ಮೈಸೂರು(Mysuru) : ನಂಜನಗೂಡಿನ ನಂಜುಂಡೇಶ್ವರ ದೇವಾಲಯದ ಹುಂಡಿ ಎಣಿಕೆ ಕಾರ್ಯ ಶುಕ್ರವಾರ ಬೆಳಗ್ಗೆಯಿಂದ ರಾತ್ರಿ 11ರವರೆಗೆ ನಡೆದಿದ್ದು, ದೇವಸ್ಥಾನದ 22 ಹುಂಡಿಗಳನ್ನು ಏಣಿಕೆ ಮಾಡಲಾಗಿದೆ.
ಕೇವಲ 2 ತಿಂಗಳಲ್ಲಿ ಹುಂಡಿಯಲ್ಲಿ 2,49,07,052 ರೂ. ಕಾಣಿಕೆ ಸಂಗ್ರಹವಾಗಿದೆ. 220ಗ್ರಾಂ ಚಿನ್ನ, 6.50 ಕೆಜಿ ಬೆಳ್ಳಿ, 111 ವಿದೇಶಿ ಕರೆನ್ಸಿಗಳು ಹಾಗೂ ನಿಷೇಧಿತ 1000 ರೂ. ಮುಖಬೆಲೆಯ 12 ನೋಟುಗಳು, 500 ರೂ. ಮುಖಬೆಲೆಯ 58 ನೋಟುಗಳು ಸೇರಿದಂತೆ ಒಟ್ಟಾರೆ ನಿಷೇಧಿತ ನೋಟುಗಳಿಂದ 41,000 ರೂ.ಸಿಕ್ಕಿದೆ.
ಕೊರೊನಾ ಅಲೆ ಕಡಿಮೆಯಾಗಿರುವುದರಿಂದ ಭಕ್ತಾದಿಗಳ ಸಂಖ್ಯೆ ದಿನೇದಿನೆ ಹೆಚ್ಚಾಗುತ್ತಿದೆ. ಎರಡು ತಿಂಗಳ ಹಿಂದೆ ಹುಂಡಿ ಏಣಿಕೆ ಮಾಡಿದಾಗ 2 ಕೋಟಿ ರೂಪಾಯಿಗೂ ಅಧಿಕ ಹಣ ಸಂಗ್ರಹವಾಗಿತ್ತು.
