ಯಾದಗಿರಿ: ಶಹಾಪುರ ತಾಲ್ಲೂಕಿನ ಗ್ರಾಮ ಒಂದರಲ್ಲಿ ಅಪ್ರಾಪ್ತ ವಯಸ್ಸಿನ ಬಾಲಕಿಯ ಮೇಲೆ ಯುವಕನೊಬ್ಬ ಅತ್ಯಾಚಾರ ಎಸಗಿರುವ ಘಟನೆ ಮಂಗಳವಾರ(ನ.19) ಗೋಗಿ ಠಾಣೆಯ ವ್ಯಾಪ್ತಿಯಲ್ಲಿ ನಡೆದಿದೆ.
ಗೋಗಿ(ಕೆ) ಗ್ರಾಮದ ಸಂತೋಷ ಶರಣಪ್ಪ ಇಮನ್(29) ಅತ್ಯಾಚಾರ ಎಸಗಿದ ಆರೋಪಿ.
ಚಿಕ್ಕವಳು ಇರುವಾಗಲೇ ಪಾರ್ಶವಾಯು(ಫಾರ್ಸಿ) ಪೀಡಿತಳಾಗಿದ್ದು ಮನೆಯಲ್ಲಿ ಇರುತ್ತಿದ್ದಳು. ಮಂಗಳವಾರ ಬಾಲಕಿಯು ಮನೆಯಲ್ಲಿ ಒಬ್ಬಳೇ ಇದ್ದಾಗ ಸಂತೋಷ ಮನೆಯೊಳಗೆ ಆಗಮಿಸಿ ಒತ್ತಾಯದಿಂದ ಅತ್ಯಾಚಾರ ಎಸಗಿದ್ದಾರೆ ಎಂದು ಸಂತ್ರಸ್ತೆಯ ತಾಯಿ ದೂರಿನಲ್ಲಿ ತಿಳಿಸಿದ್ದಾರೆ.
ಘಟನೆಗೆ ಸಂಬಂಧಿಸಿ ಗೋಗಿ ಠಾಣೆಯಲ್ಲಿ ಪೋಕ್ಸೋ ಕಾಯ್ದೆ ಅಡಿಯಲ್ಲಿ ದೂರು ದಾಖಲಾಗಿದೆ.
