ಇತ್ತೀಚಿನ ತಂತ್ರಜ್ಞಾನ ಯುಗ ಬಹಳಷ್ಟು ಮುಂದುವರೆದಿದೆ. ಕೆಲವು ತಂತ್ರಜ್ಞಾನಗಳು ನಮ್ಮ ಜೀವನವನ್ನೇ ಬದಲಾಯಿಸಿವೆ. ಪ್ರಸ್ತುತ ಸ್ಮಾರ್ಟ್’ಫೋನ್ ನಮ್ಮೆಲ್ಲರ ಜೀವನದ ಮುಖ್ಯ ಭಾಗವಾಗಿದೆ ಎನ್ನಬಹುದು.
ಆದರೆ ಈಗ ಸ್ಮಾರ್ಟ್’ಫೋನ್ ನ ಅತಿಯಾದ ಬಳಕೆಯಿಂದ ಚಾರ್ಜ್ ಉಳಿಯುವುದಿಲ್ಲ. ಇನ್ನು ಕೆಲವು ಸ್ಮಾರ್ಟ್’ಫೋನ್ ನ ಬ್ಯಾಟರಿಯೇ ಹಾಳಾಗಿ ಬಿಡುತ್ತದೆ. ಇದಕ್ಕಾಗಿ ಒಂದು ಹೊಸ ತಂತ್ರಜ್ಞಾನ ಬರುತ್ತಿದೆ.
ಮಾರುಕಟ್ಟೆಯಲ್ಲಿ E-Textile ಎಂಬ ಹೊಸ ತಂತ್ರಜ್ಞಾನ ಬಂದಿದ್ದು ನಿಮ್ಮ ಬಟ್ಟೆಗಳಿಂದಲೇ ಸ್ಮಾರ್ಟ್’ಫೋನ್ ಅನ್ನು ಚಾರ್ಜ್ ಮಾಡಬಹುದಾಗಿದೆ. ವಿಶೇಷ ಎಂದರೆ, ಕಣ್ಣು ಮಿಟುಕಿಸುವುದರೊಳಗೆ ಸ್ಮಾರ್ಟ್’ಫೋನ್’ನ್ ಬ್ಯಾಟರಿ ಫುಲ್ ಆಗುತ್ತೆ.
ಏನಿದು ಇ-ಟೆಕ್ನಾಲಜಿ :
ಇದೊಂದು ಈಗಿನ ಟೆಕ್ನಾಲಜಿ ಯುಗದಲ್ಲಿರುವಂತಹ ಉತ್ತಮ ಫೀಚರ್ ಆಗಿದೆ. ಇ-ಟೆಕ್ಸ್’ಟೈಲ್ ವಾಸ್ತವವಾಗಿ ವಿಶೇಷವಾದ ಬಟ್ಟೆಯಾಗಿದ್ದು ಅದು ಸಾಮಾನ್ಯ ಬಟ್ಟೆಗಳಿಗಿಂತ ತುಂಬಾ ಭಿನ್ನವಾಗಿದೆ. ಈ ಬಟ್ಟೆ ಕೇವಲ ಧರಿಸಲು ಮಾತ್ರವಲ್ಲ ಇದರ ವಿಶೇಷ ಫೀಚರ್ ಬಗ್ಗೆ ತಿಳಿದರೆ ನೀವು ಆಶ್ಚರ್ಯ ಪಡುತ್ತೀರಿ. ಈ ಬಟ್ಟೆಯ ವಿಶೇಷತೆಯೆಂದರೆ ನಿಮ್ಮ ಸ್ಮಾರ್ಟ್ಫೋನ್ ಅನ್ನು ಚಾರ್ಜ್ಮಾಡಬಲ್ಲದು.
ಹೇಗೆಂದರೆ ಇದು ಮೊದಲಿಗೆ ಸೌರಶಕ್ತಿಯನ್ನು ತನ್ನೊಳಗೆ ಸಂಗ್ರಹಿಸಿ ಇಟ್ಟುಕೊಳ್ಳುತ್ತದೆ. ನಿಮಗೆ ಅಗತ್ಯವಾದಾಲ ಇದರ ಸಹಾಯದಿಂದ ನಿಮ್ಮ ಸ್ಮಾರ್ಟ್’ಫೋನ್’ಅನ್ನು ಚಾರ್ಜ್ ಮಾಡಿಕೊಳ್ಳಬಹುದು. ಇದು ಸ್ವಲ್ಪ ಮಟ್ಟಿಗೆ ದೊಡ್ಡ ಗಾತ್ರದಲ್ಲಿದ್ದು ಹೆಚ್ಚು ಸೌರಶಕ್ತಿಯನ್ನು ತನ್ನೊಳಗೆ ಸಂಗ್ರಹಿಸಿ ಇಡುವ ಸಾಮರ್ಥ್ಯವಿದೆ. ಈ ರೀತಿಯ ಸಾಮರ್ಥ್ಯ ಹೊಂದಿರುವುದರಿಂದ ನಿಮ್ಮ ಸ್ಮಾರ್ಟ್’ಫೋನ್ ಅನ್ನು ಚಾರ್ಜ್ ಮಾಡಲು ಇನ್ನಷ್ಟು ಅವಕಾಶಗಳಿರುತ್ತವೆ.
ಈ ತಂತ್ರಜ್ಞಾನ ಎಲ್ಲಿಂದ ಬಂತು ?
ಈ ವಿಶೇಷ ಬಟ್ಟೆಯನ್ನು ನಾಟಿಂಗ್ಹ್ಯಾಮ್ ಟ್ರೆಂಡ್ ಎಂಬ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ಆವಿಷ್ಕಾರ ಮಾಡಿದ್ದಾರೆ. ಇಲ್ಲಿಯವರೆಗೆ ಈ ರೀತಿಯ ಸುದ್ದಿಗಳನ್ನು ಜನರು ಕೇವಲ ಕಲ್ಪನೆ ಮಾಡಿಕೊಳ್ಳುತ್ತಿದ್ದರು. ಆದರೆ ಈಗ ಇದು ನಿಜವಾಗಿದೆ. ಈ ವಿಶೇಷ ಫ್ಯಾಬ್ರಿಕ್ ಸೌರ ಶಕ್ತಿಯನ್ನು ತನ್ನೊಳಗೆ ಸಂಗ್ರಹಿಸುತ್ತದೆ, ಇದರಿಂದ ನಿಮ್ಮ ಗ್ಯಾಜೆಟ್ಗಳನ್ನು ಚಾರ್ಜ್ ಮಾಡಿಕೊಳ್ಳಬಹುದಾಗಿದೆ. ಈ ತಂತ್ರಜ್ಞಾನ ಸ್ಮಾರ್ಟ್ಫೋನ್ಗಳು ಮತ್ತು ಸ್ಮಾರ್ಟ್’ವಾಚ್’ಗಳು ಮತ್ತು ಇಯರ್ಬಡ್ಗಳನ್ನು ಚಾರ್ಜ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ.
ಈ ಬಟ್ಟೆಯಲ್ಲಿ ಸೌರ ಕೋಶಗಳನ್ನು ಅಳವಡಿಕೆ:
ಈ ವಿಶೇಷ ಬಟ್ಟೆ ಫ್ಯಾಬ್ರಿಕ್ ಸೌರ ಶಕ್ತಿಯನ್ನು ರಕ್ಷಿಸುತ್ತದೆ ಮತ್ತು ಇದಕ್ಕಾಗಿ ವಿಜ್ಞಾನಿಗಳು 1,200 ಸಣ್ಣ ದ್ಯುತಿವಿದ್ಯುಜ್ಜನಕ ಕೋಶಗಳನ್ನು (ಸೌರ ಫಲಕಗಳು) ಬಳಸಿದ್ದಾರೆ. ಸೌರಶಕ್ತಿಯು ಅದರೊಳಗೆ ಚೆನ್ನಾಗಿ ಸಂಗ್ರಹವಾಗಲು ಇದು ಕಾರಣವಾಗಿದೆ. ಇದನ್ನು ಬಳಸಿಕೊಂಡು ನಿಮ್ಮ ಗ್ಯಾಜೆಟ್’ಗಳನ್ನು ಚಾರ್ಜ್ ಮಾಡಬಹುದು.
ಈ ಫ್ಯಾಬ್ರಿಕ್ 400 ಮಿಲಿವ್ಯಾಟ್ ವಿದ್ಯುತ್ ಶಕ್ತಿಯನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ, ಆದ್ದರಿಂದ ನೀವು ನಿಮ್ಮ ಗ್ಯಾಜೆಟ್’ಗಳನ್ನು ಸುಲಭವಾಗಿ ಚಾರ್ಜ್ ಮಾಡಲು ಸಾಧ್ಯವಾಗುತ್ತದೆ. ಈಗ ಈ ತಂತ್ರಜ್ಞಾನದ ಕೆಲಸ ಈಗಲೂ ನಡೆಸುತ್ತಿದ್ದಾರೆ ಆದರೆ ಭವಿಷ್ಯದಲ್ಲಿ ಇದು ಎಲ್ಲರಿಗೂ ಲಭ್ಯವಾಗಬಹುದು ಎಂದು ಹೇಳಲಾಗುತ್ತಿದೆ.
ಇದು ಈಗಿನ ತಂತ್ರಜ್ಞಾನದಲ್ಲಿ ಅಗುತ್ತಿರುವಂತಹ ಬದಲಾವಣೆಯಾಗಿದೆ. ಎಲ್ಲರೂ ಬದಲಾವಣೆಗಳನ್ನು ಬಯಸುತ್ತಲೇ ಇರುತ್ತಾರೆ. ಅದೇ ರೀತಿ ಈ ಹೊಸ ತಂತ್ರಾಜ್ಞಾನ ಮಾರುಕಟ್ಟೆಯಲ್ಲಿ ಹೊಸ ಬದಲಾವಣೆಯನ್ನು ತರಬಹುದೆಂಬ ನಂಬಿಕೆಯಿದೆ.
