ಶ್ರೀಕಂಠಾ ವಿಷ ಕಂಠಾ

ಶ್ರೀಕಂಠ ವಿಷಕಂಠ ||

ಲೋಕವನುಳಿಸಲು ವಿಷವನು ಕುಡಿದ, ನಂಜುಂಡೇಶ್ವರನೇ ||

ಗತಿ ನೀನೆಂದರೆ ಓಡುತಾ ಬರುವ, ಕರುಣಾ ಸಾಗರನೆ || ಶ್ರೀಕಂಠ ||

ಹರಿಯುವ ನದಿಯಲ್ಲಿ ಕಲರವ ನಾದ ಕೂಡ ||

 ಶಿವ ಶಿವ ಎನ್ನುತಿದೆ | ಅರಳಿದ ಸಮದಲಿ ನಲಿಯುವ ಬ್ರಮರವು |

ಶಿವನಾಮ ಹಾಡುತಿದೆ | ಬೀಸುವ ಗಾಳಿಯು ಪರಿಮಳ ಚೆಲ್ಲುತ್ತ, ನಿನ್ನನೆ ಸ್ಮರಿಸುತ್ತಿದೆ || ಶ್ರೀಕಂಠ ||

ಸಾವಿರ ಜನುಮವೇ ಬಂದರು ಹೀಗೆ, ನಿನ್ನ ಸನ್ನಿಧಿಯಲ್ಲಿ ಇರಿಸು |

 ಉಸಿರಿನ ಉಸಿರಲು ತಂದೆ ಎಂದು, ನಿನ್ನ ನಾಮವನು ಬೆರೆಸು |

 ಕತ್ತಲಲಿರುವೆ ನೆಮ್ಮದಿ ತುಂಬಿ, ಕೈ ಹಿಡಿದು ನಡೆಸು || ಶ್ರೀಕಂಠ ||