ಮೈಸೂರು(Mysuru): ನಗರದಲ್ಲಿ ಅಪರಾಧ ಪ್ರಕರಣಗಳು ಹೆಚ್ಚಾಗುತ್ತಿರುವ ಹಿನ್ನೆಲೆ ಇಂದು ಬೆಳ್ಳಂ ಬೆಳಗ್ಗೆ ನಗರ ಪೊಲೀಸ್ ಕಮಿಷನರ್ ಬಿ.ರಮೇಶ್ ನೇತೃತ್ವದಲ್ಲಿ 37 ಜನ ರೌಡಿ ಶೀಟರ್’ಗಳ ಮನೆ ಮೇಲೆ ದಾಳಿ ಮಾಡಲಾಗಿದೆ.
ರೌಡಿಗಳನ್ನು ಹೆಬ್ಬಾಳ ಪೊಲೀಸ್ ಠಾಣೆಗೆ ಕರೆತಂದು ವಿಚಾರಣೆ ನಡೆಸಿದ್ದಾರೆ. ದಾಳಿ ವೇಳೆ ರೌಡಿ ಶೀಟರ್ ಸಲೀಂ ಎಂಬುವವರ ಮನೆಯಲ್ಲಿ ಮೂರು ಮಚ್ಚುಗಳು ಹಾಗೂ ಮತ್ತೊಬ್ಬನ ಮನೆಯಲ್ಲಿ ಒಂದು ಚಾಕು ದೊರೆತಿದೆ.
ಕೆಲವು ರೌಡಿ ಶೀಟರ್’ಗಳು ಮರ್ಡರ್ ಮತ್ತು ಕೊಲೆ ಪ್ರಯತ್ನ ಮಾಡಿದ ಕೇಸ್ಗಳಲ್ಲಿದ್ದಾರೆ ಎಂಬ ಮಾಹಿತಿ ಆಧರಿಸಿ ದಾಳಿ ಮಾಡಲಾಗಿದೆ.
ವಿಚಾರಣೆ ವೇಳೆ ಕೆಲವರು ರೌಡಿ ಶೀಟರ್’ಗಳು ಗ್ಯಾಂಗ್ ಕಟ್ಟಿಕೊಂಡಿರುವುದು ಬೆಳಕಿಗೆ ಬಂದಿದೆ.
ಮೈಸೂರು ನಗರದಲ್ಲಿ 900ಕ್ಕೂ ಹೆಚ್ಚೂ ರೌಡಿ ಶೀಟರ್’ಗಳಿದ್ದು, ಅದರಲ್ಲಿ ವಯಸ್ಸಾದವರು, ಹಳೆ ರೌಡಿಗಳು, ರೌಡಿಸಂ ಬಿಟ್ಟಿರುವವರು ಮತ್ತು ಕೆಲವರು ಸತ್ತು ಹೋಗಿದ್ದಾರೆ. ಸದ್ಯ 37 ಜನ ರೌಡಿ ಶೀಟರ್ಗಳು ಮಾತ್ರ ಆ್ಯಕ್ಟಿವ್ ಆಗಿದ್ದಾರೆ. ಇವರುಗಳನ್ನು ಇಂದು ಹೆಬ್ಬಾಳ ಪೊಲೀಸ್ ಠಾಣೆಗೆ ಕರೆತಂದು ವಿಚಾರಣೆ ನಡೆಸಲಾಗಿದೆ.
ಕಾನೂನು ಬಾಹಿರ ಚಟುವಟಿಕೆಗಳಲ್ಲಿ ಭಾಗವಹಿಸದಂತೆ ಎಚ್ಚರಿಕೆ ನೀಡಲಾಗಿದೆ ಎಂದು ನಗರ ಪೊಲೀಸ್ ಆಯುಕ್ತ ರಮೇಶ್ ತಿಳಿಸಿದ್ದಾರೆ.
