ಯೋಗಾಸನವು ಕೇವಲ ದೇಹಕ್ಕೆ ಮಾತ್ರವಲ್ಲದೆ, ಸಂಪೂರ್ಣ ಮಾನಸಿಕ ಆರೋಗ್ಯವನ್ನು ಕೂಡ ಕಾಪಾಡುವುದು. ಬೇರೆ ವ್ಯಾಯಾಮವಾದರೆ ಕೇವಲ ದೇಹದ ಫಿಟ್ನೆಸ್ ಗೆ ಮಾತ್ರ ಒತ್ತು ನೀಡುವುದು. ಆದರೆ ಯೋಗದಲ್ಲಿ ಉಸಿರಾಟ, ಧಾನ್ಯ ಹಾಗೂ ಏಕಾಗ್ರತೆಗೆ ಹೆಚ್ಚು ಗಮನ ನೀಡಲಾಗುತ್ತದೆ. ಇದು ಶಿರದಿಂದ ಪಾದದ ತನಕದ ಸಂಪೂರ್ಣ ವ್ಯಾಯಾಮವೆಂದು ಹೇಳಬಹುದು.
ಹೀಗಾಗಿ ಯೋಗಾಸನವನ್ನು ಇಂದಿನ ದಿನಗಳಲ್ಲಿ ಪ್ರತಿಯೊಬ್ಬರು ಅಭ್ಯಾಸ ಮಾಡಲು ಆರಂಭಿಸಿರುವರು. ಕೆಲವೊಂದು ಯೋಗಾಸನಗಳು ನಮ್ಮ ದೈನಂದಿನ ಜೀವನದ ಕೆಲವೊಂದು ದೈಹಿಕ ಹಾಗೂ ಮಾನಸಿಕ ಸಮಸ್ಯೆಗಳನ್ನು ನಿವಾರಣೆ ಮಾಡುವುದು.
ಅತಿಯಾದ ಒತ್ತಡದಿಂದಾಗಿ ಇಂದಿನ ದಿನಗಳಲ್ಲಿ ಜನರಿಗೆ ನಿದ್ರೆ ಎನ್ನುವುದು ಗಗನಕುಸುಮ ವಾಗುತ್ತಿದೆ. ಸರಿಯಾಗಿ ನಿದ್ರೆ ಮಾಡದೆ ಇದ್ದರೆ ಆಗ ಅದರ ವ್ಯತಿರಿಕ್ತ ಪರಿಣಾಮವು ದೇಹದ ಮೇಲೆ ಆಗುವುದು ಮತ್ತು ಸಮಸ್ಯೆಗಳು ಮತ್ತಷ್ಟು ಹೆಚ್ಚಾಗುವುದು. ಇದನ್ನು ತಡೆಯಲು ಕೆಲವೊಂದು ಯೋಗಾಸನಗಳನ್ನು ಮಾಡಿದರೆ ತುಂಬಾ ಲಾಭಕಾರಿ ಮತ್ತು ನಿದ್ರೆ ಮಾಡಲು ಸಹಕಾರಿ ಆಗಿರುವುದು.
ಬಾಲಾಸನ
ಮೊಣಕಾಲನ್ನು ನೆಲದ ಮೇಲಿಟ್ಟು, ಪೃಷ್ಠವನ್ನು ಪಾದಗಳ ಮೇಲೆ ಇಡಿ.
• ಬೆನ್ನು ನೇರವಾಗಿರಲಿ ಮತ್ತು ಕೈಗಳು ಮೊಣಕಾಲಿನಲ್ಲಿ ವಿಶ್ರಾಂತಿ ಪಡೆಯುತ್ತಿರಲಿ.
• ಈಗ ಉಸಿರು ಬಿಡಿ ಮತ್ತು ಮಗುವಿನಂತೆ ಕೈಗಳ ನೆರವಿನಿಂದ ಮುಂದಕ್ಕೆ ಬಾಗಿ. ಹಣೆಯು ನೆಲಕ್ಕೆ ತಾಗುತ್ತಿರಲಿ.
• ಈಗ ಉಸಿರು ತೆಗೆದುಕೊಳ್ಳಿ ಮತ್ತು ನಿಧಾನವಾಗಿ ನೀವು ಮೊದಲಿನ ಭಂಗಿಗೆ ಬನ್ನಿ.
• ಈಗ ಕೈಗಳ ನೆರವು ಪಡೆದು, ಉಸಿರು ಎಳೆಯುತ್ತಾ ಹಾಗೆ ನೀವು ಮೊದಲಿನ ಭಂಗಿಗೆ ಬನ್ನಿ.
• ಈ ಆಸನ ಮಾಡುವ ವೇಳೆ ಹೆಚ್ಚು ಬೆನ್ನಿನ ಮೇಲೆ ಒತ್ತಡ ಹಾಕುವುದನ್ನು ಬಿಡಬೇಕು.
ಕುಳಿತು ಮುಂದಕ್ಕೆ ಬಾಗಿ
ನೆಲದ ಮೇಲೆ ಕುಳಿತುಕೊಂಡು ಕಾಲುಗಳನ್ನು ಮುಂದಕ್ಕೆ ಚಾಚಿ.
• ಹೆಬ್ಬೆರಳನ್ನು ಹಿಂದಕ್ಕೆ ತನ್ನಿ, ಬೆನ್ನು ನೇರ ಮಾಡಿಕೊಂಡು ಎದೆಯನ್ನು ಮುಂದಕ್ಕೆ ತನ್ನಿ.
• ಈಗ ಸೊಂಟವನ್ನು ಬಾಗಿಸಿಕೊಂಡು ಮುಂದಕ್ಕೆ ಬನ್ನಿ.
• ಪಾದಗಳನ್ನು ಮುಟ್ಟುವಷ್ಟು ನೀವು ಕೈಗಳನ್ನು ಕೆಳಗೆ ತನ್ನಿ ಮತ್ತು ದೇಹವನ್ನು ಕೂಡ ಕಾಲುಗಳ ಕಡೆಗೆ ಬಗ್ಗಿಸಿ.
• ಗಲ್ಲವು ಎದೆಗೆ ತಾಗಲು ಮತ್ತು ಇದೇ ಭಂಗಿಯಲ್ಲಿ ಕೆಲವು ನಿಮಿಷಗಳ ಕಾಲ ಹಾಗೆ ಇರಿ.
ಹಲ್ಲಿ ಭಂಗಿ
ಯೋಗ ಮ್ಯಾಟ್ ಮೇಲೆ ಹಾಗೆ ಹೊಟ್ಟೆಯ ಮೇಲೆ ಮಲಗಿ ಮತ್ತು ಕಿವಿಗಳ ಹತ್ತಿರ ಅಂಗೈಗಳನ್ನು ಇಡಿ. ಹೆಬ್ಬೆರಳನ್ನು ಕೆಳಮುಖವಾಗಿಸಿ ಮತ್ತು ಪಾದವು ಛಾವಣಿ ನೋಡುತ್ತಿರಲಿ.
• ಉಸಿರನ್ನು ಬಿಡಿ ಮತ್ತು ಕೈಗಳ ಬಲದಿಂದ ದೇಹವನ್ನು ಮೇಲಕ್ಕೆತ್ತಿ ಮತ್ತು ಪೃಷ್ಠವು ಛಾವಣೆ ಕಡೆಗೆ ಇರಲಿ.
• ಉಸಿರನ್ನು ಬಿಡಿ ಮತ್ತು ಬಲದ ಪಾದವನ್ನು ಮುಂದಕ್ಕೆ ತನ್ನಿ ಮತ್ತು ಅದನ್ನು ಬಲದ ಕೈಯ ಅಂಚಿನಲ್ಲಿಡಿ.
• ಬಲದ ಕಾಲಿನ ಒಳಗಿನಿಂದ ನಿಮ್ಮ ಎರಡು ಮೊಣಕೈಗಳನ್ನು ನೆಲಕ್ಕೆ ತನ್ನಿ.
• ಬಲದ ತೊಡೆಯನ್ನು ಮೇಲಕ್ಕೆತ್ತಿ ಮತ್ತು ವಿಶ್ರಾಂತಿ ನೀಡಿ. ಎಡದ ಪಾದಗಳನ್ನು ಒತ್ತಿ ಮತ್ತು ಸೊಂಟವು ತಿರುಗಲಿ. ಹೀಗೆ ಮಾಡುವ ವೇಳೆ ದೇಹದ ಮೇಲಿನ ಭಾಗಕ್ಕೆ ಬಲ ಬೀಳಲಿ.
• ಐದು ಉಸಿರಿನ ತನಕ ಹೀಗೆ ನಿಲ್ಲಿ ಮತ್ತು ಇದರ ಬಳಿಕ ಮೊದಲಿನ ಭಂಗಿಗೆ ಬನ್ನಿ.
• ಇದನ್ನು ನೀವು ಈಗ ಮತ್ತೆ ಎಡದ ಕಾಲಿನಿಂದ ಮಾಡಿ.
• ಕಾಲುಗಳು ಮೇಲಿನ ಗೋಡೆಗೆ
• ಯೋಗ ಮ್ಯಾಟ್ ಮೇಲೆ ಕುಳಿತುಕೊಂಡು ಗೋಡೆಗೆ ಎಡ ಬದಿಯು ವಿರುದ್ಧವಾಗಿರಲಿ.
• ಈಗ ದೇಹವನ್ನು ಎಡ ಭಾಗಕ್ಕೆ ತಿರುಗಿಸಿ ಮತ್ತು ಕಾಲುಗಳನ್ನು ಗೋಡೆಗೆ ತನ್ನಿ.
• ಈಗ ಪೃಷ್ಠವನ್ನು ಗೋಡೆಯ ವಿರುದ್ಧ ದಿಕ್ಕಿಗೆ ತನ್ನಿ.
• ಪಾದದ ಒಳಗಿನ ಅಂಚನ್ನು ಒತ್ತಿಕೊಂಡು, ಕುಳಿತುಕೊಂಡಿರುವ ಮೂಳೆಯನ್ನು ಗೋಡೆಯ ಮೇಲಿನ ಭಾಗಕ್ಕೆ ಎತ್ತಿ ಮತ್ತು ಕಾಲುಗಳನ್ನು ನೇರವಾಗಿಸಿ.
• ಇದನ್ನು ಆಳವಾಗಿ ಮಾಡಿ ಮತ್ತು ಹಿಂಗಾಲು ತಾಗುವ ತನಕ ಹಾಗೆ ಹಿಂದಕ್ಕೆ ಹೋಗಿ.
ಈ ನಾಲ್ಕು ಯೋಗಾಸನಗಳು ನಿತ್ಯವೂ ಮಾಡಿದರೆ ಆರೋಗ್ಯವಾಗಿರುವಿರಿ
ಸೇತುವೆ
ಬೆನ್ನಿನ ಮೇಲೆ ಮಲಗಿ, ಮೊಣಕಾಲುಗಳನ್ನು ಬಗ್ಗಿಸಿ ಮತ್ತು ಪಾದಗಳು ನೆಲದ ಮೇಲೆ ಇರಲಿ. ಕೈಗಳನ್ನು ದೇಹದ ಬದಿಯಲ್ಲಿ ಇಡಿ ಮತ್ತು ಅಂಗೈಗಳು ನೆಲವನ್ನು ನೋಡುತ್ತಿರಲಿ.
• ಈಗ ನೀವು ಕೈಗಳನ್ನು ಬಲ ಉಪಯೋಗಿಸಿಕೊಂಡು ಸೊಂಟವನ್ನು ನೆಲದಿಂದ ಮೇಲಕ್ಕೆತ್ತಿ. ಈ ವೇಳೆ ಉಸಿರನ್ನು ಬಿಡಿ.
• ಕುತ್ತಿಗೆ ಹಾಗೂ ತಲೆಯು ನೆಲದ ಮೇಲೆ ಇರುವ ಹಾಗೆ ದೇಹವನ್ನು ಮೇಲಕ್ಕೆತ್ತಿಕೊಳ್ಳಿ ಮತ್ತು ಇದೇ ಭಂಗಿಯಲ್ಲಿ ಸ್ವಲ್ಪ ಹೊತ್ತು ಇರಲಿ. ದೇಹವು ಸೇತುವೆ ಆಕಾರದಲ್ಲಿ ಇರಲಿ.
• ಐದು ಸಲ ಹೀಗೆ ಮಾಡಿ ಮತ್ತು ಉಸಿರು ತೆಗೆದುಕೊಂಡು, ಬಿಡುತ್ತಾ ಇರಿ.
ಶವಾಸನ
• ಕಣ್ಣುಗಳನ್ನು ಮುಚ್ಚಿಕೊಂಡು ನೆಲದ ಮೇಲೆ ಮಲಗಿ.
• ಕಾಲುಗಳು ಆರಾಮವಾಗಿರಲಿ ಮತ್ತು ಮೊಣಕಾಲುಗಳು ಹಾಗೆ ಸಂಪೂರ್ಣವಾಗಿ ವಿಶ್ರಾಂತಿ ಮಾಡುತ್ತಿರಲಿ. ಕೈಗಳನ್ನು ಹಾಗೆ ದೇಹದ ಬದಿಗಿಡಿ ಮತ್ತು ಸ್ವಲ್ಪ ದೂರವಿಡಿ. ಅಂಗೈಯನ್ನು ಅಗಲವಾಗಿಡಿ.
• ಮೂಗಿನ ತುದಿಗೆ ನಿಮ್ಮ ಗಮನವನ್ನು ತನ್ನಿ ಮತ್ತು ಉಸಿರಿನ ಕಡೆಗೆ ಮನಸ್ಸನ್ನು ಕೇಂದ್ರೀಕರಿಸಿ.
• ನಿಧಾನವಾಗಿ ಹಾಗೂ ಆಳವಾಘಿ ಉಸಿರಾಡಿ. ಉಸಿರು ಹಾಗೆ ಆರಾಮ ಮಾಡಲು ಬಿಡಿ. ನೀವು ಈ ವೇಳೆ ನಿದ್ರೆಗೆ ಜಾರದಂತೆ ನೋಡಿಕೊಳ್ಳಿ.
• ನಿಮಗೆ ತುಂಬಾ ಆರಾಮವೆನಿಸಿದ ವೇಳೆ 5-10 ನಿಮಿಷ ಬಿಟ್ಟು ಎದ್ದೇಳಿ ಮತ್ತು ಆರಾಮವಾದ ಭಂಗಿಯಲ್ಲಿ ಕುಳಿತುಕೊಳ್ಳಿ.
