ಮನೆ ದಾಂಪತ್ಯ ಸುಧಾರಣೆ ಆದರ್ಶ ಪತಿಯಾಗಬೇಕಾದರೆ ಅಭ್ಯಾಸಗಳಿಗೆ ಕಡಿವಾಣ ಹಾಕಿ

ಆದರ್ಶ ಪತಿಯಾಗಬೇಕಾದರೆ ಅಭ್ಯಾಸಗಳಿಗೆ ಕಡಿವಾಣ ಹಾಕಿ

November 5, 2022

ಪ್ರತಿಯೊಬ್ಬ ವ್ಯಕ್ತಿಯು ಪರಿಪೂರ್ಣ ಸಂಬಂಧದ ಬಗ್ಗೆ ತನ್ನದೇ ಆದ ಕಲ್ಪನೆಯನ್ನು ಹೊಂದಿರುತ್ತಾರೆ. ಪುರುಷರು ತಾವು ಆದರ್ಶ ಪತಿ ಅನಿಸಿಕೊಳ್ಳಬೇಕಾದರೆ ತಮ್ಮ ಸಂಗಾತಿಯ ಜೊತೆಗೆನ ನಡವಳಿಕೆಯಲ್ಲಿ ಕೆಲವೊಂದು ಬದಲಾವಣೆಗಳನ್ನು ತರಬೇಕು. ಆಗ ಮಾತ್ರ ಹೆಂಡತಿಗೆ ತಕ್ಕ ಗಂಡನಾಗಲು ಸಾಧ್ಯ.

ಕೆಲವೊಂದು ವಿಷ್ಯಗಳನ್ನು ಗಮನದಲ್ಲಿಡಬೇಕು

ಪುರುಷರು ಪರಿಪೂರ್ಣ ಸಂಗಾತಿಯಾಗಲು ಬಯಸಿದಾಗ ಕೆಲವೊಂದು ವಿಷ್ಯಗಳ ಕಡೆಗೆ ಗಮನಹರಿಸಬೇಕಾಗುತ್ತದೆ. ಸಂಬಂಧದಲ್ಲಿರುವ ಪುರುಷರು ತಮ್ಮ ಸ್ತ್ರೀ ಸಂಗಾತಿಯನ್ನು ಗೌರವಿಸಲು ಮತ್ತು ಅವರ ಸಂಬಂಧವನ್ನು ಸಂತೋಷದಿಂದ ಮತ್ತು ಉತ್ತಮವಾಗಿ ಇರಿಸಿಕೊಳ್ಳಲು ಏನು ಮಾಡಬೇಕು?

ಹೆಚ್ಚಿನ ಸಂಬಂಧಗಳಲ್ಲಿ, ಪುರುಷರು ತಮ್ಮ ಗೆಳತಿಯರನ್ನು ತಮ್ಮ ಕುಟುಂಬವೆಂದು ಪರಿಗಣಿಸುತ್ತಾರೆ ಮತ್ತು ಅವರ ಜೀವನದಲ್ಲಿ ಹಸ್ತಕ್ಷೇಪ ಮಾಡಲು ಪ್ರಾರಂಭಿಸುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ ಭಾರತೀಯ ಪುರುಷರು ಆದರ್ಶ ಪ್ರೇಮಿಯಾಗಲು ಏನನ್ನು ಮಾಡಬಾರದು ಎನ್ನುವುದನ್ನು ತಿಳಿಯೋಣ.

‘ಬಿಗ್ ಬ್ರದರ್’ ನಂತೆ ವರ್ತಿಸುವುದನ್ನು ನಿಲ್ಲಿಸಿ

ಹೆಣ್ಣು ಮಕ್ಕಳಿಗೆ ರಕ್ಷಣೆ ಬೇಕು ಎನ್ನುವುದು ನಿಜ. ಬಹಳಷ್ಟು ಪುರುಷರು ತನ್ನ ಗೆಳತಿಯನ್ನು ‘ರಕ್ಷಿಸುವ’ ಜವಾಬ್ದಾರಿಯನ್ನು ಹೊತ್ತುಕೊಂಡು ಬಹುತೇಕ ‘ದೊಡ್ಡಣ್ಣ’ನಂತೆಯೇ ವರ್ತಿಸುತ್ತಾರೆ. ಮಹಿಳೆಯರಿಗೆ ಸುರಕ್ಷತೆಯ ಅಗತ್ಯವಿದೆ ನಿಜ. ಆದರೆ ಹುಡುಗಿಯರು ತಮ್ಮನ್ನು ತಾವು ನೋಡಿಕೊಳ್ಳಬಲ್ಲರು. ಪ್ರತಿಯೊಂದು ವಿಷಯಕ್ಕೂ ಅವರ ಸುತ್ತಲೂ ಸುತ್ತುವ ಮತ್ತು ಅವರ ಸುರಕ್ಷತೆಯ ಕುರಿತು ಆದೇಶಗಳನ್ನು ನೀಡುವ ಯಾರೊಬ್ಬರ ಅಗತ್ಯವಿಲ್ಲ.

ಆಕೆಯ ಪರವಾಗಿ ನಿರ್ಣಯಿಸುವುದನ್ನು ನಿಲ್ಲಿಸಿ

ಕುಟುಂಬದಲ್ಲಿ ನಿರ್ಧಾರ ತೆಗೆದುಕೊಳ್ಳುವ ವಿಷಯಕ್ಕೆ ಬಂದಾಗ, ಅದು ಯಾವಾಗಲೂ ಕುಟುಂಬದ ಮುಖ್ಯಸ್ಥ, ಅಂದರೆ ತಂದೆ, ಕುಟುಂಬವನ್ನು ಮುನ್ನಡೆಸುತ್ತಾನೆ. ಅದೇ ರೀತಿ ಸಂಬಂಧದಲ್ಲಿ, ಬಹಳಷ್ಟು ಪುರುಷರು ತಮ್ಮ ಗೆಳತಿಯರು ಪ್ರಮುಖ ನಿರ್ಧಾರವನ್ನು ತೆಗೆದುಕೊಳ್ಳಬೇಕಾದಾಗ ಅವರಿಗೆ ಮಾರ್ಗದರ್ಶನ ನೀಡಬೇಕು ಎಂದು ನಂಬುತ್ತಾರೆ.

ಆದರೆ ಕೆಲವು ಹುಡುಗರು ತಮ್ಮ ಗೆಳತಿಗೆ ಏನು ಮಾಡಬೇಕು ಅಥವಾ ಏನು ಮಾಡಬಾರದು ಎಂಬುವುದನ್ನು ತಾವೇ ನಿರ್ಧರಿಸುತ್ತಾರೆ. ದಯವಿಟ್ಟು ನಿಮ್ಮ ಗೆಳತಿಯನ್ನು ಅಸಹಾಯಕ ಮಗುವಿನಂತೆ ನಡೆಸಿಕೊಳ್ಳುವುದನ್ನು ನಿಲ್ಲಿಸಿ. ಅವರೇ ತನ್ನ ಸ್ವಂತ ನಿರ್ಧಾರಗಳನ್ನು ತೆಗೆದುಕೊಳ್ಳಲಿ.

ಅವಳ ಪ್ರತಿಯೊಂದು ನಡೆಯನ್ನು ನಿಗಾ ಇಡುವುದನ್ನು ನಿಲ್ಲಿಸಿ

ಅನೇಕ ಪುರುಷರು ತಮ್ಮ ಗೆಳತಿಯು ಅವಳು ಮಾಡುವ ಪ್ರತಿಯೊಂದು ನಡೆಯ ಬಗ್ಗೆ ಅಪ್ಡೇಟ್ ಆಗಿರಬೇಕೆಂದು ನಿರೀಕ್ಷಿಸುವುದರಲ್ಲಿ ಆಶ್ಚರ್ಯವೇನಿಲ್ಲ. ಅವಳು ಆಫೀಸ್ನಿಂದ ಹೊರಡುವಾಗ, ಅವಳು ಭೇಟಿಯಾಗುವ ಜನರು, ಅವಳು ಮನೆಗೆ ತಲುಪುವುದು ಇತ್ಯಾದಿಗಳ ಬಗ್ಗೆ ತಮಗೆ ತಿಳಿಸಬೇಕೆಂದು ಬಯಸುತ್ತಾರೆ.

ದಯವಿಟ್ಟು ಇದನ್ನೆಲ್ಲಾ ಮಾಡುವುದನ್ನು ನಿಲ್ಲಿಸಿ. ಏಕೆಂದರೆ ಯಾರೂ ನಿರಂತರವಾಗಿ ಕಣ್ಗಾವಲಿನಲ್ಲಿರಲು ಇಷ್ಟಪಡುವುದಿಲ್ಲ. ನಿಮ್ಮ ಗೆಳತಿಗೆ ತನ್ನ ಸಮಯವನ್ನು ತನಗೆ ಬೇಕಾದಂತೆ ಬಳಸಲು ಆಕೆಗೆ ಸ್ವಾತಂತ್ರ್ಯವನ್ನು ನೀಡಿ.

ನಿಮ್ಮ ಸ್ನೇಹಿತರ ಮುಂದೆ ಪ್ರದರ್ಶಿಸುವುದನ್ನು ನಿಲ್ಲಿಸಿ

ಬಹಳಷ್ಟು ಪುರುಷರು ತಮ್ಮ ಸ್ನೇಹಿತರ ಮುಂದೆ ತಮ್ಮ ಸಂಬಂಧದ ಬಗ್ಗೆ ಸಾಕಷ್ಟು ಜಂಬಕೊಚ್ಚಿಕೊಳ್ಳುವ ಅಭ್ಯಾಸವನ್ನು ಹೊಂದಿರುತ್ತಾರೆ. ಅವರು ತಮ್ಮ ಗೆಳತಿಯನ್ನು ಟ್ರೋಫಿಯಂತೆ ಪರಿಗಣಿಸುತ್ತಾರೆ ಮತ್ತು ಅವಳು ಎಷ್ಟು ಅದ್ಭುತ ಎಂದು ಹೇಳಲು ಯಾವುದೇ ಅವಕಾಶವನ್ನು ಬಿಡುವುದಿಲ್ಲ. ಆದರೆ ಒಬ್ಬ ವ್ಯಕ್ತಿ ಇದನ್ನು ಸತತವಾಗಿ ಮಾಡಿದರೆ, ಅದು ಅವನ ಗೆಳತಿಗೆ ಅನಾನುಕೂಲ ಮತ್ತು ಕಿರಿಕಿರಿಯನ್ನು ಉಂಟುಮಾಡುತ್ತದೆ.

ವೈಯಕ್ತಿಕ ವಿಷಯಕ್ಕೆ ಮೂಗು ತೂರಿಸಬೇಡಿ

ನಾವು ವೈಯಕ್ತಿಕ ವಿಷ್ಯದ ಬಗ್ಗೆ ಮಾತನಾಡುವಾಗ ಕೆಲವು ಹುಡುಗಿಯರು ತಮ್ಮ ಫೋನ್ ಅಥವಾ ಸಾಮಾಜಿಕ ಮಾಧ್ಯಮ ಖಾತೆಯ ಪಾಸ್ವರ್ಡ್ಗಳನ್ನು ಇತರರಿಗೆ ಹಂಚಿಕೊಳ್ಳಲು ಇಷ್ಟಪಡುವುದಿಲ್ಲ. “ನಿಮ್ಮ ವಸ್ತುಗಳು ನನ್ನದಲ್ಲ ಅಥವಾ ನನ್ನ ವಸ್ತುಗಳು ನಿಮ್ಮದಲ್ಲ” ಎಂಬ ಕಾರಣಕ್ಕಾಗಿ ಹಂಚಿಕೊಳ್ಳಲು ಇಷ್ಟಪಡುವುದಿಲ್ಲ. ಆದರೆ ಅವಳು ಹಂಚಿಕೊಳ್ಳಲು ಇಷ್ಟಪಡದ ಕೆಲವು ವಿಷಯಗಳಿರುತ್ತವೆ. ಹಾಗಂದ ಮಾತ್ರಕ್ಕೆ ಅವಳು ನಿಮ್ಮಿಂದ ಏನನ್ನಾದರೂ ಮರೆಮಾಡುತ್ತಿದ್ದಾಳೆ ಎಂದು ಅರ್ಥವಲ್ಲ .