ಇಂದಿನ ದಿನಗಳಲ್ಲಿ ಅತಿ ಹೆಚ್ಚು ಜನರಿಗೆ ಮಧುಮೇಹ ಕಾಣಿಸಿಕೊಳ್ಳುತ್ತಿದೆ. ಬದಲಾದ ಜೀವನಶೈಲಿ, ನಿದ್ದೆಯ ಕೊರತೆ, ಸಮರ್ಪಕ ದೈಹಿಕ ಚಟುವಟಿಕೆಗಳು ಇಲ್ಲದಿರುವುದು ಹೀಗೆ ನಾನಾ ಕಾರಣಗಳಿಂದ ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಹೆಚ್ಚಾಗಿ ಯುವ ಜನತೆ ಕೂಡ ದೀರ್ಘಕಾಲದ ಶುಗರ್ ಸಮಸ್ಯೆಗೆ ಒಳಗಾಗುತ್ತಿದ್ದಾರೆ.
ದೈಹಿಕ ಚಟುವಟಿಕೆ ಸರಿಯಾಗಿದ್ದರೆ ಮಧುಮೇಹವನ್ನು ನಿಯಂತ್ರಿಸಬಹುದೇ?, ಎಂದು ಕೇಳಿದರೆ ಅದು ಹೌದು. ಅನಾದಿ ಕಾಲದಿಂದಲೂ ರೂಢಿಯಲ್ಲಿರುವ ಯೋಗಾಸನಗಳು ಮಧುಮೇಹವನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಸಹಾಯ ಮಾಡುತ್ತವೆ.
ವಿಪರೀತ ಕರಣಿ ಆಸನ
ಇದು ನಿಮ್ಮ ಒತ್ತಡದ ಮಟ್ಟವನ್ನು ನಿರ್ವಹಿಸಲು ಸಹಾಯ ಮಾಡುವ ವಿಶ್ರಾಂತಿ ಆಸನವಾಗಿದೆ. ಅಲ್ಲದೆ ರಕ್ತದೊತ್ತಡ ಮತ್ತು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಅದರ ಜೊತೆಗೆ, ಈ ಭಂಗಿಯು ತಲೆನೋವಿಗೆ ವಿಶ್ರಾಂತಿ ನೀಡಲು, ರಕ್ತಪರಿಚಲನೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.
ಮಂಡಿರಜ್ಜುಗಳು, ಕೆಳ ಬೆನ್ನು, ಮುಂಭಾಗದ ತಲೆ ಮತ್ತು ಕತ್ತಿನ ಹಿಂಭಾಗವನ್ನು ನಿಯಂತ್ರಿಸುವ ಆಸನ ಇದಾಗಿದೆ.
ಬದ್ಧಕೋನಾಸನ
ಈ ಭಂಗಿಯು ನಿಮ್ಮ ನರಮಂಡಲದ ಒತ್ತಡವನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದು ನಿಮ್ಮ ರಕ್ತದೊತ್ತಡ ಮತ್ತು ಸಕ್ಕರೆ ಮಟ್ಟವನ್ನು ನಿಯಂತ್ರಣದಲ್ಲಿಡುತ್ತದೆ. ಕಿಬ್ಬೊಟ್ಟೆಯ ಅಂಗಗಳು, ಮೂತ್ರಕೋಶ ಮತ್ತು ಮೂತ್ರಪಿಂಡಗಳ ಕಾರ್ಯನಿರ್ವಹಣೆಯನ್ನು ಸರಿಪಡಿಸುತ್ತದೆ.
ತೊಡೆಸಂಧು, ಕಾಲುಗಳು, ಪೆಲ್ವಿಕ್ ಸ್ನಾಯುಗಳಿಗೆ ಈ ವ್ಯಾಯಾಮ ಉತ್ತಮವಾಗಿದೆ. ಅದೇ ರೀತಿ ಮಧುಮೇಹವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.
ಪಶ್ಚಿಮೋತ್ಥಾನಾಸನ
ಈ ಆಸನವು ತೂಕ ನಷ್ಟಕ್ಕೆ ಪರಿಹಾರವಾಗಿದೆ ಮತ್ತು ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡುತ್ತದೆ. ಇದು ಆತಂಕ, ತಲೆನೋವು ಮತ್ತು ಆಯಾಸವನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ.
ಪೆಲ್ವಿಕ್ ಸ್ನಾಯುಗಳು, ಎರೆಕ್ಟರ್ ಸ್ಪೈನೇ, ಗ್ಲುಟಿಯಸ್ ಮ್ಯಾಕ್ಸಿಮಸ್ ಮತ್ತು ಗ್ಯಾಸ್ಟ್ರೊಕ್ನೆಮಿಯಸ್ ಇವುಗಳನ್ನು ನಿರ್ವಹಿಸುವಾಗ ಕೇಂದ್ರೀಕೃತವಾಗಿರುವ ಸ್ನಾಯುಗಳನ್ನು ಆರಾಮಗೊಳಿಸುತ್ತದೆ. ಈ ಮೂಲಕ ಮಧುಮೇಹವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.
ಸಲಂಭ ಸರ್ವಾಂಗಾಸನ
ಈ ಭಂಗಿಯು ರಕ್ತ ಪರಿಚಲನೆಯನ್ನು ವೇಗಗೊಳಿಸಲು ಮತ್ತು ಥೈರಾಯ್ಡ್ ಗ್ರಂಥಿಯನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ಇದು ನಿಮ್ಮನ್ನು ಶಾಂತಿಯುತವಾಗಿ ಮತ್ತು ದೇಹವನ್ನು ಚೈತನ್ಯಪೂರ್ಣವಾಗಿ ಇಡುವಂತೆ ಮಾಡಲು ಸಹಾಯ ಮಾಡುತ್ತದೆ.
ಹೀಗಾಗಿ ಮಧುಮೇಹಕ್ಕೆ ಅಪಾಯಕಾರಿಯಾಗಿರುವ ಮಾನಸಿಕ ಒತ್ತಡವನ್ನು ನಿವಾರಿಸಿ, ರಕ್ತದಲ್ಲಿನ ಸ್ಕರೆ ಪ್ರಮಾಣವನ್ನೂ ಸಮತೋಲನದಲ್ಲಿಡಲು ಸಹಾಯ ಮಾಡುತ್ತದೆ.
ಸುಪ್ತ ಮತ್ಸ್ಯೇಂದ್ರಾಸನ
ಈ ಭಂಗಿಯು ಕಿಬ್ಬೊಟ್ಟೆಯ ಅಂಗಗಳ ಕಾರ್ಯನಿರ್ವಹಣೆಯನ್ನು ಒತ್ತಿಹೇಳಲು ಸಹಾಯ ಮಾಡುತ್ತದೆ, ಇದು ರಕ್ತದಲ್ಲಿನ ಸಕ್ಕರೆಯ ಮಟ್ಟದಲ್ಲಿ ಕುಸಿತಕ್ಕೆ ಕಾರಣವಾಗಬಹುದು. ಇದು ನಿಮ್ಮ ಬೆನ್ನು, ಬೆನ್ನುಮೂಳೆ ಮತ್ತು ಸೊಂಟದ ನೋವು ಮತ್ತು ಬಿಗಿತವನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ.
ಈ ಆಸನದಿಂದ ಹೊಟ್ಟೆ, ಸೊಂಟದ ಭಾಗಗಳಿಗೆ ವ್ಯಾಯಾಮ ಸಿಗುತ್ತದೆ. ಅಲ್ಲದೆ ಗ್ಯಾಸ್ಟ್ರಿಕ್ ಸಮಸ್ಯೆ ಸೇರಿ ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆಯನ್ನೂ ಈ ಆಸನ ನಿವಾರಿಸುತ್ತದೆ.
