ಗೋಮೂತ್ರದಲ್ಲಿ ಔಷಧೀಯ ಗುಣಗಳು ಅಡಗಿದೆ

August 27, 2022

ಮನುಷ್ಯನಿಗೆ ಆರೋಗ್ಯದ ವಿಚಾರದಲ್ಲಿ ಯಾವುದರಿಂದ ಯಾವ ಸಮಯದಲ್ಲಿ ಸಹಾಯ ಆಗುತ್ತದೆ ಎಂದು ಊಹಿಸಲು ಕೂಡ ಸಾಧ್ಯವಿಲ್ಲ. ನಾವು ಬೇಡ ಇದು ನಿಷ್ಪ್ರಯೋಜಕ ಎಂದು ಬಿಟ್ಟಂತಹ ಬಹುತೇಕ ವಸ್ತುಗಳಿಂದ ನಮಗೆ ನಮ್ಮ ಊಹೆಗೂ ಮೀರಿ ಲಾಭಗಳು ಸಿಗುತ್ತವೆ. ಆದರೆ ನಾವೇ ನಿರ್ಲಕ್ಷತೆಯಿಂದ ಅಂತಹ ವಸ್ತುಗಳನ್ನು ಕಡೆಗಣಿಸುತ್ತೇವೆ.

ಈ ಲೇಖನದಲ್ಲಿ ನಾವು ಮಾತನಾಡಲು ಹೊರಟಿರುವುದು ಹಸುವಿನ ಗಂಜಲ ಅಥವಾ ಗೋ ಮೂತ್ರದ ಬಗ್ಗೆ. ಇದನ್ನು ಕೇವಲ ಗೃಹಪ್ರವೇಶದ ಸಂದರ್ಭದಲ್ಲಿ ಮನೆ ಸ್ವಚ್ಛ ಮಾಡಲು ಬಳಸುತ್ತಾರೆ. ನಮಗೆಲ್ಲ ಗೊತ್ತಿರುವುದು ಇಷ್ಟೆ. ಆದರೆ ಆರೋಗ್ಯದ ವಿಚಾರದಲ್ಲಿ ಇದರ ಚಮತ್ಕಾರ ಈ ಕೆಳಗಿನಂತಿದೆ….

ಇದು ಆಂಟಿ ಮೈಕ್ರೋಬಿಯಲ್

ಕೆಲವೊಂದು ರಾಸಾಯನಿಕ ಅಂಶಗಳು ಹಸುವಿನ ಗಂಜಲದಲ್ಲಿ ಇರುವುದರಿಂದ ಇದನ್ನು ಆಂಟಿ ಮೈಕ್ರೋಬಿಯಲ್ ಎಂದು ಕರೆಯಬಹುದು.

ಏಕೆಂದರೆ ಗಂಜಲದಲ್ಲಿ ಕ್ರಿಯಾಟಿನೈನ್, ಕಾರ್ಬೋಲಿಕ್ ಆಮ್ಲ, ಫಿನಾಲ್, ಕ್ಯಾಲ್ಸಿಯಂ ಮತ್ತು ಮ್ಯಾಂಗನೀಸ್ ಇರುವುದರಿಂದ ಇದು ಸೂಕ್ಷ್ಮಾಣುಗಳ ವಿರೋಧಿಯಾಗಿ ಕೆಲಸ ಮಾಡುತ್ತದೆ. ದೇಹದಲ್ಲಿ ಪ್ರಲಾಪ ತೋರುವ ಟೈಫಾಯ್ಡ್ ಮತ್ತು ಇನ್ನಿತರ ಸೂಕ್ಷ್ಮಾಣುಗಳ ತೊಂದರೆಯಿಂದ ಇದು ರಕ್ಷಣೆ ಮಾಡುತ್ತದೆ.

ಆಂಟಿಬಯೋಟಿಕ್ ಪ್ರತಿರೋಧತೆಯನ್ನು ತಡೆಯುತ್ತದೆ

ನಮ್ಮ ದೇಹದಲ್ಲಿ ಕೆಲವೊಂದು ಬ್ಯಾಕ್ಟೀರಿಯಗಳು ಎಂಟ್ರಿ ಕೊಟ್ಟ ಮೇಲೆ ನಾವು ತೆಗೆದುಕೊಳ್ಳುವ ಔಷಧಿಗಳಿಗೆ ಅವು ಪ್ರತಿರೋಧ ಒಡ್ಡುತ್ತವೆ. ಅಂದರೆ ನಾವು ತೆಗೆದುಕೊಳ್ಳುವ ಔಷಧಿಗಳು ಅವುಗಳ ಮೇಲೆ ಕೆಲಸ ಮಾಡುವುದಿಲ್ಲ.

ಇಂತಹ ಸಂದರ್ಭದಲ್ಲಿ ಹಸುವಿನ ಗಂಜಲ ಸೂಕ್ಷ್ಮಾಣುಗಳ ಪ್ರತಿರೋಧತೆಯನ್ನು ಸುಲಭವಾಗಿ ಹೋಗಲಾಡಿ ಸುತ್ತದೆ ಮತ್ತು ಔಷಧಿಗಳ ಪ್ರಭಾವ ಅವುಗಳ ಮೇಲೆ ಆಗಿ ಅವು ನಾಶವಾಗುವಂತೆ ಮಾಡುತ್ತದೆ.

ಗಂಜಲ ಅಥವಾ ಗೋಮೂತ್ರ ಫಂಗಸ್ ವಿರೋಧಿ

ನಿಮಗೆ ನಿಂಬೆಹಣ್ಣಿನ ರಸ ಮತ್ತು ಬೇವಿನ ರಸಗಳ ಪ್ರಭಾವಗಳ ಬಗ್ಗೆ ಗೊತ್ತಿರಬಹುದು. ಇವುಗಳನ್ನು ಆಯುರ್ವೇದ ಪದ್ಧತಿಯಲ್ಲಿ ತಲೆ ಹೊಟ್ಟು ಸಮಸ್ಯೆಯ ವಿರುದ್ಧ ಬಳಸುತ್ತಾರೆ.

ನೆತ್ತಿಯ ಭಾಗದಲ್ಲಿ ಉಂಟಾಗುವ ಫಂಗಸ್ ಸೋಂಕನ್ನು ತಡೆಯಲು ಗಂಜಲ ಬೇವು ಮತ್ತು ನಿಂಬೆಗಿಂತ ಶಕ್ತಿ ಶಾಲಿಯಾಗಿ ಮತ್ತು ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಆದರೆ ತುಂಬಾ ಜನರಿಗೆ ಈ ವಿಚಾರ ಗೊತ್ತಿಲ್ಲ.

ಇದು ಒಳ್ಳೆಯ ಆಂಟಿಸೆಪ್ಟಿಕ್

ನಿಮಗೆ ಚರ್ಮದ ಮೇಲೆ ಎಲ್ಲಾದರೂ ಗಾಯಗಳು ಉಂಟಾಗಿದ್ದರೆ, ಅದಕ್ಕೆ ಸುಲಭ ಪರಿಹಾರ ವಾಗಿ ನೀವು ಗಂಜಲವನ್ನು ಔಷಧಿಯ ಹಾಗೆ ಬಳಸಬಹುದು.

ಇದು ಬಹಳ ಬೇಗನೆ ಗಾಯವನ್ನು ವಾಸಿ ಮಾಡುತ್ತದೆ ಮತ್ತು ಇದರಿಂದ ಯಾವುದೇ ಅಡ್ಡ ಪರಿಣಾಮಗಳು ಉಂಟಾಗುವುದಿಲ್ಲ. ಬೇಕಿದ್ದರೆ ಒಮ್ಮೆ ಟ್ರೈ ಮಾಡಿ ನೋಡಬಹುದು.

ಜಂತುಹುಳುಗಳಿಗೆ ರಾಮಬಾಣ

ಮನುಷ್ಯನ ದೇಹದಲ್ಲಿ ಜಂತುಹುಳುಗಳು ಸೇರಿದಂತೆ ಇನ್ನಿತರ ದೊಡ್ಡ ಪ್ರಮಾಣದ ಹುಳುಗಳು ವಾಸ ವಾಗಿರುತ್ತವೆ. ಆದರೆ ಅವು ನಮ್ಮ ಅರಿವಿಗೆ ಬರುವುದಿಲ್ಲ.

ನಾವು ಸೇವಿಸುವ ಆಹಾರದಲ್ಲಿ ಇರುವಂತಹ ಪೌಷ್ಟಿಕ ಸತ್ವಗಳನ್ನು ಹೀರಿಕೊಳ್ಳುತ್ತವೆ ಮತ್ತು ನಮಗೆ ಹೊಟ್ಟೆ ನೋವು, ಬೇಧಿ ತರಹದ ಸಮಸ್ಯೆಗಳನ್ನು ತಂದುಕೊಡುತ್ತವೆ. ಇಂತಹ ಸಮಸ್ಯೆ ಒಂದು ವೇಳೆ ನಿಮ್ಮಲ್ಲೂ ಇದ್ದರೆ 2 ಟೇಬಲ್ ಚಮಚ ಹಸುವಿನ ಗಂಜಲ ಕುಡಿದರೆ ಅತ್ಯಂತ ಪರಿಣಾಮಕಾರಿಯಾಗಿ ಪರಿಹಾರವಾಗುತ್ತದೆ.

ಸೇವಿಸಿದ ಆಹಾರದ ಒಳ್ಳೆಯ ಪ್ರಭಾವ ಹೆಚ್ಚುತ್ತದೆ

ನೀವು ಯಾವುದೇ ಆಹಾರ ಸೇವನೆ ಮಾಡಿದರೂ, ಅದರಿಂದ ನಿಮಗೆ ಎಷ್ಟು ಪ್ರಮಾಣದಲ್ಲಿ ಪೌಷ್ಟಿಕ ಸತ್ವಗಳು ಸಿಗಬೇಕು ಅಥವಾ ಅದರಿಂದ ಆರೋಗ್ಯದ ಲಾಭಗಳು ಸಿಗಬೇಕು ಅದು ಸಾಮಾನ್ಯವಾಗಿ ಪೂರ್ತಿ ಪ್ರಮಾಣದಲ್ಲಿ ಸಿಗುವುದಿಲ್ಲ ಎಂದು ನಂಬಲಾಗಿದೆ.

ಇದಕ್ಕೆ ಬೇರೆ ಬೇರೆ ಕಾರಣಗಳು ಸಹ ಇರಬಹುದು. ಆದರೆ ಹಸುವಿನ ಗಂಜಲ ಇದಕ್ಕೆಲ್ಲ ಒಂದು ಒಳ್ಳೆಯ ಪರಿಹಾರ ಕೊಡುತ್ತದೆ. ನಿಮ್ಮ ದೇಹದ ರೋಗ ನಿರೋಧಕ ಶಕ್ತಿ ಕೂಡ ಇದರಿಂದ ಹೆಚ್ಚುತ್ತದೆ.

ಆಂಟಿ ಕ್ಯಾನ್ಸರ್ ಗುಣಲಕ್ಷಣಗಳು ಹೆಚ್ಚಿವೆ

ಹಸುವಿನ ಗಂಜಲದಲ್ಲಿ ಆಂಟಿಆಕ್ಸಿಡೆಂಟ್ ಅಂಶಗಳು ಹೆಚ್ಚಾಗಿದೆ. ಇದು ನಿಮ್ಮ ದೇಹದ ಫ್ರೀ ರಾಡಿಕಲ್ ಅಂಶಗಳನ್ನು ಹೋಗಲಾಡಿಸುವ ಜೊತೆಗೆ ಆಕ್ಸಿಡೇಟಿವ್ ಒತ್ತಡವನ್ನು ನಿವಾರಣೆ ಮಾಡುತ್ತದೆ.

ಇದರಿಂದ ಸಹಜವಾಗಿ ಇದರಲ್ಲಿ ಕ್ಯಾನ್ಸರ್ ವಿರೋಧಿ ಗುಣ ಲಕ್ಷಣಗಳು ಕಂಡುಬರುತ್ತವೆ. ಸಂಪೂರ್ಣವಾಗಿ ಅಲ್ಲದಿದ್ದರೂ ತಾತ್ಕಾಲಿಕವಾಗಿ ಕ್ಯಾನ್ಸರ್ ಹೆಚ್ಚಾಗದಂತೆ ತಡೆಯುತ್ತದೆ.

ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ

ಹಸುವಿನ ಗಂಜಲದಲ್ಲಿ ಇರುವಂತಹ ಕೆಲವೊಂದು ಗಿಡಮೂಲಿಕೆಗಳ ಪ್ರಭಾವಗಳಿಂದ ಮತ್ತು ಖನಿಜಾಂಶಗಳಿಂದ ರೋಗನಿರೋಧಕ ಶಕ್ತಿ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ ಮತ್ತು ದೇಹ ಸೋಂಕಿನ ವಿರುದ್ಧ ಹೋರಾಡುವ ಪ್ರಭಾವ ಹೆಚ್ಚಾಗುತ್ತದೆ.

ಗಮನಿಸಬೇಕಾದ ಅಂಶ

ಒಂದು ವೇಳೆ ನಿಮಗೆ ರಕ್ತದೊತ್ತಡ ಮತ್ತು ಮಧುಮೇಹ ಈ ರೀತಿಯ ದೀರ್ಘಕಾಲ ಕಾಡುವ ಆರೋಗ್ಯ ತೊಂದರೆಗಳು ಇದ್ದರೆ ಹಸುವಿನ ಗಂಜಲವನ್ನು ನಿಮ್ಮ ದಿನನಿತ್ಯದ ಪದ್ಧತಿಯಲ್ಲಿ ಸೇರಿಸಿಕೊಳ್ಳುವ ಮುಂಚೆ ಯಾವುದಕ್ಕೂ ಒಮ್ಮೆ ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು.