ಸ್ಟ್ಯಾವೆಂಜರ್, ನಾರ್ವೆ: ಚೆಸ್ ಟೂರ್ನಿಯ ಕ್ಲಾಸಿಕಲ್ ವಿಭಾಗದಲ್ಲಿ ಭಾರತದ ವಿಶ್ವನಾಥನ್ ಆನಂದ್ ಅವರು ವಿಶ್ವ ಚಾಂಪಿಯನ್ ಮ್ಯಾಗ್ನಸ್ ಕಾರ್ಲ್ಸನ್ ಅವರನ್ನು ಸೋಮವಾರ ಸೋಲಿಸಿದ್ದಾರೆ.
ಐದನೇ ಸುತ್ತಿನ ಪಂದ್ಯವು 40 ಮೂವ್ನೊಂದಿಗೆ ಡ್ರಾಗೊಂಡಿತ್ತು. ಬಳಿಕ ಫಲಿತಾಂಶ ನಿರ್ಣಯಿಸಲು ನಡೆದ ‘ಸಡನ್ ಡೆತ್ (Armageddon) ಗೇಮ್’ನಲ್ಲಿ ಆನಂದ್ ಅವರು ರೋಚಕ ಗೆಲುವು ದಾಖಲಿಸಿದರು.
ಇದರೊಂದಿಗೆ, 10 ಅಂಕಗಳನ್ನು ಹೊಂದಿರುವ ಆನಂದ್ ಅವರು ಟೂರ್ನಿಯಲ್ಲಿ ಅಗ್ರ ಸ್ಥಾನ ಕಾಯ್ದುಕೊಂಡಿದ್ದಾರೆ.