ಜಗತ್ತಿಗೆ ಮತ್ತೊಮ್ಮೆ ಸಾಂಕ್ರಾಮಿಕದ ಆತಂಕ ತಂದಿರುವ ಡಿಸೀಸ್ ಎಕ್ಸ್ ಬಗ್ಗೆ ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ಒ) ಎಚ್ಚರಿಕೆ ಸಂದೇಶವೊಂದನ್ನು ನೀಡಿದೆ.
ಈ ಬಗ್ಗೆ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ವಿಶ್ವ ಆರೋಗ್ಯ ಸಂಸ್ಥೆಯ ಮಹಾನಿರ್ದೇಶಕ ಟೆಡ್ರೊಸ್ ಘೆಬ್ರೆಯೆಸಸ್ , ಈ ಹೊಸ ಸೋಂಕನ್ನು ಎದುರಿಸಲು ಎಲ್ಲ ದೇಶಗಳು ಒಗ್ಗೂಡಬೇಕು. ಮೇ ವೇಳೆಗೆ ಈ ಹೊಸ ಸಾಂಕ್ರಾಮಿಕ ರೋಗ ಎಲ್ಲೆಡೆ ಹರಡುವ ಸಾಧ್ಯತೆಯಿದೆ ಎಂದಿದ್ದಾರೆ. ಡಿಸೀಸ್ ಎಕ್ಸ್ ಎಂಬುದು ಇನ್ನೂ ಗುರುತಿಸದ ಒಂದು ರೋಗವಾಗಿದೆ. ಇದು ಸಾರ್ವಜನಿಕರ ಆರೋಗ್ಯಕ್ಕೆ ಅಪಾಯವನ್ನುಂಟುಮಾಡುವ ಅಜ್ಞಾತ ಅಥವಾ ಹೊಸದಾಗಿ ಹೊರಹೊಮ್ಮುತ್ತಿರುವ ಸಾಂಕ್ರಾಮಿಕ ಕಾಯಿಲೆಗೆ ಪ್ಲೇಸ್ ಹೋಲ್ಡರ್ ಆಗಿದೆ.
ಈ ಹಿಂದೆ ಕೊವಿಡ್ ಸೋಂಕು ಎದುರಾದಾಗ ಕೂಡ ಅದಕ್ಕೆ ಇದೇ ಹೆಸರನ್ನು ನೀಡಲಾಗಿತ್ತು. ಬಳಿಕ ಅದಕ್ಕೆ ಕೊರೊನಾವೈರಸ್ ಎಂದು ನಾಮಕರಣ ಮಾಡಲಾಯಿತು. ಆಗ ಕೊವಿಡ್ ಅನ್ನು ಸರಿಯಾಗಿ ನಿರ್ವಹಿಸಲು ಸಾಧ್ಯವಾಗದ ಕಾರಣದಿಂದ ಅನೇಕ ಜನರು ಪ್ರಾಣ ಕಳೆದುಕೊಂಡರು. ಆಗ ಸಾಕಷ್ಟು ಆಕ್ಸಿಜನ್, ಆಸ್ಪತ್ರೆಯಲ್ಲಿ ಸ್ಥಳಾವಕಾಶ ಇರಲಿಲ್ಲ. ಹೀಗಾಗಿ, ಈ ಬಾರಿ ಸೋಂಕು ಹರಡುವ ಮೊದಲೇ ಎಚ್ಚೆತ್ತುಕೊಂಡು ಎಲ್ಲ ರೀತಿಯ ಸಿದ್ಧತೆಗಳನ್ನೂ ಮಾಡಿಕೊಳ್ಳಬೇಕು ಎಂದು ಘೆಬ್ರೆಯೆಸಸ್ ಹೇಳಿದ್ದಾರೆ.
ಡಿಸೀಸ್ ಎಕ್ಸ್ ಎಂದರೇನು?
2019ರಲ್ಲಿ ಚೀನಾದ ವುಹಾನ್ ನಗರದಿಂದ ಕೊವಿಡ್-19ಗೆ ಕಾರಣವಾಗುವ SARS-CoV-19 ಹರಡಲು ಪ್ರಾರಂಭಿಸಿದ್ದು ನೆನಪಿರಬಹುದು. ಅದೇ ರೀತಿ ತೀವ್ರವಾದ ಜಾಗತಿಕ ಆರೋಗ್ಯ ಆತಂಕವನ್ನು ಉಂಟುಮಾಡುವ ಭವಿಷ್ಯದ ಮತ್ತು ಅಜ್ಞಾತ ರೋಗಕಾರಕದ ಸಾಧ್ಯತೆಯನ್ನು ಈ ಡಿಸೀಸ್ ಎಕ್ಸ್ ಸೂಚಿಸುತ್ತದೆ.
ತಜ್ಞರ ಪ್ರಕಾರ, ಕೊವಿಡ್ ಸೋಂಕನ್ನು ಹರಡುವ ವೈರಸ್ ವಿಶ್ವಾದ್ಯಂತ ಸಮುದಾಯಗಳ ಮೇಲೆ ಇನ್ನೂ ಹಾನಿಯನ್ನುಂಟುಮಾಡುತ್ತಿದೆ. ಡಿಸೀಸ್ ಎಕ್ಸ್ ಎಂಬುದು ಅಮೂರ್ತ ಪರಿಕಲ್ಪನೆಯಂತೆ ಕಾಣಿಸಬಹುದು. ಆದರೆ, ಡಿಸೀಸ್ X ಯಾವುದೇ ಸಂಭಾವ್ಯ ಆರೋಗ್ಯ ಬಿಕ್ಕಟ್ಟುಗಳಿಗೆ ತಯಾರಿ ಮಾಡಲು ಕಾರ್ಯನಿರ್ವಹಿಸುತ್ತದೆ.
ಡೆಂಗ್ಯೂ ಜ್ವರದ ಆತಂಕದಲ್ಲಿ ಮೈಸೂರಿನ ಕೆ ಆರ್ ಒನ್ ಬೆಟ್ಟದಪುರದ ಜನರು!
ಗುಜರಾತ್ ಕರಕುಶಲ ಉತ್ಸವದ ಸದುಪಯೋಗ ಪಡೆದುಕೊಳ್ಳಿ: ಕೆ ಎಂ ಗಾಯಿತ್ರಿ
ನ್ಯಾಯಾಲಯದಲ್ಲಿ ಜವಾನ ಹುದ್ದೆಗಳ ಭರ್ತಿಗೆ ಅಧಿಸೂಚನೆ !
ಮೂಡ ಹಗರಣಕ್ಕೆ ಸಂಬಂಧಿಸಿದ ವ್ಯಕ್ತಿಯ ಅಮಾನತು ಮಾಡುವಂತೆ ಪ್ರತಿಭಟನೆ
ಗುಜರಾತ್ ಹ್ಯಾಂಡಿಕ್ರಾಫ್ಟ್ ಉತ್ಸವ -2024 ಕುರಿತು ಪತ್ರಿಕಾಗೋಷ್ಠಿಯನ್ನು ಏರ್ಪಡಿಸಲಾಯಿತು
T20 ವಿಶ್ವ ಚಾಂಪಿಯನ್ ಟೀಮ್ ಇಂಡಿಯಾವನ್ನು ಭೇಟಿ ಮಾಡಿದ ಪ್ರಧಾನಿ ಮೋದಿ
4,000 ಕೋಟಿ ಬ್ರಹ್ಮಾಂಡ ಭ್ರಷ್ಟಾಚಾರ ಹಗರಣ ವಿರೋಧಿಸಿ ಪ್ರತಿಭಟನೆ
ಗ್ರಾಮ ಪಂಚಾಯಿತಿಗಳಲ್ಲೇ, ಜನನ ಮತ್ತು ಮರಣ, 'ಪ್ರಮಾಣ ಪತ್ರ' ದೊರೆಯುತ್ತದೆ.
ಮಿನಿ ಉದ್ಯೋಗ ಮೇಳ..!
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.