ಮೈಸೂರು: ಕೂಲಿ ಕಾರ್ಮಿಕರ ರಮೇಶ್(35) ಎಂಬಾತನನ್ನು ಚೆಲುವಾಂಬ ಆಸ್ಪತ್ರೆ ಮಕ್ಕಳ ಕೊಠಡಿ ಒಂದರಲ್ಲಿ ಹತ್ಯೆ ಮಾಡಲಾಗಿದೆ.
ಚೆಲುವಾಂಬ ಆಸ್ಪತ್ರೆಯ ಮಕ್ಕಳ ವಾರ್ಡ್ ನ ನವೀಕರಣ ಕಾಮಗಾರಿಯನ್ನು ದಿಶಾರ ಕಂಟ್ರೋಲ್ ಎಂಬ ಕನ್ಸ್ಟ್ರಕ್ಷನ್ ಕಂಪನಿ ನಡೆಸುತ್ತಿದ್ದು, ಕಂಪನಿಯು ಸೂಪರ್ ವೈಸರ್ ಅರುಣ್ ಕುಮಾರ್ ಎಂಬುವವರ ಬಳಿ ರಮೇಶ್ ಕೆಲಸಕ್ಕೆ ಸೇರಿಕೊಂಡಿದ್ದಾನೆ.
ಆತನಿಗೆ ಮನೆ ಇಲ್ಲದ ಕಾರಣ ಕೆಲಸ ಮುಗಿಸಿದ ನಂತರ ಚೆಲುವಾಂಬ ಆಸ್ಪತ್ರೆ ಮಕ್ಕಳ ವಾರ್ಡ್ ನ ಕೊಠಡಿಯೊಂದರಲ್ಲಿ ಉಳಿದುಕೊಳ್ಳುತ್ತಿದ್ದ. ಅಕ್ಟೋಬರ್ 15 ರಂದು ಮಧ್ಯಾಹ್ನ ಕೊಠಡಿಯಲ್ಲಿ ಈತನ ತಲೆ ಮೇಲೆ ತಾವುದೋ ಆಯುಧದಿಂದ ಹೊಡೆದು ಹತ್ಯೆ ಮಾಡಲಾಗಿದೆ.
ಈ ಸಂಬಂಧ ದೇವರಾಜ ಪೊಲೀಸ್ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿ ಕೊಂಡು ತನಿಖೆ ಮುಂದುವರಿಸಿದ್ದಾರೆ.
