ಮುಂಬೈ: ಮುಂಬೈನ ಸೆಂಟ್ರಲ್ ರೈಲ್ವೆ ನಿಲ್ದಾಣದಲ್ಲಿ ಇಂದು ಬೆಳಗ್ಗೆ 9:45ರ ಸುಮಾರಿಗೆ ವ್ಯಕ್ತಿಯೊಬ್ಬ ರೈಲು ನಿಲ್ದಾಣದಲ್ಲಿ ನಿಂತಾಗ ಹಿಂಬದಿಯ ಬಾಗಿಲಿನಿಂದ ಹಾರಿದ ಪರಿಣಾಮ ಕಬ್ಬಿಣದ ಬೇಲಿಯಲ್ಲಿ ಕುತ್ತಿಗೆ ಸಿಲುಕಿ ಮೃತಪಟ್ಟಿದ್ದಾರೆ. ಈ ದಾರುಣ ಘಟನೆ ಪಶ್ಚಿಮ ರೈಲ್ವೆ ವ್ಯಾಪ್ತಿಯ ರೈಲು ನಿಲ್ದಾಣದಲ್ಲಿ ನಡೆದಿದೆ.
ಸ್ಥಳೀಯ ರೈಲಿನಿಂದ ಇಳಿಯುವ ಸಂದರ್ಭ, ಆ ವ್ಯಕ್ತಿ ಅಧಿಕೃತ ಗೇಟ್ ಬದಲು ಹಿಂಬದಿಯಿಂದ ಬೇಲಿ ಪ್ರದೇಶದ ಕಡೆ ಹಾರಲು ಯತ್ನಿಸಿದ್ದಾರೆ. ಆದರೆ ಈ ಸಾಹಸದ ಪ್ರಯತ್ನ ದುರಂತಕ್ಕೆ ಕಾರಣವಾಯಿತು. ರೈಲ್ವೆ ಪೊಲೀಸರ ಪ್ರಕಾರ, ಹಾರುವ ಸಂದರ್ಭ ಅವನು ನಿಯಂತ್ರಣ ಕಳೆದುಕೊಂಡು ಕಬ್ಬಿಣದ ಬೇಲಿಯ ಮೇಲೆ ಬಿದ್ದು, ಮೊನಚಾದ ಸರಳುಗಳು ಕುತ್ತಿಗೆಗೆ ತೀವ್ರವಾಗಿ ಬಡಿದ ಪರಿಣಾಮ ಭಾರಿ ರಕ್ತಸ್ರಾವವಾಯಿತು.
ಘಟನೆ ಆದ ತಕ್ಷಣವೇ ಆತನನ್ನು ಮುಂಬೈನ ನಾಯರ್ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ವೈದ್ಯರು ಆತ ಅದಾಗಲೇ ಸಾವನ್ನಪ್ಪಿರುವುದಾಗಿ ದೃಢಪಡಿಸಿದ್ದಾರೆ. ಮೃತನ ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಘಟನೆ ಸ್ಥಳದಲ್ಲಿದ್ದ ಪ್ರಯಾಣಿಕರು ಈ ದೃಶ್ಯ ಕಂಡು ತೀವ್ರವಾದ ಶಾಕ್ಗೆ ಒಳಗಾದರು. ಪ್ರತ್ಯಕ್ಷದರ್ಶಿಗಳ ಪ್ರಕಾರ, ಆ ವ್ಯಕ್ತಿ ವಿರುದ್ಧ ದಿಕ್ಕಿನಿಂದ, ಅಂದರೆ ಬೇಲಿ ಪ್ರದೇಶದಿಂದ ಇಳಿಯಲು ಪ್ರಯತ್ನಿಸಿದ್ದಾರೆ ಎಂದು ಅವರು ಹೇಳಿದರು. ಪ್ರಯತ್ನದ ಸಮಯದಲ್ಲಿ, ಅವನ ಕುತ್ತಿಗೆ ಬೇಲಿಯಲ್ಲಿ ಸಿಲುಕಿಕೊಂಡು ಹಾನಿಗೊಳಗಾಗಿದೆ ಎಂದು ಅಧಿಕಾರಿಗಳು ತಿಳಿಸಿದರು.
