ನಾವು ತಿನ್ನುವ ಬಹುತೇಕ ಆಹಾರ ಪದಾರ್ಥಗಳು ನಮಗೆ ವಿವಿಧ ಆರೋಗ್ಯ ಪ್ರಯೋಜನ ಗಳನ್ನು ಕೊಡುತ್ತವೆ ಮತ್ತು ತಮ್ಮದೇ ಆದ ಸ್ವಭಾವ ಗಳನ್ನು ಹೊಂದಿರುತ್ತವೆ. ಅವುಗಳಲ್ಲಿ ಮೆಂತ್ಯೆ ಬೀಜಗಳು ಕೂಡ ಒಂದು.
ಆಯುರ್ವೇದ ಹೇಳುವ ಪ್ರಕಾರ ಮೆಂತ್ಯ ಬೀಜಗಳು ನಮ್ಮ ದೇಹಕ್ಕೆ ಉಷ್ಣ ವೀರ್ಯ ಗುಣ ಲಕ್ಷಣಗಳನ್ನು ಹೊಂದಿವೆ. ಜೊತೆಗೆ ದೇಹದಲ್ಲಿ ಕಫ ಮತ್ತು ವಾತ ಅಥವಾ ವಾಯು ದೋಷ ಗಳನ್ನು ಸರಿಪಡಿಸುತ್ತವೆ ಹಾಗೂ ಪಿತ್ತ ಅಥವಾ ಉಷ್ಣ ಪ್ರಭಾವವನ್ನು ಹೆಚ್ಚು ಮಾಡುತ್ತವೆ. ಈ ಕೆಳಗಿನ ಆರೋಗ್ಯ ಸಮಸ್ಯೆಗಳಿಗೆ ಮೆಂತ್ಯ ಬೀಜಗಳು ತುಂಬಾ ಪ್ರಯೋಜನ ಕಾರಿ ಎಂದು ಹೇಳಲಾಗುತ್ತದೆ. ಅವುಗಳೆಂದರೆ..
ಮೆಂತ್ಯ ಬೀಜಗಳ ಆರೋಗ್ಯ ಮಹತ್ವ ಹೀಗಿದೆ
ಸಕ್ಕರೆ ಕಾಯಿಲೆ
• ಇಂದು ಪ್ರಪಂಚದಾದ್ಯಂತ ಸಕ್ಕರೆ ಕಾಯಿಲೆ ಅಥವಾ ಮಧುಮೇಹ ಹೆಚ್ಚಾಗಿ ಕಾಡುತ್ತಿದೆ. ಜನರ ಜೀವನ ಶೈಲಿಯ ಹಾಗೂ ಅನುವಂಶೀಯ ಕಾರಣಗಳಿಂದ ಇದು ವ್ಯಾಪಕವಾಗಿದೆ ಎಂದು ಹೇಳಬಹುದು.
• ಇದು ದೇಹದಲ್ಲಿ ಕಫ ಪ್ರಮಾಣವನ್ನು ಕಡಿಮೆ ಮಾಡು ವುದು ಮಾತ್ರವಲ್ಲದೆ ರಕ್ತದಲ್ಲಿ ಹಾಗೂ ಮೂತ್ರದಲ್ಲಿ ಸಕ್ಕರೆ ಪ್ರಮಾಣವನ್ನು ನಿಯಂತ್ರಣ ಮಾಡುತ್ತದೆ.
• ಮಧುಮೇಹಿಗಳು ಮೆಂತ್ಯ ಬೀಜಗಳನ್ನು ಒಂದು ಟೇಬಲ್ ಚಮಚ ತೆಗೆದುಕೊಂಡು ರಾತ್ರಿ ಒಂದು ಲೋಟ ನೀರಿ ನಲ್ಲಿ ನೆನೆ ಹಾಕಿ ಬೆಳಗ್ಗೆ ಎದ್ದು ಆ ನೀರನ್ನು ಸೇವಿಸ ಬೇಕು. ಬೇಕೆಂದರೆ ಮೆಂತ್ಯ ಬೀಜಗಳನ್ನು ಸಹ ಪೇಸ್ಟ್ ಮಾಡಿ ಅದೇ ನೀರಿನ ಜೊತೆ ಸೇವಿಸಬಹುದು.
ಸಂಧಿವಾತ
• ಮೂಳೆ ನೋವು, ಕೀಲು ನೋವು, ಕೈ ಕಾಲು ನೋವು, ಹಿಮ್ಮಡಿ ನೋವು ಇರುವವರು ಮೆಂತ್ಯ ಕಾಳುಗಳ ಪ್ರಯೋಜನಗಳನ್ನು ಸುಲಭವಾಗಿ ಪಡೆದು ಕೊಳ್ಳಬಹುದು.
• ಆರೋಗ್ಯ ತಜ್ಞರು ಹೇಳುವ ಹಾಗೆ ಮೆಂತ್ಯ ಕಾಳುಗಳನ್ನು ಮತ್ತು ದಾಲ್ಚಿನ್ನಿ ಚೂರನ್ನು ಒಂದು ಲೋಟ ನೀರಿನಲ್ಲಿ ನೆನೆ ಹಾಕಿ ಬೆಳಗಿನ ಸಮಯದಲ್ಲಿ ಇದನ್ನು ಪ್ರತಿ ದಿನ ಸೇವಿಸಬೇಕು.
• ಇದಲ್ಲದೆ, ಒಂದು ಟೇಬಲ್ ಚಮಚ ಮೆಂತ್ಯ ಬೀಜಗ ಳನ್ನು ಪುಡಿ ಮಾಡಿಕೊಂಡು ಅದಕ್ಕೆ ಚಿಟಿಕೆ ಅರಿಶಿನ ಸೇರಿಸಿ ಅದಕ್ಕೆ ಅರ್ಧ ಟೀ ಚಮಚ ಅಶ್ವಗಂಧ ಬೇರಿನ ಚೂರ್ಣ ಸೇರಿಸಿ ಮಿಶ್ರಣ ಮಾಡಿ ಹಾಲಿನಲ್ಲಿ ಬೆರೆಸಿ ಬೆಳಗ್ಗೆ ಮತ್ತು ಸಂಜೆ ತೆಗೆದುಕೊಳ್ಳುವದರಿಂದ ಸಂಧಿ ವಾತ ಸಮಸ್ಯೆ ಬಗ್ಗೆ ಹರಿಯುತ್ತದೆ.
ಹೊಟ್ಟೆ ಉಬ್ಬರ ಮತ್ತು ಅಜೀರ್ಣತೆ
• ನಾವು ಭಾರವಾದ ಆಹಾರ ಸೇವನೆ ಮಾಡಿದ ಬಳಿಕ ಈ ಸಮಸ್ಯೆಗಳನ್ನು ಎದುರಿಸುತ್ತೇವೆ. ಹೊಟ್ಟೆ ಉಬ್ಬರ, ಅಜೀರ್ಣತೆ, ಹುಳಿ ತೇಗು, ಎದೆಯುರಿ ಇತ್ಯಾದಿ.
• ಒಂದು ವೇಳೆ ಇಂತಹ ತೊಂದರೆ ನಿಮಗೂ ಕೂಡ ಪದೇ ಪದೇ ಆಗುತ್ತಿದ್ದರೆ, ಮೊಸರನ್ನು ಕೆನೆ ರಹಿತವಾಗಿ ಕಡೆದು ಮಜ್ಜಿಗೆ ಮಾಡಿ ಅದಕ್ಕೆ ಮೆಂತ್ಯ ಕಾಳುಗಳ ಪುಡಿಯನ್ನು ಮತ್ತು ಚಿಟಿಕೆ ಇಂಗು ಸೇರಿಸಿ ಮಿಕ್ಸ್ ಮಾಡಿ ಬೆಳಗ್ಗೆ ಮತ್ತು ಸಂಜೆ ಸೇವಿಸಿ. ಹೀಗೆ ಮಾಡುವುದರಿಂದ ನಿಮ್ಮ ಹೊಟ್ಟೆ ಉಬ್ಬರ ಮತ್ತು ಗ್ಯಾಸ್ಟ್ರಿಕ್ ಸಮಸ್ಯೆ ಬಗೆಹರಿಯುತ್ತದೆ.
ಮಲಬದ್ಧತೆ ಸಮಸ್ಯೆ
• ಬಹುತೇಕ ಜನರು ಈ ಸಮಸ್ಯೆಯನ್ನು ಅನುಭವಿಸುತ್ತಿ ರುತ್ತಾರೆ. ಆದರೆ ಹೇಳಿಕೊಳ್ಳಲು ಸಾಧ್ಯವಿರುವುದಿಲ್ಲ.
• ಅದಕ್ಕೆ ಮೆಂತ್ಯ ಕಾಳುಗಳನ್ನು ಇಡೀ ರಾತ್ರಿ ನೀರಿನಲ್ಲಿ ನೆನೆ ಹಾಕಿ ಬೆಳಗಿನ ಸಮಯದಲ್ಲಿ ಅದಕ್ಕೆ ಒಂದು ಚಮಚ ನಾಟಿ ಹಸುವಿನ ತುಪ್ಪ ಸೇರಿಸಿ ಸೇವಿಸುವುದರಿಂದ ಮಲ ವಿಸರ್ಜನೆ ಸುಲಭವಾಗಿ ಆಗುತ್ತದೆ.
ತಲೆ ಕೂದಲಿನ ಸಮಸ್ಯೆ
ಮೆಂತೆ ಕಾಳುಗಳನ್ನು ನೀರಿನಲ್ಲಿ ನೆನೆಹಾಕಿ ಪೇಸ್ಟ್ ಮಾಡಿ ಕೊಂಡು ಅದನ್ನು ತಲೆಗೆ ಹಚ್ಚಿ ಅರ್ಧ ಗಂಟೆ ನಂತರ ಸ್ನಾನ ಮಾಡುವುದರಿಂದ ತಲೆ ಕೂದಲಿಗೆ ಸಂಬಂಧಪಟ್ಟ ಹಲವಾರು ಸಮಸ್ಯೆಗಳು ಅಂದರೆ ತಲೆ ಕೂದಲು ಉದುರುವಿಕೆ, ತಲೆ ಹೊಟ್ಟು, ತಲೆ ಕೂದಲು ಬೆಳ್ಳಗಾಗುವುದು ಇತ್ಯಾದಿ ತೊಂದ ರೆಗಳು ನಿವಾರಣೆಯಾಗುತ್ತವೆ.
ಬಾಣಂತಿಯರು
ಮೆಂತೆ ಕಾಳುಗಳ ಪುಡಿಯನ್ನು ಸ್ವಲ್ಪ ಬೆಳ್ಳುಳ್ಳಿ ಪೇಸ್ಟ್ ಜೊತೆಗೆ ಮಿಶ್ರಣ ಮಾಡಿ ಅದನ್ನು ಹಾಲಿನಲ್ಲಿ ಚೆನ್ನಾಗಿ ಕುದಿಸಿ ಸೇವಿಸುವು ದರಿಂದ ಬಾಣಂತಿಯರಿಗೆ ಹಾಲಿನ ಉತ್ಪತ್ತಿ ಹೆಚ್ಚಾಗುತ್ತದೆ ಮತ್ತು ಮಗು ಕೂಡ ಆರೋಗ್ಯಕರ ಬೆಳವಣಿಗೆಯನ್ನು ಕಾಣುತ್ತದೆ.
ಮೆಂತೆ ಕಾಳುಗಳನ್ನು ಈ ಕೆಳಗಿನ ಸಂದರ್ಭಗಳಲ್ಲಿ ಬಳಸ ಬಾರದು
ಗರ್ಭಿಣಿಯರು, ಮೂಗಿನಲ್ಲಿ ರಕ್ತ ಸೋರಿಕೆ ಇರುವವರು, ಬಾಯಿ ಯಲ್ಲಿ ಹುಣ್ಣು ಆಗುವವರು, ಮೂಲವ್ಯಾಧಿ ಸಮಸ್ಯೆ ಇರುವವರು ಮೆಂತ್ಯ ಕಾಳುಗಳನ್ನು ಸೇವಿಸಬಾರದು. ಏಕೆಂದರೆ ಇದು ಉಷ್ಣ ಪ್ರಭಾವ ಹೆಚ್ಚು ಮಾಡುತ್ತದೆ.
