ವಾಷಿಂಗ್ಟನ್: 2019 ರಲ್ಲಿ ಹಾಲಿವುಡ್‌ ನಲ್ಲಿ ತೆರಕಂಡ ʼಜೋಕರ್ʼ ಎನ್ನುವ ಸಿನಿಮಾ ದೊಡ್ಡ ಹಿಟ್‌ ಆಗಿತ್ತು. ಇದೀಗ ಈ ಸಿನಿಮಾದ ಸೀಕ್ವೆಲ್‌ ತೆರೆಗೆ ಸಿದ್ದವಾಗಿದೆ. ಪೋಸ್ಟರ್‌ ಮೂಲಕ ʼಜೋಕರ್ -2ʼ ಹೊಸ ಅಪ್ಡೇಟ್‌ ವೊಂದನ್ನು ನೀಡಿದೆ.
ವಾರ್ನರ್ ಬ್ರದರ್ಸ್ ಪ್ರೂಡಕ್ಷನ್‌ ಹೌಸ್ (Warner Bros) ಇತ್ತೀಚೆಗೆ ಟಾಡ್ ಫಿಲಿಪ್ಸ್ ನಿರ್ದೇಶನದ ಹಾಲಿವುಡ್‌ ನ ಬಹುನಿರೀಕ್ಷಿತ ‘ಜೋಕರ್: ಫೋಲಿ ಡ್ಯೂಕ್ಸ್'((Joker: Folie Deux) ಸಿನಿಮಾದ ಮೊದಲ ಪೋಸ್ಟರ್‌ ರಿಲೀಸ್ ಮಾಡಿ, ಟ್ರೇಲರ್‌ ರಿಲೀಸ್ ಡೇಟ್‌ ನ್ನು ರಿವೀಲ್‌ ಮಾಡಿದೆ.
ಮ್ಯೂಸಿಕಲ್ ಸೈಕಲಾಜಿಕಲ್ ಥ್ರಿಲ್ಲರ್ ʼಜೋಕರ್ -2ʼ ನಲ್ಲಿ ಜೋಕ್ವಿನ್ ಫೀನಿಕ್ಸ್ ಜೊತೆ ಲೇಡಿ ಗಾಗಾ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಪೋಸ್ಟರ್‌ನಲ್ಲಿ ಜೋಕ್ವಿನ್‌ನ ಪಾತ್ರವನ್ನು ತೋರಿಸಲಾಗಿದ್ದು, (ಆರ್ಥರ್ ಫ್ಲೆಕ್- ಜೋಕರ್) ಹಾರ್ಲೆ ಕ್ವಿನ್(ಲೇಡಿ ಗಾಗಾ) ಪಾತ್ರವನ್ನು ನೃತ್ಯದ ಭಂಗಿಯಲ್ಲಿ ತೋರಿಸಲಾಗಿದೆ.
ಇದೇ ಏಪ್ರಿಲ್‌ 9 ರಂದು ಸಿನಿಮಾದ ಟ್ರೇಲರ್‌ ರಿಲೀಸ್ ಆಗಲಿದೆ ಎಂದು ಚಿತ್ರತಂಡ ಹೇಳಿದೆ. ‘ಜೋಕರ್ 2’ ಅಕ್ಟೋಬರ್ 4, 2024 ರಂದು ತೆರೆ ಕಾಣಲಿದೆ.
ಸಿನಿಮಾದಲ್ಲಿ ಜೋಕ್ವಿನ್ ಫೀನಿಕ್ಸ್, ಲೇಡಿ ಗಾಗಾ,ಝಾಜಿ ಬೀಟ್ಜ್, ಕ್ಯಾಥರೀನ್ ಕೀನರ್ ,ಬ್ರೆಂಡನ್ ಗ್ಲೀ ಮುಂತಾದವರು ಕಾಣಿಸಿಕೊಳ್ಳಲಿದ್ದಾರೆ.
