ಮೈಗ್ರೇನ್ ಎನ್ನುವ ಸಮಸ್ಯೆಯು ಕಾಡಲು ಆರಂಭಿಸಿದರೆ ಆಗ ಇದರಿಂದ ಪರಿಹಾರ ಪಡೆಯುವುದು ತುಂಬಾ ಕಷ್ಟವಾಗುವುದು. ನಿತ್ಯದ ಕೆಲಸ ಕಾರ್ಯಗಳಿಗೆ ಇದರಿಂದ ತುಂಬಾ ತೊಂದರೆ ಆಗುವುದು. ನಿದ್ರಿಸಲು ಬಯಸಿದರೂ ಇದು ನಿದ್ರೆಗೆ ತೊಂದರೆ ಉಂಟು ಮಾಡುವುದು. ನರದ ಸಮಸ್ಯೆಯಿಂದಾಗಿ ಕಾಡುವ ಈ ತಲೆನೋವು ಮಧ್ಯಮದಿಂದ ತೀವ್ರವಾಗಿರುವುದು.
ಇದು ತಲೆಯ ಒಂದು ಭಾಗದಲ್ಲಿ ಮಾತ್ರ ಕಾಣಿಸಿಕೊಳ್ಳುವುದು ಹಾಗೂ 2 ಗಂಟೆಯಿಂದ 2 ದಿನಗಳ ಕಾಲ ಇದು ಇರುವುದು. ಮೈಗ್ರೇನ್ ತಲೆನೋವು ಕಾಡಿದರೆ ಆಗ ಶಬ್ದ ಮತ್ತು ಬೆಳಕಿಗೆ ತುಂಬಾ ಸೂಕ್ಷ್ಮತೆಯು ಉಂಟಾಗುವುದು. ಮೈಗ್ರೇನ್ ತಲೆನೋವಿನಿಂದಾಗಿ ಇತರ ಕೆಲವೊಂದು ಸಮಸ್ಯೆಯಾಗಿರುವಂತಹ ವಾಂತಿ, ವಾಕರಿಕೆ ಮತ್ತು ನೋವು ಕೂಡ ಕಾಣಿಸುವುದು.
ಇಂತಹ ಮೈಗ್ರೇನ್ ನಿವಾರಣೆ ಮಾಡಲು ನೀವು ಔಷಧಿ ಮೊರೆ ಹೋಗಿದ್ದರೆ ಅದು ದೀರ್ಘಕಾಲ ತನಕ ಪರಿಹಾರ ನೀಡದು. ಇದರ ಬದಲಿಗೆ ನಿತ್ಯವೂ ಕೆಲವೊಂದು ಯೋಗಾಸನಗಳನ್ನು ಅಭ್ಯಾಸ ಮಾಡಿಕೊಂಡು ಹೋದರೆ ಆಗ ಖಂಡಿತವಾಗಿಯೂ ಇದು ಮೈಗ್ರೇನ್ ಸಮಸ್ಯೆಯನ್ನು ಕಡಿಮೆ ಮಾಡುವುದು.
ಮೈಗ್ರೇನ್ ನಿವಾರಣೆಗೆ ಕೆಲವು ಯೋಗಾಸನಗಳು
ಇಂತಹ ನೋವನ್ನು ಹೇಗೆ ಕಡಿಮೆ ಮಾಡುವುದು ಎಂದು ನಿಮಗೆ ತುಂಬಾ ಚಿಂತೆಯಾಗಿರಬಹುದು. ಇದಕ್ಕಾಗಿ ನೀವು ಮೆದುಳಿಗೆ ಸ್ವಲ್ಪ ಹೆಚ್ಚಿನ ಆಮ್ಲಜನಕದ ಸರಬರಾಜು ಮಾಡಬೇಕು. ಉಸಿರನ್ನು ತೆಗೆದುಕೊಳ್ಳುವುದು ಹಾಗೂ ಬಿಡುವುದು ಯೋಗದಲ್ಲಿ ಪ್ರಮುಖವಾಗಿರುವ ಕಾರಣದಿಂದ ಮೈಗ್ರೇನ್ ನಿವಾರಣೆಗೆ ಇದು ಯೋಗವು ಪರಿಣಾಮಕಾರಿ ಆಗಿರುವುದು.
ಅಧೋಮುಖ ಶ್ವಾನಾಸನ
ಕೆಳಗೆ ಮುಖ ಮಾಡಿರುವ ನಾಯಿಯ ಭಂಗಿ ಅಥವಾ ಅಧೋಮುಖ ಶ್ವಾನಾಸಾನವು ಮೆದುಳಿಗೆ ರಕ್ತ ಸಂಚಾರವನ್ನು ಉತ್ತಮಪಡಿಸುವುದು. ಇದು ದೇಹವನ್ನು ಎಳೆಯುವುದು ಮತ್ತು ಮೆದುಳಿಗೆ ಶಮನ ನೀಡುವುದು. ಮೂಳೆಗಳನ್ನು ಬಲಪಡಿಸಲು ಇದು ಸಹಕಾರಿ.
• ಮೊಣಕಾಲು ಮತ್ತು ಅಂಗೈಯ ನೆರವಿನಿಂದ ಟೇಬಲ್ ಆಕೃತಿ ಮಾಡಿಕೊಳ್ಳಿ. ಕಾಲು ಮತ್ತು ಕೈಗಳು ಟೇಬಲ್ ನ ಕಾಲುಗಳೆಂದು ಭಾವಿಸಿ.
• ಉಸಿರನ್ನು ಹೊರಗೆ ಬಿಡುತ್ತಿರುವ ವೇಳೆ ನೀವು ಸೊಂಟವನ್ನು ಮೇಲಕ್ಕೆ ಎತ್ತಿ ಮತ್ತು ಮೊಣಕಾಲು ಮತ್ತು ಮೊಣಕೈಯನ್ನು ನೇರವಾಗಿಸಿ. ದೇಹವನ್ನು ನೀವು ವಿ ಆಕಾರವಾಗಿಸಿ.
• ಕೈಗಳನ್ನು ಭುಜದ ಅಂತದಲ್ಲಿ ದೂರದಲ್ಲಿ ಇಡಬೇಕು. ಪಾದಗಳು ಸೊಂಟದಷ್ಟು ಅಗಳದಲ್ಲಿ ಸಮಾನಾಂತರವಾಗಿ ಇರಬೇಕು. ಕಾಲ್ಬೆರಳುಗಳು ನೇರವಾಗಿ ಇರಬೇಕು.
• ಕೈಗಳನ್ನು ಹಾಗೆ ನೆಲದ ಮೇಲೆ ಒತ್ತಿಕೊಳ್ಳಿ. ಭುಜಗಳನ್ನು ಹಾಗೆ ಸ್ವಲ್ಪ ಅಗಲವಾಗಿಸಿಕೊಂಡು, ಕುತ್ತಿಗೆಯನ್ನು ನೇರವಾಗಿಟ್ಟು, ಕೈಯ ಒಳಗಿನ ಭಾಗದಿಂದ ಕಿವಿಗಳನ್ನು ಮುಟ್ಟಬೇಕು.
• ಈಗ ನೀವು ಈ ಭಂಗಿಯಲ್ಲಿ ಇದ್ದುಕೊಂಡು ದೀರ್ಘವಾಗಿ ಉಸಿರಾಡಿ. ಈ ವೇಳೆ ನಾಭಿಯ ಭಾಗವನ್ನು ನೋಡುತ್ತಲಿರಿ.
• ಉಸಿರನ್ನು ಬಿಡಿ, ಮೊಣಕಾಲನ್ನು ಮಡಚಿ ಮತ್ತು ಟೇಬಲ್ ನ ಆಕಾರಕ್ಕೆ ಬನ್ನಿ.
ಸೇತುಬಂಧಾಸನ
ಸೇತುಬಂಧಾಸನವು ಹೊಟ್ಟೆಯ ಸ್ನಾಯುಗಳನ್ನು ಎಳೆಯುವ ಮೂಲಕ ಹೊಟ್ಟೆಯ ಬೊಜ್ಜು ಕರಗಿಸಲು ತುಂಬಾ ಸಹಕಾರಿ ಆಗಿರುವುದು. ಇದು ಮೈಗ್ರೇನ್ ನಿವಾರಣೆ ಮಾಡಲು ಸಹಕಾರಿ. ಇದು ಮೆದುಳನ್ನು ಶಾಂತವಾಗಿಸುವುದು ಹಾಗೂ ಆಂತಕ ಕಡಿಮೆ ಮಾಡುವುದು.
• ಬೆನ್ನ ಮೇಲೆ ಮಲಗಿಕೊಂಡು ಹಾಗೆ ಕಾಲುಗಳನ್ನು ನೇರವಾಗಿ ಇಡಬೇಕು. ಸ್ವಲ್ಪ ಹಿತಕರವಾದ ಅಂತರವನ್ನು ಕಾಯ್ದುಕೊಳ್ಳಿ. ಈಗ ಕೈಗಳನ್ನು ಪಕ್ಕೆಲುಬಿನ ಭಾಗದಲ್ಲಿ ಇಡಬೇಕು. ಮೊಣಕೈಯನ್ನು 90 ಡಿಗ್ರಿಯಲ್ಲಿ ಬಗ್ಗಿಸಿಕೊಳ್ಳಿ ಮತ್ತು ಬೆರಳುಗಳು ಹಾಗೆ ಆಕಾಶ ನೋಡುತ್ತಲಿರಲಿ.
• ಉಸಿರನ್ನು ಎಳೆದುಕೊಳ್ಳುವ ವೇಳೆ ಭುಜದ ಹಿಂದಿನ ಭಾಗ ಮತ್ತು ಪಾದಗಳನ್ನು ಹಾಗೆ ನೆಲಕ್ಕೆ ಒತ್ತಿಕೊಲ್ಳಿ ಮತ್ತು ಸೊಂಟವನ್ನು ಮೇಲಕ್ಕೆ ಎತ್ತಿ. ಒಳಗಿನ ಪಾದವನ್ನು ಹಾಗೆ ಕೆಳಗೆ ಒತ್ತಿ ಮತ್ತು ಮೊಣಕಾಲನ್ನು ದೂರದಲ್ಲಿಡಿ.
• ಬಾಲಮೂಳೆಯನ್ನು ಎಳೆಯುವ ಮೂಲಕ ಭುಜವನ್ನು ಹಾಗೆ ಬೆನ್ನ ಹಿಂದೆ ತನ್ನಿ ಮತ್ತು ಕುತ್ತಿಗೆಯನ್ನು ಸ್ಥಿರವಾಗಿ ಇಡಬೇಕು. 5-15 ಉಸಿರಿನ ತನಕ ನೀವು ಹೀಗೆ ಇರಬೇಕು.
• ಇದರ ಬಳಿಕ ಮೊದಲಿನ ಭಂಗಿಗೆ ಬನ್ನಿ. ಕೈಗಳನ್ನು ಬಿಡುಗಡೆ ಮಾಡಿ ಮತ್ತು ಬೆನ್ನನ್ನು ಕೆಳಗೆ ಮಾಡಿ ಉಸಿರನ್ನು ಬಿಡಿ.
ಹಸ್ತಪಾದಾಸನ
ಹಸ್ತಪಾದಾಸನ ಅಥವಾ ನಿಂತುಕೊಂಡು ಮುಂದಕ್ಕೆ ಬಾಗುವಂತಹ ಯೋಗಾಸನವು ರಕ್ತ ಸಂಚಾರವನ್ನು ವೃದ್ಧಿಸುವುದು ಮತ್ತು ನರ ವ್ಯವಸ್ಥೆಯನ್ನು ಪುನಶ್ಚೇತನಗೊಳಿಸುವುದು. ಅದೇ ರೀತಿ ಇದು ಮನಸ್ಸನ್ನು ಶಾಂತವಾಗಿಸುವುದು.
• ಕಾಲುಗಳನ್ನು ಹಾಗೆ ಜತೆಯಾಗಿ ಇಟ್ಟುಕೊಂಡು ನೇರವಾಗಿ ನಿಂತುಕೊಳ್ಳಿ. ಕೈಗಳು ದೇಹದ ಬದಿಯಲ್ಲೇ ಇರಲಿ.
• ಉಸಿರಾಡಿ ಮತ್ತು ಕೈಗಳನ್ನು ತಲೆಯಿಂದ ಮೇಲಕ್ಕೆ ಎತ್ತಿ.
• ಉಸಿರನ್ನು ಬಿಡುತ್ತಾ ಮುಂದಕ್ಕೆ ಬಾಗಿ ಮತ್ತು ಪಾದದ ಕಡೆಗೆ ಕೈಗಳನ್ನು ತನ್ನಿ. ನೆಲವನ್ನು ಸ್ಪರ್ಶಿಸಲು ಪ್ರಯತ್ನಿಸಿ.
• ಅರ್ಧ ನಿಮಿಷ ಕಾಲ ಈ ಭಂಗಿಯಲ್ಲಿ ಇರಬೇಕು ಮತ್ತು ಇದರ ಬಳಿಕ ನೀವು ಮೊದಲಿನ ಭಂಗಿಗೆ ಬನ್ನಿ.
ಉಸ್ಟ್ರಾಸನ
ಹಿಂದಕ್ಕೆ ಬಾಗುವಂತಹ ಮತ್ತೊಂದು ಆಸನವಾಗಿರುವ ಇದು ಹೊಟ್ಟೆಯ ಭಾಗವನ್ನು ಎಳೆಯುವುದು ಮತ್ತು ತೊಡೆ, ಬೆನ್ನನ್ನು ಬಲಪಡಿಸಿ ತಲೆನೋವು ನಿವಾರಿಸುವುದು.
• ಯೋಗ ಮ್ಯಾಟ್ ಮೇಲೆ ಮೊಣಕಾಲೂರಿಕೊಂಡು ಹಾಗೆ ಕೈಗಳನ್ನು ಸೊಂಟದ ಮೇಲೆ ಇಡಬೇಕು.
• ಮೊಣಕಾಲು ಮತ್ತು ಭುಜವು ಸಮಾನಾಂತರವಾಗಿ ಇರಬೇಕು ಎನ್ನುವುದನ್ನು ನೀವು ಸ್ಪಷ್ಟಪಡಿಸಬೇಕು.
• ಉಸಿರಾಡಿಕೊಂಡು ಹಾಗೆ ಬಾಲ ಮೂಳೆಯನ್ನು ಕೆಳಗೆ ಎಳೆಯಿರಿ. ನಾಭಿಯ ಭಾಗವು ತುಂಬಿದಂತೆ ಆಗಬೇಕು.
• ನೀವು ಹೀಗೆ ಮಾಡುತ್ತಿರುವ ವೇಳೆ ಬೆನ್ನು ಬಿಲ್ಲಿನ ಆಕಾರಕ್ಕೆ ಬರುವುದು. ಅಂಗೈಗಳನ್ನು ಹಾಗೆ ಪಾದದ ಕಡೆಗೆ ಕೊಂಡೊಯ್ಯಿರಿ ಮತ್ತು ಕೈಗಳನ್ನು ನೇರವಾಗಿಸಿ.
• ಕುತ್ತಿಗೆಯನ್ನು ಹಾಗೆ ಸ್ಥಿರವಾಗಿ ಇಡಬೇಕು. ಕುತ್ತಿಗೆಗೆ ಒತ್ತಡ ಬೀಳಬಾರದು.
• 30-60 ಸೆಕೆಂಡು ಕಾಲ ಹೀಗೆ ಇದೇ ಭಂಗಿಯಲ್ಲಿ ಇರಬೇಕು. ಇದರ ಬಳಿಕ ಮೊದಲಿನ ಭಂಗಿಗೆ ಬನ್ನಿ.
ಶಿಶುಆಸನ
ಶಿಶುಆಸನವು ಮನಸ್ಸು ಮತ್ತು ದೇಹವನ್ನು ಶಾಂತವಾಗಿಸುವುದು. ಇದು ದೇಹವನ್ನು ಸಂಪೂರ್ಣವಾಗಿ ಎಳೆಯುವುದು.
ಇದನ್ನು ಮಾಡುವ ವಿಧಾನ
• ಮೊಣಕಾಲೂರಿ ನೆಲದ ಮೇಲೆ ನಿಲ್ಲಿ.
• ಈಗ ಕಾಲಿನ ಮೇಲೆ ಕುಳಿತುಕೊಂಡು ಹಾಗೆ ಮುಂದಕ್ಕೆ ಬಾಗಿ
• ನೆಲವನ್ನು ಹಣೆಯ ಭಾಗದಿಂದ ಮುಟ್ಟಲು ಪ್ರಯತ್ನಿಸಿ ಮತ್ತು ಕೈಗಳನ್ನು ಮುಂದಕ್ಕೆ ಎಳೆಯಿರಿ. ಈ ಭಂಗಿಯಲ್ಲಿ ಕೆಲವು ಕೆಲವು ನಿಮಿಷ ಇರಬಹುದು. ಇದರ ಬಳಿಕ ಮೂಲ ಭಂಗಿಗೆ ಬನ್ನಿ.
• ಮೈಗ್ರೇನ್ ನಿಯಂತ್ರಿಸಲು ಯೋಗವು ತುಂಬಾ ಪರಿಣಾಮಕಾರಿ ಆಗಿರುವುದು. ಆದರೆ ಇದನ್ನು ಔಷಧಿಗೆ ಪರ್ಯಾಯವಾಗಿ ಬಳಕೆ ಮಾಡಬಾರದು. ವೈದ್ಯರು ಸೂಚಿಸಿರುವ ತನಕ ನೀವು ಈ ಔಷಧಿಗಳ ಸೇವನೆ ಮಾಡಿ.
• ಔಷಧಿಗಳ ಜತೆಗೆ ನೀವು ಯೋಗಾಭ್ಯಾಸವನ್ನು ಮಾಡುತ್ತಲಿದ್ದರೆ ಆಗ ಮೈಗ್ರೇನ್ ಪರಿಣಾಮವು ಕಡಿಮೆ ಆಗುವುದು. ಹೀಗಾಗಿ ನೀವು ಮೈಗ್ರೇನ್ ಕಡಿಮೆ ಮಾಡಲು ಮೇಲೆ ಸೂಚಿಸಿರುವಂತಹ ಯೋಗಗಳನ್ನು ಅಭ್ಯಾಸ ಮಾಡಿ.
