ಬೆಂಗಳೂರು: ರಮೇಶ್ ಬಾಬು ಅವರನ್ನು ವಿಧಾನಪರಿಷತ್ ಸದಸ್ಯ ಸ್ಥಾನ ನಾಮನಿರ್ದೇಶನ ಮಾಡದಂತೆ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮತ್ತು ಜಾರಿ ನಿರ್ದೇಶನಾಲಯಕ್ಕೆ (ಇಡಿ) ದೂರು ನೀಡಲಾಗಿದೆ.
ತೇಜಸ್ ಗೌಡ ಅವರು ಸಲ್ಲಿಸಿರುವ ದೂರಿನಲ್ಲಿ, ರಾಮೇಶ್ ಬಾಬು ಅವರು ಭೂಕಬಳಿಕೆ ಸೇರಿದಂತೆ ಹಲವು ಕ್ರಿಮಿನಲ್ ಪ್ರಕರಣಗಳಿಗೆ ಸಂಬಂಧಪಟ್ಟಿದ್ದಾರೆ ಎಂಬ ಗಂಭೀರ ಆರೋಪ ಮಾಡಿದ್ದಾರೆ. ಅವರು ಉತ್ತರಹಳ್ಳಿಯ ಉತ್ತರಿ ಎಂಬ ಗ್ರಾಮದಲ್ಲಿ ಭೂಮಿಯ ಕಬಳಿಕೆಯಲ್ಲಿ ತೊಡಗಿರುವ ಪ್ರಕರಣವೂ ದಾಖಲಾಗಿದ್ದು, ಇಂತಹ ಹಿನ್ನೆಲೆಯಿರುವ ವ್ಯಕ್ತಿಗೆ ಪರಿಷತ್ ಸ್ಥಾನ ನೀಡುವುದು ನ್ಯಾಯೋಚಿತವಲ್ಲ ಎಂದು ದೂರಿನಲ್ಲಿ ಸ್ಪಷ್ಟಪಡಿಸಲಾಗಿದೆ.
ದೂರು ಪ್ರಕಾರ, ಭಾರತದ ಸಂವಿಧಾನದ ವಿಧಿ 171(5) ಅಡಿಯಲ್ಲಿ ಪರಿಷತ್ ನಾಮನಿರ್ದೇಶನದಲ್ಲಿ “ಸಾಹಿತ್ಯ, ವಿಜ್ಞಾನ, ಕಲೆ, ಸಹಕಾರಿ ಚಳುವಳಿ ಅಥವಾ ಸಾಮಾಜಿಕ ಸೇವೆಯಲ್ಲಿ ವಿಶೇಷ ಜ್ಞಾನ ಅಥವಾ ಅನುಭವ ಹೊಂದಿರುವ” ವ್ಯಕ್ತಿಗಳೇ ಆಯ್ಕೆಯಾಗಬೇಕು ಎಂಬ ನಿಬಂಧನೆ ಇದೆ. ಆದರೆ ರಾಮೇಶ್ ಬಾಬು ಅವರಿಗೆ ಅಂತಹ ಯಾವುದೇ ಯೋಗ್ಯತೆಗಳಿಲ್ಲ ಮತ್ತು ಕ್ರಿಮಿನಲ್ ಹಿನ್ನೆಲೆಯೇ ಹೆಚ್ಚು ಎಂಬುದು ತೇಜಸ್ ಗೌಡ ಅವರ ವಾದ.
ಈ ಕುರಿತು ತೇಜಸ್ ಗೌಡ ಅವರು 100ಕ್ಕೂ ಹೆಚ್ಚು ಪುಟಗಳ ದಾಖಲೆಗಳನ್ನು ಒದಗಿಸಿದ್ದು, ರಾಜ್ಯಪಾಲರನ್ನೇ ಅಲ್ಲದೆ ಜಾರಿ ನಿರ್ದೇಶನಾಲಯಕ್ಕೂ ನೀಡಲಾಗಿದೆ. ಈ ನಾಮನಿರ್ದೇಶನ ನಡೆಯುವ ಮೂಲಕ ಸಾರ್ವಜನಿಕ ವಲಯದಲ್ಲಿ ರಾಜಕೀಯ ದುರುಪಯೋಗ, ಅಹಿತಕರ ಸಂದೇಶಗಳು ಹರಡುತ್ತವೆ ಎಂಬ ಆತಂಕವನ್ನು ಅವರು ವ್ಯಕ್ತಪಡಿಸಿದ್ದಾರೆ.
ತೇಜಸ್ ಗೌಡ ಈ ಮೂಲಕ ರಾಜಕೀಯ ನೇಮಕಾತಿಗಳ ಶುದ್ಧತೆ ಮತ್ತು ಸತ್ಯ ನಿರ್ವಾಹದ ಪರ ಹೋರಾಟ ನಡೆಸಿದ್ದಾರೆ. “ಅಧಿಕಾರ ದುರುಪಯೋಗವನ್ನು ತಡೆಯುವುದು ಮತ್ತು ಶುದ್ಧ ಆಡಳಿತ ಸ್ಥಾಪಿಸುವುದು” ಎಂಬ ಉದ್ದೇಶದಿಂದ ಅವರು ಈ ಕ್ರಮ ಕೈಗೊಳ್ಳಲಾಗಿದು ಎಂದು ತಿಳಿಸಿದ್ದಾರೆ.
