ಬರಬೇಕು ಸ್ವಾಮಿ ಬರಬೇಕು
ಇಂದು ಮುದದಿಂದ ಮನೆಗೆ ನೀ ಬರಬೇಕು||
ಒಲವಿಂದ ವರಗಳನು ತರಬೇಕೂ|
ಬರಬೇಕು ಸ್ವಾಮಿ ಬರಬೇಕು
ಇಂದು ಮುದದಿಂದ ಮನೆಗೆ ನೀ ಬರಬೇಕು||
ಮಲ್ಲಿಗೆಯ ಜಾಜಿ ಸಂಪಿಗೆಯ
ಹೂವ ಮಾಲೆಯನ್ನು ನೀಡುವೆನು ಗಣಪತಿಯೆ||
ಗರಿಕೆ ಹುಲ್ಲನು ಪತ್ರದೆಲೆಯನು
ಪೂಜಿಸುವೆ ಸ್ವಾಮಿ ನಿನ್ನ ಪಾದಗಳಿಗೆ|| ಬರಬೇಕು||
ಚಕ್ಕುಲಿಯ ಬೆಲ್ಲ ಮೋದಕವ
ನಾ ನೈವೇದ್ಯ ನೀಡುವೆನು ಪ್ರಭು ನಿನಗೆ||
ಏಕಾರತಿ ಪಂಚಾರತಿ ದಿವ್ಯಾರತಿ ಬೆಳಗುವೆನು||
ಏ ವಿನಾಯಕ ನೀನು ಒಲಿಯೋ ನಮಗೆ ||ಬರಬೇಕು||
ಭಕ್ತಿಯಲಿ ನಿನ್ನ ಅರ್ಚಿಸುವೆ
ನಾ ಮಂತ್ರ ಪುಷ್ಪ ನೀಡುವೆನು ಗಣಪತಿಗೆ||
ಸಾಷ್ಟಾಂಗ ನಮಸ್ಕಾರ ಮಾಡುವೆನು ಬೆನಕನಿಗೆ ||
ಸ್ವೀಕಾರ ಮಾಡು ನೀ ಬಂದು ನಮ್ಮನೆಗೆ || ಬರಬೇಕು ||
