆಯ ಭಾಗ್ಯ ಬೇಕೆನುತ ನಾ ಬಂದೆ || 1

ಇರಲೆನಗೆ ನಿನ್ನ ಕರಣದ ಕೃಪೆಯು ಗುರುವೆ |

ಭವಭಯವ ದೂರ ಮಾಡೆಂದು ನಾ ಬಂದೆ || 2

ನಿನ್ನ ಕೃಪೆ ಇದ್ದರೆ ಮೂಕನು ಮಾತನಾಡುವನು|

ನಿನ್ನಕರುಣೆಯಿಂದ ಕುಂಟನು ನಡೆಯುವನು ||3

ನಿನ್ನ ಒಲುಮೆಯೊಂದಿರುವಾಗ ಬಾಳು ಬೆಳಗೆ |

ನಿಜ ಗುರು ರಾಘವೇಂದ್ರ ನಾಮದ ಮಹಿಮೆ ಅರಿತೆ || 4

ನೀರೋಳಗಿನ ಮೀನು ಮುಳಗದೆ ಮೇಲೇಳವಂತೆ |

ಭವ ಸಾಗರದ ದಾಟಿಸೋ ರಾಘವೇಂದ್ರ ಜಾಹ್ನವಿ ವಿಠಲ ಪ್ರಿಯಾ ||