ಯಾವುದೇ ಹುಡುಗ ಅಥವಾ ಹುಡುಗಿಯನ್ನು ಪ್ರೀತಿಯಲ್ಲಿ ಬೀಳೋದು ಅಷ್ಟೊಂದು ಸುಲಭದ ಕೆಲಸವಲ್ಲ. ಅದರಲ್ಲೂ ಹುಡುಗರು ಹುಡುಗಿಯರನ್ನು ತಮ್ಮ ಪ್ರೀತಿಯನ್ನು ಒಪ್ಪುವಂತೆ ಮಾಡಲು ತುಂಬಾನೇ ಕಷ್ಟಪಡಬೇಕಾಗುತ್ತದೆ. ಅದರಲ್ಲೂ ಕೆಲವೊಂದು ಸುಳ್ಳುಗಳನ್ನು ಹೇಳುತ್ತಾರೆ. ಆ ಸುಳ್ಳುಗಳು ಯಾವುವು ಅನ್ನೋದನ್ನು ನಾವಿಲ್ಲಿ ನೋಡೊಣ.
ನಾನು ಇನ್ನೂ ಸಿಂಗಲ್
ಸಂಬಂಧದಲ್ಲಿರುವಾಗ, ಪುರುಷರು ಇನ್ನೊಬ್ಬ ಮಹಿಳೆಯತ್ತ ಆಕರ್ಷಿತರಾದಾಗ, ಅವರು ಅವಳಿಗೆ ಸುಳ್ಳು ಹೇಳುವುದು ಸಾಮಾನ್ಯವಾಗಿ ನಿಮಗೆಲ್ಲರಿಗೂ ಗೊತ್ತೇ ಇರುತ್ತದೆ. ಅಂತಹ ಸುಳ್ಳುಗಳಲ್ಲಿ ಮೊದಲನೆಯದ್ದು, ನಾನು ಇನ್ನೂ ಸಿಂಗಲ್, ಅಥವಾ ನನಗೆ ಯಾವುದೇ ಗರ್ಲ್’ಫ್ರೆಂಡ್ ಇಲ್ಲ ಎಂದು ಸುಳ್ಳು ಹೇಳುತ್ತಾರೆ.
ಯಾಕೆಂದರೆ ಗರ್ಲ್ಫ್ರೆಂಡ್ ಇದ್ದಾಳೆ ಎಂದು ಗೊತ್ತಾರೆ ಈಕೆ ತನ್ನಲ್ಲಿ ಮಾತನಾಡೋದಿಲ್ಲವೋ, ನನಗೆ ಮಹತ್ವ ನೀಡೋದಿಲ್ಲವೋ ಎನ್ನುವ ಕಾರಣಕ್ಕೆ ಹೀಗೆ ಹೇಳುತ್ತಾರೆ.
ನಾನು ಅವಳನ್ನು ನೋಡುತ್ತಿರಲಿಲ್ಲ
ಈ ಅಭ್ಯಾಸ ಹೆಚ್ಚಿನ ಪುರುಷರಿಗೆ ಇದೆ. ಪುರುಷರು ತಮ್ಮ ಗರ್ಲ್ಫ್ರೆಂಡ್ ಜೊತೆ ಕೂತಿರುವಾಗ, ಅದು ಪಾರ್ಕ್ ಆಗಿರಬಹುದು, ಬೀಚ್ ಆಗಿರಬಹುದು ಅಥವಾ ಇನ್ಯಾವುದೋ ಸ್ಥಳ ಆಗಿರಲೂ ಬಹುದು. ಇಬ್ಬರೂ ಜೊತೆಯಾಗಿ ಕುಳಿತಿರುವಾಗ ಇನ್ಯಾವುದೋ ಹುಡುಗಿ ಎದುರಿನಲ್ಲಿ ಹೋದಾಗ ಪುರುಷರು ಆಕೆಯನ್ನು ನೋಡುತ್ತಿರುತ್ತಾರೆ.
ಅದೇ ಆತ ಅಕೆಯನ್ನು ನೋಡುವುದು ಗರ್ಲ್’ಫ್ರೆಂಡ್ ಗಮನಕ್ಕೆ ಬಂದಾಗ ಆತ ನಾನು ಆಕೆಯನ್ನು ನೋಡುತ್ತಿರಲಿಲ್ಲ ಎಂದು ಸಮಜಾಯಿಸಿ ಕೊಡಲು ಪ್ರಾರಂಭಿಸುತ್ತಾರೆ. ಈ ವಿಷ್ಯದಿಂದಾಗಿ ಅನೇಕ ಪ್ರೇಮಿಗಳ ನಡುವೆ ಜಗಳಗಳಾಗುವುದೂ ಇದೆ.
ನಿನ್ನ ಬಿಟ್ಟು ಒಂದು ಕ್ಷಣವೂ ಇರಲಾರೆ
ಪ್ರೇಮಿಗಳ ಕಾಮನ್ ಡೈಲಾಗ್ ಇದು. ಪುರುಷರು ತಾವು ಪ್ರೇಮಿಸುವ ಹುಡುಗಿಗೆ ಫೋನ್ ನಲ್ಲಿ ಮಾತನಾಡುವಾಗ ನಿನ್ನ ಬಗ್ಗೆನೇ ಯೋಚಿಸುತ್ತಿದ್ದೆ ನಿನ್ನ ಬಿಟ್ಟು ಒಂದು ಕ್ಷಣವೂ ಇರಲು ಸಾಧ್ಯವಿಲ್ಲ ಎನ್ನುತ್ತಾರೆ.
ಅದೇ ಫೋನ್ ಇಟ್ಟ ಮೇಲೆ ಅವರ ಫ್ರೆಂಡ್ಸ್ ಜೊತೆ ಪಾರ್ಟಿ ಮಾಡುತ್ತಿರುತ್ತಾರೆ. ಓ ಪ್ರೀತಿಯ ಡೈಲಾಗ್’ಗಳು ತಮ್ಮ ಹುಡುಗಿಯನ್ನು ಖುಷಿ ಪಡಿಸಲು ಹೇಳುವ ಸಿಹಿ ಸುಳ್ಳುಗಳು.
ಮದುವೆಗೂ ಮುಂಚೆ ಸೆಕ್ಸ್ ಮಾಡಿಲ್ಲ
ಇದನ್ನು ಹೆಚ್ಚಿನ ಯುವಕರು ಹೇಳುತ್ತಾರೆ. ಮದುವೆಗೂ ಮುಂಚೆ ಎಷ್ಟೇ ಗರ್ಲ್ಸ್’ಫ್ರೆಂಡ್ಸ್ ಜೊತೆ ಸಂಬಂಧಗಳಿದ್ದರೂ ಅದನ್ನು ತನ್ನ ಸಂಗಾತಿಗೆ ಹೇಳೋದಿಲ್ಲ ಯಾಕೆಂದರೆ ಆಕೆ ಆತನ ಜೊತೆ ಅಸುರಕ್ಷಿತ ಭಾವನೆ ಬರಬಾರದೆಂದು. ನಾನು ಇಷ್ಟಪಟ್ಟಿರುವ ಹಾಗೂ ಸೆಕ್ಸ್ ಮಾಡುತ್ತಿರುವ ಮೊದಲ ಹುಡುಗಿ ನೀನೆ ಎಂದು ಹೇಳಿ ನಂಬಿಸುತ್ತಾರೆ.
ನಾನು ಎಂದಿಗೂ ಧೂಮಪಾನ ಮಾಡಿಲ್ಲ
ಹೆಚ್ಚಿನ ಹುಡುಗಿಯರಿಗೆ ತಮ್ಮ ಪ್ರೇಮಿ ಸಿಗರೇಟ್ ಸೇದ ಬಾರದು, ಕುಡಿಯ ಬಾರದು ಎನ್ನುವ ಆಸೆ ಇರುತ್ತದೆ. ಹಾಗೂ ಅಂತಹದ್ದೇ ಹುಡುಗರನ್ನು ಹುಡುಕುತ್ತಾರೆ.
ಆದರೆ ಪುರುಷರು ತಮ್ಮ ಹುಡುಗಿಯಲ್ಲಿ ತನಗೆ ಸಿಗರೇಟ್ ಸೇದು ಅಭ್ಯಾಸ ಇಲ್ಲವೆಂದೋ ಅಥವಾ ಸಿಗರೇಟ್ ತ್ಯಜಿಸಿದ್ದೇನೆ ಎಂದು ಸುಳ್ಳು ಹೇಳುತ್ತಾರೆ. ಒಮ್ಮೆ ಆಕೆ ತನ್ನನ್ನು ಪ್ರೀತಿಸಲು ಶುರು ಮಾಡಿದರೆ ಸಾಕು, ಆಮೇಲಿನದ್ದು ಆಮೇಲೆ ನೋಡೋಣ ಎನ್ನುವ ಆಲೋಚನೆಯಲ್ಲಿರುತ್ತಾರೆ.
ಹಣದ ಬಗ್ಗೆ ಸುಳ್ಳು ಹೇಳುವುದು
ಯಾವುದೇ ಪುರುಷರು ಹುಡುಗಿಯನ್ನು ಪಟಾಯಿಸುವಾಗ ತನ್ನಲ್ಲಿ ಸಾಕಷ್ಟು ಹಣ ಇದೆ ಎನ್ನುವಂತೆ ತೋರ್ಪಡಿಸುತ್ತಾರೆ. ಆಕೆ ಕೇಳಿದ್ದನ್ನೆಲ್ಲಾ ತಂದು ಕೊಡುತ್ತಾರೆ. ಶೋಕಿ ಮಾಡುತ್ತಾರೆ. ಅದೇ ಮದುವೆಯಾದ ಮೇಲೆ ತನ್ನಲ್ಲಿ ದುಡ್ಡೆ ಇಲ್ಲ ಎನ್ನುವಂತೆ ಮಾತನಾಡುತ್ತಾರೆ.
