ಊಟದ ಜೊತೆ ಉಪ್ಪಿನಕಾಯಿ ಇದ್ರೇನೆ ಚೆಂದ. ಉಪ್ಪಿನ ಕಾಯಿಯಲ್ಲಿ ನಿಂಬೆ, ಮಾವಿನಮಿಡಿ ಉಪ್ಪಿನಕಾಯಿ, ಮಿಶ್ರ ಉಪ್ಪಿನಕಾಯಿ ಹೀಗೆ ಅನೇಕ ಬಗೆಯ ಉಪ್ಪಿನಕಾಯಿಗಳನ್ನು ತಯಾರಿಸಬಹುದು. ಆದರೆ ಡಿಫರೆಂಟ್ ಆಗಿ ನಾವಿಂದು ಈರುಳ್ಳಿ ಉಪ್ಪಿನಕಾಯಿ ಮನೆಯಲ್ಲೇ ಮಾಡಿ ಬಾಯಿ ಚಪ್ಪರಿಸಿ.
ಬೇಕಾಗುವ ಸಾಮಗ್ರಿಗಳು – ಕೆಜಿ ಈರುಳ್ಳಿ- ಅರ್ಧ ಕೆಜಿ, ಬೆಳ್ಳುಳ್ಳಿ – 100 ಗ್ರಾಂ, ಹಸಿಮೆಣಸಿನ ಕಾಯಿ 4-5, ಮೆಣಸಿನ ಪುಡಿ -2 ಚಮಚ, ಅಡುಗೆ ಎಣ್ಣೆ- ಅರ್ಧ ಕಪ್, ಹುಣಸೆಹಣ್ಣಿನ ರಸ -2 ಚಮಚ, ಬೆಲ್ಲ -ಸ್ವಲ್ಪ, ಬೇವಿನ ಎಲೆ – ಸ್ವಲ್ಪ, ರುಚಿಗೆ ತಕ್ಕ ಉಪ್ಪು
ಮಾಡುವ ವಿಧಾನ – ಈರುಳ್ಳಿ, ಹಸಿಮೆಣಸಿ ಕಾಯಿಯನ್ನು ಕತ್ತರಿಸಬೇಕು.ಬೆಳ್ಳುಳ್ಳಿಯನ್ನು ಸಿಪ್ಪೆ ಸುಲಿದು ಇಡಿ. ಅಡುಗೆ ಎಣ್ಣೆಯನ್ನು ಬಿಸಿ ಮಾಡಿ ಅದಕ್ಕೆ ಮೇಲಿನ ಮಿಶ್ರಣವನ್ನು ಹಾಕಿ ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.
ಈಗ ಕಡಿಮೆ ಉರಿ ಮಾಡಿ ಅದಕ್ಕೆ ಮೆಣಸಿನ ಪುಡಿ, ಉಪ್ಪು, ಹುಣಸೆ ಹಣ್ಣಿನ ರಸ, ಬೆಲ್ಲ ಹಾಕಿ ಸ್ವಲ್ಪ ಹೊತ್ತು ಸೌಟ್ ನಿಂದ ತಿರುಗಿಸುತ್ತಾ ಇರಬೇಕು. ಉಳಿದ ಅಡುಗೆ ಎಣ್ಣೆಯನ್ನು ಬಿಸಿ ಮಾಡಿ ಈ ಮಿಶ್ರಣದ ಮೇಲೆ ಸುರಿಯಿರಿ. ಈಗ ರುಚಿಯಾದ ಈರುಳ್ಳಿ ಉಪ್ಪಿನ ಕಾಯಿ ಸವಿಯಲು ಸಿದ್ಧವಾಗುತ್ತದೆ.
