ಓಂಕಾರ ಗಣಪತಿಗೆ ಜೈ |
ಶ್ರೀ ವಿನಾಯಕನಿಗೆ ಜೈ|
ಓಂಕಾರ ಗಣಪತಿಗೆ ಕೋಟಿ ವಂದನೆ |
ಎಂದೆಂದೂ ಬೇಡುವೆನು ನಿನ್ನಯ ಕರುಣೆ |
ಮೈದೋರಿ ಸಲಹು ಸ್ವಾಮಿ ಲಂಬೋದರನೇ |
ವಿಘ್ನಗಳ ನೀವು ವಿಘ್ನೇಶ್ವರನೇ ||ಪ||
ಭಕ್ತಿಯ ನೆಪದಲ್ಲಿ ಯುಕ್ತಿಯ ನಡೆಸುವರು|
ಧರ್ಮದ ಉಸಿರಿನಲ್ಲಿ ನಿಧಿಗಳಿಸಿ ನುಂಗುವರು|
ಬೂಟಾಟಿಕೆಯ ಮಾಡುವ ಗಂಟು ಕಳ್ಳರು|
ಸತ್ಯವಾ ಮರೆಮಾಚಿ ಸುಳ್ಳನೆ ಮರೆಸುವರು|
ತ್ಯಾಗದ ಹೆಸರು ಹೇಳಿ ಭೋಗವಾ ಪಡೆಯುವರು|
ಆದರ್ಶ ಸಾರುವ ಹಗಲು ಸುಳ್ಳರು |
ನೂರೆಂಟು ಬಡಿವಾರ ಮಾಡುತ್ತ ನಡೆಯೋರ |
ಕಣ್ಣು ತೆರೆಸಿ ಬುದ್ಧಿ ಕಲಿಸು ಗಣನಾಯಕ ||ಓಂಕಾರ||
ದುಡ್ಡಿನ ಅಮಲಲ್ಲಿ ನೀತಿಯ ಹಳಿದವರು |
ಗದ್ದುಗೆ ಮೇಲೇರಿ ದೀನರಾ ತುಳಿದವರು |
ಎಂದ್ದಿದ್ದರೂ ನಿನ್ನ ಮುಂದೆ ಮಣಿಯಲೇಬೇಕು |
ಹಮ್ಮಿನ ಬಿಂಕದಲಿ ದಿಮ್ಮನೆ ನಡೆದವರು |
ಕೊಬ್ಬಿನ ಮಬ್ಬಿನಲ್ಲಿ ಪ್ರೀತಿಯ ಮರೆತವರು |
ಹೇಗಿದ್ದರೂ ನಿನ್ನಲ್ಲೇ ಗುರು ಶರಣಾಗಲೇಬೇಕು |
ನಿನ್ನನ್ನು ಪೂಜಿಸುವ ನಿನ್ನನ್ನೇ ಧ್ಯಾನಿಸುವ |
ಜನರ ಒಲಿದು ದುಗುಡ ಕಳೆಯೋ ಗಣನಾಯಕ ||ಓಂಕಾರ||
