ಮಂಡ್ಯ: ಶಾಲಾ ಕಾವಲುಗಾರರನ್ನು ಬೆದರಿಸಿ ಆವರಣದಲ್ಲಿ ಐದು ಗಂಧದ ಮರಗಳನ್ನು ಕಳವು ಮಾಡಿದ ಘಟನೆ ಜಿಲ್ಲೆಯ ಚಾಮುಂಡೇಶ್ವರಿ ನಗರದ 22 ಸೆಕೆಂಡ್ ಸೆಂಚುರಿ ಪಬ್ಲಿಕ್ ಶಾಲೆಯಲ್ಲಿ ನಡೆದಿದೆ.
ಶಾಲೆಯ ಆವರಣದಲ್ಲಿ ಗಂಧದ ಮರಗಳನ್ನು ಆಡಳಿತ ಮಂಡಳಿ ಬೆಳೆಸಿತ್ತು. ತಡರಾತ್ರಿ ಶಾಲೆಗೆ ಲಗ್ಗೆ ಇಟ್ಟ 5 ರಿಂದ 6 ಜನ ಕಳ್ಳರು ಶಾಲಾ ಕಾವಲುಗಾರರನ್ನು ಬೆದರಿಸಿ ಗಂಧದ ಮರಗಳನ್ನು ತುಂಡರಿಸಿ ಕದ್ದೊಯ್ದಿದ್ದಾರೆ.
ಸುಮಾರು 10 ವರ್ಷ ವಯಸ್ಸಿನ 5 ಮರಗಳ ಕಳವಿನ ಬಗ್ಗೆ ಮಂಡ್ಯದ ಪಶ್ಚಿಮ ಠಾಣಾ ಪೊಲೀಸರಿಗೆ ದೂರು ನೀಡಲಾಗಿದೆ.
