‘ಊರ್ಧ್ವ’ವೆಂದರೆ ಮೇಲೆ; ಪದ್ಮ= ಕಮಲ, ತಾವರೆ. ಸರ್ವಾಂಗಸನದ ಈ ವ್ಯತ್ಯಸ್ತ ಭಂಗಿಯಲ್ಲಿ ಕಾಲುಗಳನ್ನು ನೇರವಾಗಿ ಚಾಚ್ಚಿಡುವುದಕ್ಕೆ ಪ್ರತಿಯಾಗಿ, ಅವುಗಳನ್ನು ಮಂಡಿಗಳಲ್ಲಿ ಭಾಗಿಸಿ, ಬಲಪಾದವು ಎಡತೊಡೆಯ ಮೇಲೆಯೂ ಎಡಪಾದವು ಬರತೊಡೆಯ ಮೇಲೆಯೂ ಬರುವಂತೆ ಕಾಲುಗಳನ್ನು ಅಡಗಿಸಿ, ಈ ಮೂಲಕ ‘ಪದ್ಮಾ’ಸನವನ್ನು ಬಂಧಿಸಿ, ಆ ಭಂಗಿಯಲ್ಲಿ ನಿಲ್ಲಬೇಕು
ಅಭ್ಯಾಸ ಕ್ರಮ
- ಮೊದಲು, ‘ ಸಾಲಂಬ ಸರ್ವಾಂಗಸನ’ದಿಂದ ಕಾಲುಗಳನ್ನು ಮಂಡಿಗಳಲ್ಲಿ ಭಾಗಿಸಿ, ಅವುಗಳನ್ನು ಒಂದರ ಮೇಲೊಂದು ಬರುವಂತೆ ಅಡಗಿಸಿಡಬೇಕು. ಅಂದರೆ ಮೊದಲು ಬಲಪಾದವನ್ನು ಎಡತೊಡೆಯ ಮೇಲಿಟ್ಟು ಬಳಿಕ ಎಡಪಾದವನ್ನು ಬಲ ತೊಡೆಯ ಮೇಲಿಡಬೇಕು.
- ಆಮೇಲೆ,ಹೀಗೆ ಹೆಣೆದ ಕಾಲುಗಳ ಪದ್ಮಾಸನವನ್ನು ನೇರವಾಗಿ ಮೇಲೆತ್ತಿ. ಮಂಡಿಗಳನ್ನು ಹತ್ತಿರ ಬರುವಂತೆ ಸರಿಸಿ, ಮತ್ತೆ ಕಾಲುಗಳನ್ನು ಸಾಧ್ಯವಾದಷ್ಟು ವಸ್ತಿಕುಹರದಿಂದ ದೂರ ಕ್ಕಿರುವಂತೆ ಅಳವಡಿಸಬೇಕು.
- ಈ ಭಂಗಿಯಲ್ಲಿ, ಆಳವಾಗಿ ಮತ್ತು ಸಮವಾಗಿ ಉಸಿರಾಡುತ್ತ ಸುಮಾರು 20 ಸೆಕೆಂಡುಗಳ ಕಾಲ ನಡೆಸಬೇಕು.
- ಹಿಗ್ಗುವಿಕೆಯನ್ನು ಹೆಚ್ಚಿಸಲು, ತೋರಿಸಿರುವಂತೆ ಪಾರ್ಶ್ವ ಸರ್ವಂಗಾಸನದ ಅಭ್ಯಾಸ ಕ್ರಮದಲ್ಲಿ ಸೂಚಿಸಿರುವ ಬಗೆಯಿಂದ ಮುಂಡವನ್ನು ಒಂದು ಪಕ್ಕಕ್ಕೆ ತಿರುಚಿಡಬೇಕು.
- ಸರ್ವಾಂಗಾಸನದಲ್ಲಿಯ ಪಾಶ್ವಉರ್ಧ್ವಪದ್ಮಾಸನ — ಏಳು
- ‘ಪಾಶ್ವ’ ಎಂದರೆ ಪಕ್ಕ.
- ಪ್ರತಿಯೊಂದು ಪಕ್ಕದಲ್ಲಿಯೂ 10 15 ಸೆಕೆಂಡುಗಳ ಕಾಲ ಸಾಮಾನ್ಯ ಉಸಿರಾಟದಿಂದ ನೆಲೆಸಬೇಕು.
- ಬಳಿಕ, ಉಸಿರನ್ನು ಹೊರಕ್ಕೆ ಬಿಟ್ಟು ಮತ್ತೆ ಉರ್ಧ್ವ ಪದ್ಮಾಸನ ಭಂಗಿಗೆ ತಂದು, ಸ್ವಲ್ಪ ಕಾಲ ವಿಶ್ರಮಿಸಿಕೊಳ್ಳಬೇಕು.
- ಈಗ ಉಸಿರನ್ನು ಹೊರಕ್ಕೆ ಬಿಟ್ಟು ಬೆನ್ನನ್ನು ಹಿಂಬಾಗಕ್ಕೆ ಬಿಲ್ಲಿನಂತೆ ಬಗ್ಗಿಸಬೇಕು ಇದನ್ನು ಸಾಧಿಸಲು “ಸೇತುಬಂಧಸರ್ವಾಂಗಸನ ಅಭ್ಯಾಸ ಕ್ರಮವನ್ನನು ಸರಿಸಬೇಕು. ಆ ಬಳಿಕ, ತೊಡೆಗಳನ್ನು ಮೆಲ್ಲಗೆ ಹಿಂಭಾಗಕ್ಕೆ ಹಿಗ್ಗಿಸಿ, ಮಂಡಿಗಳನ್ನು ನೆಲಕ್ಕೆ ಮುಟ್ಟಿಸಿ,ದೇಹವನ್ನು ಕೈಗಳ ಆಸರೆಗೊಳಪಡಿಸಿ, ಸೇತುವೆಯಾಕಾರಕ್ಕೆ ತಂದು ನಿಲ್ಲಿಸಬೇಕು. ಇಂಥ ಆಸನದ ಹೆಸರು.
ಉತ್ತಾನಪದ್ಮಮಯೂರಾಸನ— 25
‘ಉತ್ತಾನ’ವೆಂದರೆ ಹೆಚ್ಚಾಗಿ ಹಿಗ್ಗಿಸಿದ ;ಪದ್ಮ =ತಾವರೆ ಕಮಲ; ‘ಮಯೂರ ’ನವಿಲು. - ಈ ಭಂಗಿಯಲ್ಲಿ ಸುಮಾರ್ 10 15 ಸೆಕೆಂಡುಗಳ ಕಾಲ ಸಾಮಾನ್ಯ ಉಸಿರಾಟದಿಂದ ನೆಲೆಸಬೇಕು.
- ಉಸಿರನ್ನು ಹೊರಬಿಟ್ಟು, ಉರ್ಧ್ವಪದ್ಮಾಸನದ ಬಭಂಗಿಗೆ ಬರಬೇಕು.
- ಆಮೇಲೆ,ಕಾಲುಗಳನ್ನು ಬಿಚ್ಚಿ ಸಾಲಂಬ ಸರ್ವಾಂಗಾಸನಕ್ಕೆ ಹಿಂದಿರುಗಿ, ಆಸನಕ್ರಮವನ್ನು ವ್ಯತ್ಯಾಸ ಮಾಡಿ, ಅಂದರೆ ಎಡಪಾದಗಳನ್ನು ಬಲತೊಡೆಯ ಮೇಲೆಯೂ ಬಳಿಕ ಬಲಪಾದವನ್ನು ಎಡತೊಡೆಯಮೇಲೆಯೂ ಬರುವಂತೆ ಕಾಲುಗಳನ್ನು ಅಡಗಿಸಿಟ್ಟು ಈ ಭಂಗಿಯನ್ನು ಮತ್ತೆ ಮಾಡಬೇಕು ಅಲ್ಲದೆ, ಹಿಂದೆ ವಿವರಿಸಿದಂತೆಯೇ ಪ್ರತಿ ಭಂಗಿಯಲ್ಲೂ ನೆಲಸುವ ಕಾಲ ಸಮವಾಗಿರಬೇಕು.
