ಸೋಯಾಬೀನ್ ಎಣ್ಣೆಯ ಮಿತಿಮೀರಿದ ಬಳಕೆಯು ಬೊಜ್ಜು ಮತ್ತು ಮಧುಮೇಹದ ಜೊತೆಗೆ ಸ್ವಲೀನತೆ, ಆಲ್ಝೈಮರ್ ನ ಕಾಯಿಲೆ, ಆತಂಕ ಮತ್ತು ಖಿನ್ನತೆಗೆ ಸಂಬಂಧಿಸಿದೆ ಎಂದು ತಿಳಿದುಬಂದಿದೆ.
ಹೊಸ ಸಂಶೋಧನೆಯು ತೈಲವು ಅಲ್ಸರೇಟಿವ್ ಕೊಲೈಟಿಸ್‌ಗೆ ಕಾರಣವಾಗಬಹುದು ಎಂದು ತಿಳಿಸಿದೆ. ಇದು ಒಂದು ರೀತಿಯ ಉರಿಯೂತದ ಕರುಳಿನ ಕಾಯಿಲೆ ಯಾಗಿದ್ದು, ದೊಡ್ಡ ಕರುಳಿನ ದೀರ್ಘಕಾಲದ ಉರಿಯೂತದಿಂದ ಉಂಟಾಗುತ್ತದೆ.
ವಿಜ್ಞಾನಿಗಳು ಪ್ರಯೋಗಾಲಯದಲ್ಲಿ 24 ವಾರಗಳವರೆಗೆ ಸೋಯಾಬೀನ್ ಎಣ್ಣೆಯಲ್ಲಿ ಹೆಚ್ಚಿನ ಆಹಾರವನ್ನು ನಿರಂತರವಾಗಿ ಸೇವಿಸಿದ ಇಲಿಗಳ ಕರುಳನ್ನು ಸಂಶೋಧನೆಗೆ ಒಳಪಡಿಸಿದ್ದರು. ಇದರಿಂದಾಗಿ ಉತ್ತಮ ಬ್ಯಾಕ್ಟೀರಿಯಾ ಕಡಿಮೆಯಾಗಿ, ಹಾನಿಕಾರಕ ಬ್ಯಾಕ್ಟೀರಿಯಾಗಳು ಕೊಲೈಟಿಸ್ ಗೆ ಕಾರಣವಾಗಬಹುದು ಎಂದು ತಂಡವು ಕಂಡುಹಿಡಿದಿದೆ.
ಸೋಯಾಬೀನ್ ಎಣ್ಣೆಯು ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಸಾಮಾನ್ಯವಾಗಿ ಬಳಸುವ ಖಾದ್ಯ ತೈಲವಾಗಿದೆ. ಇದಲ್ಲದೆ, ಇದನ್ನು ಇತರ ದೇಶಗಳಲ್ಲಿ, ವಿಶೇಷವಾಗಿ ಬ್ರೆಜಿಲ್, ಚೀನಾ ಮತ್ತು ಭಾರತದಲ್ಲಿ ಹೆಚ್ಚಾಗಿ ವಿವಿಧ ಪಾಕ ವಿಧಾನದಲ್ಲಿ ಬಳಸಲಾಗುತ್ತದೆ.
