ಪ್ರೀತಿಯ ಬಲೆಯಲ್ಲಿ ಬಿದ್ದ ನಂತರ ಗಂಡು ಹೆಣ್ಣು ಈ ಕೆಲವೊಂದು ವಿಷ್ಯಗಳನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು. ಇಲ್ಲವಾದರೆ ಸಂಬಂಧದಲ್ಲಿ ಬಿರುಕು ಮೂಡುವುದು.
ನಿಮ್ಮ ಸಂಗಾತಿಯೊಂದಿಗಿನ ನಿಮ್ಮ ಸಂಬಂಧವನ್ನು ಗಟ್ಟಿಯಾಗಿ ಇರಿಸಿಕೊಳ್ಳಲು ನೀವು ಬಯಸಿದರೆ, ಪಾಲುದಾರರ ಭಾವನೆಗಳನ್ನು ನೋಡಿಕೊಳ್ಳುವುದು ಬಹಳ ಮುಖ್ಯ. ಕೆಲವೊಮ್ಮೆ ನಾವು ಹೇಳುವ ಕೆಲವು ವಿಷಯಗಳು ಸಂಗಾತಿಯನ್ನು ಕುಟುಕಬಹುದು. ಅದಕ್ಕಾಗಿಯೇ ಯಾವುದೇ ಸಂಬಂಧದಲ್ಲಿ ಇನ್ನೊಬ್ಬರ ಭಾವನೆಗಳಿಗೆ ಬೆಲೆ ಕೊಡುವುದನ್ನು ಕಲಿಯಿರಿ.
ನೋಯಿಸುವಂತಹ ಪ್ರಶ್ನೆ ಕೇಳದಿರಿ
ವಿಶೇಷವಾಗಿ ನಿಮ್ಮ ಸಂಗಾತಿಯ ಭಾವನೆಗಳನ್ನು ನೋಯಿಸುವಂತಹ ವಿಷಯಗಳನ್ನು ಅಥವಾ ಪ್ರಶ್ನೆಗಳನ್ನು ಕೇಳಬೇಡಿ. ಇಂದು ನಾವು ಈ ಲೇಖನದಲ್ಲಿ ಅಂತಹ ಕೆಲವು ಪ್ರಶ್ನೆಗಳ ಬಗ್ಗೆ ಹೇಳುತ್ತೇವೆ, ಅದನ್ನು ನಿಮ್ಮ ಸಂಗಾತಿಗೆ ಎಂದಿಗೂ ಕೇಳಬಾರದು.
ಹಿಂದಿನ ಜೀವನದ ಬಗ್ಗೆ
ಪ್ರತಿಯೊಬ್ಬರಿಗೂ ಅವರದ್ದೇ ಆದ ಹಳೆಯ ವಿಷ್ಯಗಳು ಇದ್ದೇ ಇರುತ್ತದೆ. ಅದು ಹಳೆಯ ಕಹಿ ಘಟನೆಗಳಾಗಿರಲಿ ಅಥವಾ ಹಳೆಯ ಸಂಬಂಧಗಳಾಗಿರಲಿ. ನಿಮ್ಮ ಸಂಗಾತಿಯ ಮಾಜಿ ಪ್ರಿಯರಕರನ ಅಥವಾ ಪ್ರಿಯತಮೆಯ ಬಗ್ಗೆ ಕೇಳದಿರಿ.
ಅನೇಕ ಜನರು ತಮ್ಮ ಹಿಂದಿನ ಜೀವನದ ಬಗ್ಗೆ ತುಂಬಾ ಭಾವನಾತ್ಮಕವಾಗಿರುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಅವರ ಮಾಜಿ ಬಗ್ಗೆ ಕೇಳಿದರೆ, ಅವರ ಮನಸ್ಸಿಗೆ ನೋವಾಗಬಹುದು ಖಂಡಿತ. ಅವರು ಮರೆಯಬೇಕೆಂದಿರುವ ವಿಷ್ಯಗಳನ್ನು ಪದೇ ಪದೇ ಕೆಣಕುವುದು ಸರಿಯಲ್ಲ.
ಲೈಂಗಿಕತೆಯ ಬಗ್ಗೆ
ಸಂಗಾತಿಗಳೆಂದ ಮೇಲೆ ಲೈಂಗಿಕತೆಗೆ ಸಂಬಂಧಿಸಿದ ವಿಷ್ಯಗಳು ಬಂದೇ ಬರುತ್ತದೆ. ಹೀಗಿರುವಾಗ ಹುಡುಗ ಆಗಲಿ ಹುಡುಗಿಯೇ ಆಗಲಿ ತಮ್ಮ ಸಂಗಾತಿಯಲ್ಲಿ ಈ ಮೊದಲು ಲೈಂಗಿಕತೆಯಲ್ಲಿ ತೊಡಗಿಕೊಂಡಿದ್ದೀರೇ ಎನ್ನುವ ಪ್ರಶ್ನೆಯನ್ನು ಕೇಳಬಾರದು. ಇದು ಅವರ ವೈಯಕ್ತಿಕ ವಿಚಾರ, ಅದರ ಬಗ್ಗೆ ಯಾರಲ್ಲೂ ಹಂಚಿಕೊಳ್ಳಲು ಇಷ್ಟಪಡುವುದಿಲ್ಲ, ಅವರ ಹಿಂದಿನ ಸಂಬಂಧದ ಬಗ್ಗೆ ತಿಳಿಯುವುದರಿಂದ ಇಬ್ಬರ ಮುಂದಿನ ಜೀವನವು ಹಾಳಾಗುವುದು.
ಸಂಬಳದ ಬಗ್ಗೆ ಕೇಳದಿರಿ
ಹೆಚ್ಚಿನ ಹುಡುಗಿಯರಿಗೆ ತಮ್ಮ ಪ್ರಿಯಕರನ ಸಂಬಳ ಎಷ್ಟು ಎಂದು ಕೇಳುವ ಅಭ್ಯಾಸವಿರುತ್ತದೆ. ನೀವು ಆ ರೀತಿ ಕೇಳುವುದರಿಂದ ಅವರಿಗೆ ನಿಮ್ಮ ಮೇಲೆ ಕೆಟ್ಟ ಭಾವನೆ ಬರಬಹುದು. ನೀವು ಅವರ ಸಂಬಳದ ಮೂಲಕ ಅವರನ್ನು ಅಳೆಯುತ್ತೀರಿ ಎನ್ನುವ ಭಾವನೆ ಬರಬಹುದು. ಹಾಗಾಗಿ ನೀವು ಓರ್ವ ವ್ಯಕ್ತಿಯನ್ನು ಪ್ರೀತಿಸಿದ್ದೀರೆಂದಾದ ಮೇಲೆ ಅವರ ಸಂಬಳ ನಿಮಗೆ ಮುಖ್ಯವಾಗಲ್ಲ.
ಸಾಮಾಜಿಕ ಮಾಧ್ಯಮ ಪಾಸ್ವರ್ಡ್
ಸಂಬಂಧ ಗಟ್ಟಿಯಾಗಲು ಸಾಮಾಜಿಕ ಜಾಲತಾಣಗಳ ಪಾಸ್ವರ್ಡ್ ಹಂಚಿಕೊಳ್ಳುವ ಅಗತ್ಯವಿಲ್ಲ. ಸಾಮಾಜಿಕ ಮಾಧ್ಯಮದ ಪಾಸ್‌ವರ್ಡ್‌ಗಾಗಿ ನಿಮ್ಮ ಸಂಗಾತಿಯನ್ನು ನೀವು ಕೇಳಿದರೆ, ಅದು ಅವರಿಗೆ ನಿಮ್ಮ ಮೇಲೆ ಕೆಟ್ಟ ಭಾವನೆಯನ್ನು ಉಂಟುಮಾಡಬಹುದು. ಆದ್ದರಿಂದ ಸಾಮಾಜಿಕ ಮಾಧ್ಯಮದ ಪಾಸ್‌ವರ್ಡ್‌ಗಾಗಿ ಪಾಲುದಾರರನ್ನು ಕೇಳದಿರಲು ಪ್ರಯತ್ನಿಸಿ.
ಪ್ರತಿಯೊಬ್ಬರಿಗೂ ಅವರವರ ವೈಯಕ್ತಿಕ ವಿಷ್ಯಗಳು ಇರುತ್ತವೆ. ಅದದರಲ್ಲಿ ಪಾಸ್ವರ್ಡ್ ಕೂಡಾ ಒಂದು. ಇದನ್ನು ಯಾರಲ್ಲಿಯೂ ಹಂಚಿಕೊಳ್ಳಲು ಇಷ್ಟಪಡುವುದಿಲ್ಲ. ಆದರೆ ಕೆಲವು ಪ್ರೇಮಿಗಳಿಗೆ ಪಾಸ್ವರ್ಡ್ ತಿಳಿಯುವ ಕೆಟ್ಟ ಅಭ್ಯಾಸಗಳಿರುತ್ತವೆ.
