ಮಂಡ್ಯ: ರಾಜ್ಯದ ಇತರ ಭಾಗಗಳಲ್ಲಿ ಮಳೆಯ ಅಲೆ ಇದ್ದರೂ, ಕಾವೇರಿ ನದಿಯ ಜಲಾನಯನ ಪ್ರದೇಶದಲ್ಲಿ ಮಳೆಯ ಮುನ್ಸೂಚನೆಯೂ ಇಲ್ಲದಂತಾಗಿದೆ. ಇದರ ಪರಿಣಾಮವಾಗಿ, ಕನ್ನಡಿಗರ ಜೀವನಾಡಿಯಾಗಿರುವ ಕೆಆರ್ಎಸ್ ಡ್ಯಾಂ (ಕೃಷ್ಣರಾಜ ಸಾಗರ) ನಲ್ಲಿನ ನೀರಿನ ಮಟ್ಟ ಕೇವಲ 89 ಅಡಿಯವರೆಗೆ ಕುಸಿದಿರುವ ಚಿಂತಾಜನಕ ಸುದ್ದಿ ಬಂದಿದೆ.
ಇಂದಿನ ಕೆಆರ್ಎಸ್ ಡ್ಯಾಂ ನೀರಿನ ಮಟ್ಟ :
ಗರಿಷ್ಠ ಮಟ್ಟ – 124.80 ಅಡಿ.
ಇಂದಿನ ಮಟ್ಟ – 89.15 ಅಡಿ.
- ಪ್ರಸ್ತುತ ಕೆಆರ್ಎಸ್ ಡ್ಯಾಂನಲ್ಲಿ 15 ಟಿಎಂಸಿ ನೀರು ಮಾತ್ರ ಉಳಿದಿದೆ.
- ಇದರಲ್ಲಿ 7 ಟಿಎಂಸಿ ನೀರು ಡೆಡ್ ಸ್ಟೋರೇಜ್ ಆಗಿದ್ದು, ತಾತ್ಕಾಲಿಕವಾಗಿ ಬಳಕೆಗೆ ಅಸಾಧ್ಯ.
- ಉಳಿದಿರುವ 8 ಟಿಎಂಸಿ ನೀರನ್ನು: ಕೃಷಿ ಉದ್ದೇಶಗಳಿಗೆ, ಬೆಂಗಳೂರು ನಗರಕ್ಕೆ ಕುಡಿಯುವ ನೀರಿನ ಪೂರೈಕೆಗಾಗಿ ಬಳಸಬೇಕಿದೆ.
- ಮೂಲ ಜಲಾನಯನ ಪ್ರದೇಶಗಳಾದ ಕೊಡಗು, ಹಾಸನ, ಚಾಮರಾಜನಗರ ಭಾಗಗಳಲ್ಲಿ ಮಳೆಯಿಲ್ಲ.
- ಮುಂಗಾರು ವಿಳಂಬವಾದರೆ ನೀರಿನ ಕೊರತೆಯುಂಟಾಗಿ ಬೆಳೆ ನಾಶ, ಕುಡಿಯುವ ನೀರಿಗೂ ಕಷ್ಟ ಎದುರಾಗುವ ಸಾಧ್ಯತೆ ಹೆಚ್ಚು.
