ಮಳವಳ್ಳಿ:ತಾಲ್ಲೂಕಿನ ಹಲಗೂರು ಸಮೀಪದ ತೊರೆಕಾಡನಹಳ್ಳಿಯ ಬೆಂಗಳೂರು ಜಲ ಮಂಡಳಿಯ ಗೇಟ್ ಬಳಿ ಅಕ್ರಮವಾಗಿ ಗಾಂಜಾ ಸೊಪ್ಪು ಮಾರಾಟ ಮಾಡುತ್ತಿದ್ದ ಓರ್ವ ಮಹಿಳೆ ಸೇರಿದಂತೆ ನಾಲ್ವರನ್ನು ಹಲಗೂರು ವೃತ್ತ ನಿರೀಕ್ಷಕರಾದ ಶ್ರೀಧರ್ ಬಂಧಿಸಿದ್ದಾರೆ.
ತೊರೆಕಾಡನಹಳ್ಳಿ ಗ್ರಾಮದ ಕುಮಾರ್,ಮಾದಯ್ಯ,ಭರತ್ ಸೇರಿದಂತೆ ಮಳವಳ್ಳಿ ಪಟ್ಟಣದ ನಿವಾಸಿ ಕಮಲಮ್ಮ(45) ಈ ನಾಲ್ವರು ಅಕ್ರಮವಾಗಿ ತೊರೆಕಾಡನಹಳ್ಳಿ ಗ್ರಾಮದಲ್ಲಿ ಅಕ್ರಮವಾಗಿ ಮತ್ತು ಕಾನೂನು ಬಾಹಿರವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದು,ಖಚಿತ ಮಾಹಿತಿ ಮೇರೆಗೆ ಈ ನಾಲ್ವರನ್ನು ಬಂಧಿಸ
ಲಾಗಿದೆ.
ಆರೋಪಿಗಳಿಂದ 300 ಗ್ರಾಂ ಗಾಂಜಾ ಸೊಪ್ಪನ್ನು ವಶಪಡಿಸಿಕೊಳ್ಳಲಾಗಿದೆ.
ಸ್ಥಳಕ್ಕೆ ಮಳವಳ್ಳಿ ಡಿವೈಎಸ್ಪಿ ಕೃಷ್ಣಪ್ಪ ಭೇಟಿ ನೀಡಿ ಪರಿಶೀಲಿಸಿದರು, ಕಾರ್ಯಾಚರಣೆಯಲ್ಲಿ ವೃತ್ತ ನಿರೀಕ್ಷಕ ಶ್ರೀಧರ್,ಹಲಗೂರು ಪಿಎಸ್‌ಐ ಮಹೇಂದ್ರ,ಸಿಬ್ಬಂದಿಗಳಾದ ರಿಯಾಜ್ ,ನಾಗೇಂದ್ರ,ಸಿದ್ದರಾಜು, ಮಲ್ಲಿಕಾರ್ಜುನ ಚುಳುಕಿ ಹಾಗೂ ಫಾರೂಕ್ ಭಾಗಿಯಾಗಿದ್ದರು.
