ಕ್ರೋಧ, ಮದ, ಮೋಹ, ಮತ್ಸರ ಇಲ್ಲದೆ ಇರುವಂತಹ ವ್ಯಕ್ತಿಯು ಈ ಜಗತ್ತಿನಲ್ಲಿರಲು ಸಾಧ್ಯವಿಲ್ಲ. ಅದರಲ್ಲೂ ಕ್ರೋಧವೆನ್ನುವುದು ಪ್ರತಿಯೊಬ್ಬರಲ್ಲೂ ಇರುವುದು. ಇಂದಿನ ದಿನಗಳಲ್ಲಿ ಒತ್ತಡ ಅತಿಯಾಗಿ ಕ್ರೋಧವು ಹೆಚ್ಚಾಗುತ್ತಿದೆ. ಇಂತಹ ಸಿಟ್ಟು ಕಡಿಮೆ ಮಾಡಲು ಏನು ಮಾಡಿದರೂ ಪ್ರಯೋಜವಾಗುತ್ತಿಲ್ಲವೆಂದಾದರೆ ಆಗ ನೀವು ಕೆಲವೊಂದು ಯೋಗಾಸನಗಳನ್ನು ಪ್ರಯತ್ನಿಸಿ ನೋಡಬಹುದು. ಈ ಯೋಗಾಸನಗಳು ಕ್ರೋಧ ನಿಯಂತ್ರಣದಲ್ಲಿ ಇಡುತ್ತದೆ.
ಕ್ರೋಧವು ನಮ್ಮ ಎದುರಿಗಿರುವ ವ್ಯಕ್ತಿಯ ಮೇಲೆ ಮಾತ್ರವಲ್ಲದೆ, ನಮ್ಮ ಮೇಲೂ ಅದರಿಂದ ಪರಿಣಾಮವಾಗುವುದು. ಇಂತಹ ಸಮಯದಲ್ಲಿ ನೀವು ಮನಸ್ಸನ್ನು ತುಂಬಾ ಶಾಂತ ಹಾಗೂ ಸ್ಥಿರವಾಗಿ ಇಡಬೇಕು. ಇಲ್ಲವಾದಲ್ಲಿ ಅದು ನಿಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು. ಕ್ರೋಧವನ್ನು ನಿಯಂತ್ರಿಸಬಲ್ಲ ಐದು ಯೋಗಾಸನಗಳು ಇಲ್ಲಿವೆ ನೋಡಿ.
ಬಾಲಾಸನ
ಬಾಲಾಸನವು ಮನಸ್ಸನ್ನು ಶಾಂತವಾಗಿಸುವುದು ಮತ್ತು ದೇಹವನ್ನು ಬಲವಾಗಿಸುವುದು. ಇದು ಮನಸ್ಸು ಮತ್ತು ದೇಹದ ಸಂಪರ್ಕವನ್ನು ಸುಧಾರಣೆ ಮಾಡುವುದು.
ಮಾಡುವುದು ಹೇಗೆ?
• ನೆಲದ ಮೇಲೆ ಮೊಣಕಾಲೂರಿ ಕುಳಿತುಕೊಳ್ಳಿ. ಹಿಂಗಾಲಿನಲ್ಲಿ ನೀವು ಕುಳಿತುಕೊಳ್ಳಿ. ಸೊಂಟದಿಂದ ಎದೆಯ ತನಕದ ಭಾಗವನ್ನು ಮುಂದಕ್ಕೆ ಭಾಗಿಸಿ ತೊಡೆಗಳ ಮೇಲಿಡಿ.
• ಕೈಗಳನ್ನು ದೇಹದ ಬದಿಯಲ್ಲಿಡಿ ಅಥವಾ ಮುಂದಕ್ಕೆ ಚಾಚಿ.
• ಈ ಭಂಗಿಯಲ್ಲಿ ಮೂರರಿಂದ ಐದು ನಿಮಿಷ ಕಾಲ ಹಾಗೆ ಇರಿ ಮತ್ತು ಇದ ಬಳಿಕ ಮರಳಿ ಮೂಲ ಭಂಗಿಗೆ ಬನ್ನಿ.
ಮತ್ಸ್ಯಾಸನ (ಮೀನಿನ ಭಂಗಿ)
ಮತ್ಸ್ಯಾಸನ ಅಥವಾ ಮೀನಿನ ಭಂಗಿಯು ನಿಮ್ಮ ಕೋಪವನ್ನು ನಿಯಂತ್ರಿಉಸುವುದು ಮತ್ತು ಮನಸ್ಸನ್ನು ಶಾಂತವಾಗಿಸುವುದು. ಈ ಭಂಗಿಯು ಒತ್ತಡ ನಿವಾರಿಸುವುದು ಮತ್ತು ತಲೆಗೆ ಸರಿಯಾಗಿ ರಕ್ತ ಸಂಚಾರವಾಗುವಂತೆ ಮಾಡುವುದು.
ಇದನ್ನು ಮಾಡುವುದು ಹೇಗೆ?
• ಪದ್ಮಾಸನ ಹಾಕಿಕೊಂಡು ಕುಳಿತುಕೊಳ್ಳಿ. ಹೆಬ್ಬೆರಳನ್ನು ಕೈಗಳಿಂದ ಹಿಡಿದುಕೊಳ್ಳಿ ಮತ್ತು ಬೆನ್ನು ಮತ್ತು ಕುತ್ತಿಗೆಯನ್ನು ಎಳೆಯುತ್ತಾ ಹಿಂದಕ್ಕೆ ಬಾಗಿ.
• ನೆಲಕ್ಕೆ ತಲೆ ಸ್ಪರ್ಶಿಸಲು ಪ್ರಯತ್ನಿಸಿ. ಬೆನ್ನು ಬಿಲ್ಲಿನಂತೆ ಇರಲಿ.
• ಕೆಲವು ಸೆಕೆಂಡು ಹೀಗೆ ಇದ್ದು ಮರಳಿ ಮೊದಲ ಭಂಗಿಗೆ ಬನ್ನಿ.
ಸುಖಾಸನ
ಸುಖಾಸನವು ಉಸಿರಾಟದ ಮೇಲೆ ದೃಷ್ಟಿಯನ್ನಿಟ್ಟು ಮಾಡುವಂತಹ ಯೋಗಾಸನ. ಇದು ಏಕಾಗ್ರತೆ ಹೆಚ್ಚಿಸುವುದು, ಮನಸ್ಸನ್ನು ಶಾಂತಗೊಳಿಸುವುದು ಮತ್ತು ಬೆನ್ನಿಗೆ ಬಲ ನೀಡುವುದು, ಒತ್ತಡ ನಿವಾರಿಸುವುದು ಹಾಗೂ ದೇಹದ ಭಂಗಿ ಸುಧಾರಿಸುವುದು.
ಇದನ್ನು ಹೇಗೆ ಮಾಡುವುದು
• ಕಾಲುಗಳನ್ನು ಮಡಚಿಕೊಂಡು ಹಾಗೆ ನೆಲದ ಮೇಲೆ ಕುಳಿತುಕೊಳ್ಳಿ.
• ಬೆನ್ನು ನೇರವಾಗಿ ಇರಲಿ ಮತ್ತು ಮೊಣಕಾಲಿನ ಮೇಲೆ ಕೈಗಳು ಇರಲಿ.
• ದೀರ್ಘವಾಗಿ ಉಸಿರಾಡಿ, ಉಸಿರಿನ ಮೇಲೆ ಗಮನವಿರಲಿ ಮತ್ತು ನಿಧಾನವಾಗಿ ಉಸಿರು ಬಿಡಿ.
• ಹೀಗೆ ಐದು ನಿಮಿಷ ಕಾಲ ಮಾಡಿ.
ಸರ್ವಾಂಗಾಸನ
ನರ ವ್ಯವಸ್ಥೆಯನ್ನು ಸ್ಥಿರಗೊಳಿಸುವ ಮೂಲಕ ಸರ್ವಾಂಗಾಸನವು ಕ್ರೋಧ ನಿಯಂತ್ರಿಸಲು ನೆರವಾಗುವುದು. ಇದು ಸ್ಥಿತಿಸ್ಥಾಪಕತ್ವ ಸುಧಾರಿಸುವುದು ಮತ್ತು ದೇಹ ಹಾಗೂ ಮನ್ಸನ್ನು ಬಲಪಡಿಸುವುದು.
ಅಭ್ಯಾಸ ಹೇಗೆ
ನೆಲದ ಮೇಲೆ ಹಾಗೆ ಮಲಗಿ, ಕೈಗಳು ದೇಹದ ಬದಿಗಿರಲಿ ಮತ್ತು ಪಾದಗಳು ಜತೆಯಾಗಿರಲಿ. ಈಗ ಕಾಲುಗಳನ್ನು ದೇಹದೊಂದಿಗೆ 90 ಡಿಗ್ರಿಯಲ್ಲಿ ಮೇಲಕ್ಕೆತ್ತಿ. ಮೊಣಕೈಯನ್ನು ಬಗ್ಗಿಸಿ ದೇಹವನ್ನು ಮತ್ತಷ್ಟು ಮೇಲಕ್ಕೆತ್ತಿ ಮತ್ತು ಅಂಗೈಯನ್ನು ಮೊಣಕಾಲಿನ ಅಡಿಗೆ ತನ್ನಿ. ಕೆಲವು ನಿಮಿಷ ಹೀಗೆ ಇರಿ ಮತ್ತು ಮೊದಲಿನ ಭಂಗಿಗೆ ಬನ್ನಿ.
ಶವಾಸನ
ದೇಹ ಮತ್ತು ಮನಸ್ಸಿಗೆ ಶಮನ ನೀಡಲು ಶವಾಸನವು ಅತ್ಯುತ್ತಮವಾದ ಯೋಗ ಭಂಗಿಯಾಗಿದೆ. ಈ ಆರಾಮ ನೀಡುವ ಆಸನವು ಕ್ರೋಧ ನಿಯಂತ್ರಿಸಲು ನೆರವಾಗುವುದು. ಶವಾಸನದ ಜತೆಗೆದ ದಿನದ ಅಂತ್ಯ ಮಾಡಿ.
ಅಭ್ಯಾಸ ಹೇಗೆ?
• ಬೆನ್ನಿನ ಮೇಲೆ ಹಾಗೆ ಮಲಗಿ. ದೇಹದ ಎರಡು ಬದಿಗೆ ಕೈಗಳು ಇರಲಿ ಮತ್ತು ಕಾಲುಗಳು ನೇರವಾಗಿರಲಿ. ಅಂಗೈಯು ಮೇಲ್ಭಾಗಕ್ಕೆ ಇರಲಿ.
• ಸಂಪೂರ್ಣ ದೇಹವು ಆರಾಮ ಮತ್ತು ಹಿತಕರವಾಗಿರಲಿ.
• ಉಸಿರಾಟದ ಮೇಲೆ ಗಮನ ನೀಡಿ. ಐದು ನಿಮಿಷ ಕಾಲ ಈ ಭಂಗಿಯಲ್ಲಿ ಇರಿ.
