ಡೆಂಗ್ಯೂ ಜ್ವರದ ಆತಂಕದಲ್ಲಿ ಮೈಸೂರಿನ ಕೆ ಆರ್ ಒನ್ ಬೆಟ್ಟದಪುರದ ಜನರು!
ಗುಜರಾತ್ ಕರಕುಶಲ ಉತ್ಸವದ ಸದುಪಯೋಗ ಪಡೆದುಕೊಳ್ಳಿ: ಕೆ ಎಂ ಗಾಯಿತ್ರಿ
ನ್ಯಾಯಾಲಯದಲ್ಲಿ ಜವಾನ ಹುದ್ದೆಗಳ ಭರ್ತಿಗೆ ಅಧಿಸೂಚನೆ !
ಮೂಡ ಹಗರಣಕ್ಕೆ ಸಂಬಂಧಿಸಿದ ವ್ಯಕ್ತಿಯ ಅಮಾನತು ಮಾಡುವಂತೆ ಪ್ರತಿಭಟನೆ
ಗುಜರಾತ್ ಹ್ಯಾಂಡಿಕ್ರಾಫ್ಟ್ ಉತ್ಸವ -2024 ಕುರಿತು ಪತ್ರಿಕಾಗೋಷ್ಠಿಯನ್ನು ಏರ್ಪಡಿಸಲಾಯಿತು
T20 ವಿಶ್ವ ಚಾಂಪಿಯನ್ ಟೀಮ್ ಇಂಡಿಯಾವನ್ನು ಭೇಟಿ ಮಾಡಿದ ಪ್ರಧಾನಿ ಮೋದಿ
4,000 ಕೋಟಿ ಬ್ರಹ್ಮಾಂಡ ಭ್ರಷ್ಟಾಚಾರ ಹಗರಣ ವಿರೋಧಿಸಿ ಪ್ರತಿಭಟನೆ
ಗ್ರಾಮ ಪಂಚಾಯಿತಿಗಳಲ್ಲೇ, ಜನನ ಮತ್ತು ಮರಣ, 'ಪ್ರಮಾಣ ಪತ್ರ' ದೊರೆಯುತ್ತದೆ.
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.
ಕಣ್ಣಿಗೆ ಕಂಡರೆ ಹಸಿಬಟಾಣಿ ಬಿಟ್ಟು ಹೋಗಲು ಮನಸ್ಸೇ ಬರುವುದಿಲ್ಲ. ಅವುಗಳ ಕಲರ್, ಟೆಂಡರ್, ಸ್ವೀಟ್ ನೆಸ್ ಎಲ್ಲವೂ ನಮಗೆ ಇಷ್ಟ. ಬೇಯಿಸಿ ತಿನ್ನುತ್ತಿದ್ದರೆ ಮತ್ತಷ್ಟು, ಮಗದಷ್ಟು ತಿನ್ನಬೇಕು ಎನ್ನುವ ಬಯಕೆ. ಬಟಾಣಿ ಕಾಳುಗಳ ಗುಣವೇ ಅಂತಹದ್ದು. ಸೀಸನಲ್ ಆಗಿ ಸಿಗುವ ಹಸಿ ಬಟಾಣಿ ಕಾಳುಗಳು ಆರೋಗ್ಯಕ್ಕೆ ಅತ್ಯುತ್ತಮ.
ಒಂದು ಸಾಧಾರಣ ಉಪ್ಪಿಟ್ಟು ತಯಾರು ಮಾಡುವುದರಿಂದ ಹಿಡಿದು ಅನೇಕ ಬಗೆಯ ಅಡುಗೆ ಪದಾರ್ಥಗಳಿಗೆ ಬಟಾಣಿ ಕಾಳುಗಳನ್ನು ಬಳಸಿ ತಯಾರಾಗುವ ಆಹಾರದ ಸ್ವಾಧ ಹೆಚ್ಚಿಸಬಹುದು. ಆಹಾರದ ರುಚಿ ಹೆಚ್ಚಾಗುವುದು ಮಾತ್ರವಲ್ಲ ಅವುಗಳಿಂದ ಸಿಗುವ ಆರೋಗ್ಯ ಪ್ರಯೋಜನಗಳು ಕೂಡ ಅಷ್ಟೇ ಸೊಗಸಾಗಿರುತ್ತವೆ. ಈ ಲೇಖನದಲ್ಲಿ ಹಸಿ ಬಟಾಣಿ ಕಾಳುಗಳ ವೈಶಿಷ್ಟ್ಯಗಳು ಮತ್ತು ನಮಗೆ ಆರೋಗ್ಯಕ್ಕೆ ಅವುಗಳಿಂದ ಏನು ಲಾಭ ಎಂಬುದನ್ನು ತಿಳಿದುಕೊಳ್ಳಬಹುದು.
ರೋಗನಿರೋಧಕ ಶಕ್ತಿಗಾಗಿ ಬೆಸ್ಟ್ ಆಯ್ಕೆ!
• ಹಚ್ಚ ಹಸಿರು ಬಟಾಣಿ ಕಾಳುಗಳಲ್ಲಿ ಆಂಟಿ ಆಕ್ಸಿಡೆಂಟ್ ಹೇರಳವಾಗಿದೆ. ಇದು ದೇಹವನ್ನು ಗಂಭೀರವಾದ ಆರೋಗ್ಯ ಸಮಸ್ಯೆಗಳಿಂದ ರಕ್ಷಣೆ ಮಾಡುತ್ತದೆ.
• ಜೊತೆಗೆ ಇದರಲ್ಲಿ ಕಬ್ಬಿಣದ ಅಂಶ, ಕ್ಯಾಲ್ಸಿಯಂ, ಜಿಂಕ್ ಮತ್ತು ಕಾಪರ್ ಜೊತೆಗೆ ಮ್ಯಾಂಗನೀಸ್ ಕೂಡ ಇರುವುದರಿಂದ ರೋಗ ನಿರೋಧಕ ಶಕ್ತಿ ಅಭಿವೃದ್ಧಿ ಮಾಡುವುದರಲ್ಲಿ ಎರಡು ಮಾತಿಲ್ಲ ಎಂದು ಆರೋಗ್ಯ ತಜ್ಞರಾದ ಡಾ. ಅಂಕಿತ ಹೇಳಿದ್ದಾರೆ.
ಜೀರ್ಣಶಕ್ತಿಗೆ ಒಳ್ಳೆಯದು
• ಬಟಾಣಿ ಕಾಳುಗಳಿಗೆ ನಿಮ್ಮ ಕೆಟ್ಟು ಹೋದ ಜೀರ್ಣ ವ್ಯವಸ್ಥೆಯನ್ನು ಮತ್ತೆ ಸಮತೋಲನಕ್ಕೆ ತರುವ ಶಕ್ತಿ ಇದೆ. ಏಕೆಂದರೆ ಇದರಲ್ಲಿ ಅತಿ ಹೆಚ್ಚಿನ ನಾರಿನ ಅಂಶ ಇರಲಿದ್ದು, ಸೇವಿಸಿದ ಆಹಾರ ಚೆನ್ನಾಗಿ ಜೀರ್ಣವಾಗಿ ಸುಲಭವಾದ ಮಲವಿಸರ್ಜನೆಯಲ್ಲಿ ಸಹಾಯ ಮಾಡುತ್ತದೆ.
• ಹಾಗಾಗಿ ನಿಮ್ಮ ಆಹಾರ ಪದ್ಧತಿಯಲ್ಲಿ ಸಲಾಡ್, ಪಲ್ಯ, ಸಾಗು ಇತ್ಯಾದಿಗಳಲ್ಲಿ ಬಟಾಣಿ ಕಾಳು ಗಳನ್ನು ಆಗಾಗ ಬಳಸುವುದರಿಂದ ಮಲಬದ್ಧತೆ ಸಮಸ್ಯೆಯಿಂದ ದೂರವಾಗಲು ಸಾಧ್ಯ ವಾಗುತ್ತದೆ.
ಹೃದಯದ ಆರೋಗ್ಯ ಕಾಪಾಡಿಕೊಳ್ಳಬಹುದು
• ಮನುಷ್ಯನ ಹೃದಯ ಆತನ ಜೀವನಾಡಿ ಎಂದು ಹೇಳಬಹುದು. ಏಕೆಂದರೆ ಅದು ಬಡಿದು ಕೊಳ್ಳದಿದ್ದರೆ ಮನುಷ್ಯ ಜೀವಂತವಾಗಿರಲು ಸಾಧ್ಯವೇ ಇಲ್ಲ. ಅತ್ಯುತ್ತಮ ಹೃದಯದ ಆರೋಗ್ಯಕ್ಕೆ ಹೃದಯಕ್ಕೆ ಸಹಕಾರಿ ಆದಂತಹ ಆಹಾರಗಳನ್ನು ಸೇವನೆ ಮಾಡಬೇಕು.
• ಅವುಗಳಲ್ಲಿ ಹಸಿರು ಬಟಾಣಿ ಮುಂಚೂಣಿಯಲ್ಲಿದೆ ಎಂದು ಹೇಳಬಹುದು. ಏಕೆಂದರೆ ಬಟಾಣಿ ಕಾಳುಗಳಲ್ಲಿ ಕರಗದೆ ಇರುವ ನಾರಿನ ಅಂಶ ಇರಲಿದ್ದು, ಇದು ಮನುಷ್ಯನನ್ನು ಹೃದಯದ ಕಾಯಿಲೆ ಮತ್ತು ಪಾರ್ಶ್ವವಾಯು ಸಮಸ್ಯೆಯಿಂದ ರಕ್ಷಿಸುತ್ತದೆ. ಹಾಗಾಗಿ ಹಸಿ ಬಟಾಣಿ ಕಾಳುಗಳನ್ನು ಸೇವಿಸುವ ಅಭ್ಯಾಸ ಇಟ್ಟುಕೊಳ್ಳಿ.
ತೂಕ ನಿಯಂತ್ರಣದಲ್ಲಿ ಸಹಾಯಕ
• ಜಡ ಜೀವನ ಶೈಲಿಯಿಂದ ಒಮ್ಮೆ ದೇಹದಲ್ಲಿ ಬೊಜ್ಜು ಹೆಚ್ಚಾಯಿತು ಎಂದರೆ ತೂಕ ಕೂಡ ಕ್ರಮೇಣ ವಾಗಿ ತಾನಾಗಿಯೇ ಹೆಚ್ಚಾಗುತ್ತಾ ಹೋಗುತ್ತದೆ. ಹಾಗಾಗಿ ಕಡಿಮೆ ಕೊಬ್ಬು ಮತ್ತು ಕ್ಯಾಲರಿ ಪ್ರಮಾಣವನ್ನು ಒಳಗೊಂಡಿರುವ ಆಹಾರಗಳನ್ನು ಆಹಾರ ಪದ್ಧತಿಯಲ್ಲಿ ಸೇರಿಸಿಕೊಳ್ಳಬೇಕು.
• ಹಸಿ ಬಟಾಣಿ ಕಾಳುಗಳು ಕಡಿಮೆ ಕೊಬ್ಬಿನ ಅಂಶ ಮತ್ತು ಕ್ಯಾಲೋರಿಗಳನ್ನು ಒಳಗೊಂಡಿವೆ ಎಂಬುದು ಆರೋಗ್ಯ ತಜ್ಞರ ಮಾತು. ಹೆಚ್ಚಿನ ನಾರಿನ ಅಂಶ ಇರುವ ಹಸಿ ಬಟಾಣಿ ಕಾಳುಗಳನ್ನು ಸೇವಿಸುವುದರಿಂದ ತೂಕ ಕಡಿಮೆ ಮಾಡಿಕೊಳ್ಳುವ ಸಾಧ್ಯತೆ ಜೊತೆಗೆ ಹೊಟ್ಟೆ ಹಸಿವನ್ನು ಸಹ ನಿಯಂತ್ರಣ ಮಾಡಿಕೊಳ್ಳಬಹುದು.
ಕಣ್ಣುಗಳ ದೃಷ್ಟಿಗೆ ಒಳ್ಳೆಯದು
• ಬಟಾಣಿ ಕಾಳುಗಳು ಕಣ್ಣುಗಳ ಆರೋಗ್ಯವನ್ನು ರಕ್ಷಣೆ ಮಾಡುತ್ತವೆ. ಬಟಾಣಿ ಕಾಳುಗಳಲ್ಲಿ ಕ್ಯಾರೋ ಟಿನ್ ಪಿಗ್ಮೆಂಟ್ ಅಪಾರ ಪ್ರಮಾಣದಲ್ಲಿ ಇರುವ ಕಾರಣ ವಯಸ್ಸಾದಂತೆ ಎದುರಾಗುವ ಕಣ್ಣುಗಳ ದೃಷ್ಟಿ ಸಮಸ್ಯೆಯನ್ನು ಮತ್ತು ಕಣ್ಣಿನ ಪೊರೆ ಸಮಸ್ಯೆಯನ್ನು ಬರದಂತೆ ತಡೆಯುವ ಸಾಮರ್ಥ್ಯವಿದೆ.
• ಹಾಗಾಗಿ ನಿಯಮಿತವಾಗಿ ಆಗಾಗ ಬಟಾಣಿ ಕಾಳುಗಳನ್ನು ಸೇವನೆ ಮಾಡುವುದರಿಂದ ದೃಷ್ಟಿ ದೋಷ ನಿವಾರಣೆ ಸಾಧ್ಯವಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಬಹುದು.
ಉರಿಯುತ ನಿವಾರಣೆ ಮಾಡುತ್ತವೆ
• ಬಟಾಣಿ ಕಾಳುಗಳು ಆಂಟಿ ಇಂಫ್ಲಮೆಂಟರಿ ಗುಣಲಕ್ಷಣಗಳನ್ನು ಹೊಂದಿರುತ್ತವೆ ಮತ್ತು ತಮ್ಮಲ್ಲಿ ವಿಟಮಿನ್ ಬಿ6, ವಿಟಮಿನ್ ಸಿ ಮತ್ತು ಪೋಲೆಟ್ ಪ್ರಮಾಣವನ್ನು ಸಹ ಅಧಿಕವಾಗಿ ಹೊಂದಿವೆ.
• ಇವುಗಳು ಫ್ರೀ ರಾಡಿಕಲ್ ಹಾನಿಯನ್ನು ತಡೆಯುತ್ತವೆ ಮತ್ತು ಉರಿಯುತವನ್ನು ನಿವಾರಣೆ ಮಾಡುವ ಸಹಜತೆಯನ್ನು ಪಡೆದಿವೆ. ಬಟಾಣಿ ಕಾಳುಗಳಲ್ಲಿ ನೈಸರ್ಗಿಕವಾಗಿ ಕೊಲಾಜಿನ್ ಮತ್ತು ಎಲಾಸ್ಟಿನ್ ಎಂಬ ಎರಡು ಬಗೆಯ ಪ್ರೋಟೀನ್ ಅಂಶಗಳು ಇರಲಿದ್ದು, ಚರ್ಮದ ಆರೋಗ್ಯವನ್ನು ರಕ್ಷಣೆ ಮಾಡುವಲ್ಲಿ ಮತ್ತು ತ್ವಚೆಯ ಸೌಂದರ್ಯವನ್ನು ಕಾಪಾಡುವಲ್ಲಿ ಇವುಗಳು ಪ್ರಮುಖ ಪಾತ್ರ ವಹಿಸುತ್ತವೆ.
ಕೊಲೆಸ್ಟ್ರಾಲ್ ನಿಯಂತ್ರಣ ಮಾಡಬಲ್ಲದು
• ಬಟಾಣಿ ಕಾಳುಗಳಲ್ಲಿ ನಯಸಿನ್ ಎಂಬ ಅಂಶವಿದ್ದು ಇದು ದೇಹದಲ್ಲಿ ಟ್ರೈಗ್ಲಿಸರಾಯ್ಡ್ ಮತ್ತು ಕೆಟ್ಟ ಕೊಲೆಸ್ಟ್ರಾಲ್ ಹೆಚ್ಚಾಗದಂತೆ ನಿಯಂತ್ರಣ ಮಾಡುವಲ್ಲಿ ಕೆಲಸ ಮಾಡುತ್ತದೆ.
• ಇದರಿಂದ ರಕ್ತದ ಒತ್ತಡ ಸಹ ನಿಯಂತ್ರಣವಾಗುತ್ತದೆ ಮತ್ತು ರಕ್ತನಾಳಗಳಲ್ಲಿ ರಕ್ತ ಸಂಚಾರ ಚೆನ್ನಾಗಿ ನಡೆಯುತ್ತದೆ. ಒಬ್ಬ ವ್ಯಕ್ತಿ ದೀರ್ಘವಾಗಿ ಆರೋಗ್ಯಕರವಾಗಿ ಬದುಕಲು ಇದಕ್ಕಿಂತ ಇನ್ನೇನು ಬೇಕು ಅಲ್ಲವೇ?
ಮೂಳೆಗಳಿಗೆ ಅತ್ಯುತ್ತಮ ಆಹಾರಗಳು
ಬಟಾಣಿ ಕಾಳುಗಳಲ್ಲಿ ವಿಟಮಿನ್ ಕೆ ಮತ್ತು ಕ್ಯಾಲ್ಸಿಯಂ ಹೆಚ್ಚಾಗಿದೆ. ಹಾಗಾಗಿ ಮೂಳೆಗಳ ಸಾಂದ್ರತೆ ಯನ್ನು ಹೆಚ್ಚು ಮಾಡುವಲ್ಲಿ ಇವುಗಳ ಪಾತ್ರ ದೊಡ್ಡದು. ವಯಸ್ಸಾದ ಹಾಗೆ ಎದುರಾಗುವ ಮೂಳೆಗಳ ದೌರ್ಬಲ್ಯವನ್ನು ಮತ್ತು ಆಸ್ಟಿಯೋ ಪೋರೋಸಿಸ್ ಸಮಸ್ಯೆಯನ್ನು ಬರದಂತೆ ತಡೆಯುವ ಗುಣ ಬಟಾಣಿ ಕಾಳುಗಳಲ್ಲಿ ಹೇರಳವಾಗಿ ಕಂಡುಬರುತ್ತದೆ.
