ಚರ್ಮದ ಬಹುತೇಕ ಸಮಸ್ಯೆಗಳಿಗೆ ಅಲೋವೆರಾ ಜೆಲ್ ಉತ್ತಮ ಬಳಕೆಯಾಗಿದೆ. ಅಷ್ಟೇ ಯಾಕೆ ಕೂದಲಿನ ಸಮಸ್ಯೆಗೂ ಅಲೋವೆರಾ ಜೆಲ್ ಮುಂಚೂಣಿಯಲ್ಲಿ ಸಿಗುವ ಸುಲಭದ ಪರಿಹಾರವಾಗಿದೆ. ಅಲೋವೆರಾ ಬೇಸಿಗೆಯಲ್ಲಿ ಹೆಚ್ಚು ಉಪಯುಕ್ತ.
ಬೇಸಿಗೆಯಲ್ಲಿ ಮೊಡವೆಗಳನ್ನು ತೊಡೆದು ಹಾಕುವುದರಿಂದ ಹಿಡಿದು, ಮಾಯಿಶ್ಚರೈಸರ್ ಮತ್ತು ಸನ್‌ಸ್ಕ್ರೀನ್ ಆಗಿಯೂ ಕಾರ್ಯನಿರ್ವಹಿಸುತ್ತದೆ. ಉತ್ತಮ ಹೊಳಪನ್ನು ಪಡೆಯಲು ಅಲೋವೆರಾ ಎಂಬುದು ಮೊದಲು ಬರುವ ಹೆಸರು. ಜೆಲ್ ರೂಪದಲ್ಲಿ ಅಲೋವೆರಾವನ್ನು ಸೌಂದರ್ಯವನ್ನು ವೃದ್ದಿಸಲು ಹೇಗೆಲ್ಲಾ ಬಳಸಬಹುದು ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಮೇಕಪ್‌ ಮೊದಲು ಪ್ರೈಮರ್‌ ಆಗಿ ಬಳಸಿ
ಕ್ರೀಮ್‌ಗಳನ್ನು ಹಚ್ಚುವುದರಿಂದ ಚರ್ಮದ ಮೇಲೆ ಗಂಭೀರ ಪರಿಣಾಮ ಬಿರುತ್ತದೆ. ಇದನ್ನು ತಡೆಯಲು ಅಲೋವೆರಾ ಜೆಲ್ ಉತ್ತಮ ಪದಾರ್ಥವಾಗಿ ಕೆಲಸ ಮಾಡುತ್ತದೆ.
ಮೇಕಪ್‌ ಹಾಕುವ 10 ನಿಮಿಷ ಮೊದಲು ಮುಖಕ್ಕೆ ಅಲೋವೆರಾ ಜೆಲ್ ಹಚ್ಚಿ ಚೆನ್ನಾಗಿ ಮಸಾಜ್‌ ಮಾಡಿಕೊಳ್ಳಿ. ನಂತರ ನೇರವಾಗಿ ಪೌಂಡೇಶನ್‌ ಕ್ರೀಮ್‌ನ್ನು ಹಚ್ಚಬಹುದು. ಇದು ಮೇಕಪ್‌ಅನ್ನು ಚೆನ್ನಾಗಿ ಹಿಟಿದುಟ್ಟುಕೊಂಡು ಹೆಚ್ಚು ಹೊತ್ತು ಮೇಕಪ್‌ ಉಳಿಯುವಂತೆ ಮಾಡುತ್ತದೆ.
ಚರ್ಮವನ್ನು ಮೃದುಗೊಳಿಸುತ್ತದೆ
ಒಣಗಿದ ಚರ್ಮ ಸುಕ್ಕುಗಟ್ಟಿದಂತಾಗಿ ಕೆಟ್ಟದಾಗಿ ಕಾಣುತ್ತದೆ. ಅಲ್ಲದೆ ಪಾದಗಳಲ್ಲಿ ಚರ್ಮದ ಸುಲಿದು ಬರುತ್ತದೆ. ಇದನ್ನು ಸರಿಪಡಿಸಲು ಅಲೋವೆರಾ ಜೆಲ್ ಸಹಾಯಕಾವಗಿದೆ. ಚರ್ಮದ ಮೇಲಿನ ಸತ್ತ ಜೀವಕೋಶಗಳನ್ನು ನಾಶಪಡಿಸಿ ಮೃದು ಚರ್ಮವನ್ನು ಅಲೋವೆರಾ ಜೆಲ್ ನೀಡುತ್ತದೆ.
1 ಚಮಚ ಅಲೋವೆರಾ ಜೆಲ್‌ಗೆ ಸಕ್ಕರೆ ಅಥವಾ ಉಪ್ಪನ್ನು ಸೇರಿಸಿ ಮಿಶ್ರಣ ಮಾಡಿ ಸ್ಕ್ರಬ್‌ ಮಾಡಿ. ಇದು ಸುಲಿದ ಚರ್ಮವನ್ನು ತೆಗೆದುಹಾಕಿ ಹೊಸ ಚರ್ಮದ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಟಾನ್‌ ಆದ ಚರ್ಮವನ್ನೂ ಸರಿಪಡಿಸುತ್ತದೆ.
ಮೇಕಪ್‌ ರಿಮೂವರ್‌ ಆಗಿ ಬಳಸಿ
ರಾಸಾಯನಿಕ ಪದಾರ್ಥಗಳಿಂದ ತಯಾರಿಸಿದ ಮೇಕಪ್‌ ಹಚ್ಚಿಕೊಳ್ಳುವಾಗ ಹೇಗೆಲ್ಲಾ ಕಾಳಜಿ ವಹಿಸುತ್ತೀರೋ ಅದೇ ರೀತಿ ತೆಗೆಯುವಾಗಲೂ ಅದೇ ರೀತಿ ಕ್ರಮಗಳನ್ನು ಪಾಲಿಸಬೇಕು. ಇಲ್ಲವಾದರೆ ಚರ್ಮಕ್ಕೆ ಹಾನಿಯಾಗಿ ರಾಶಸ್‌ನಂತಹ ಸಮಸ್ಯೆ ಕಾಣಿಸಿಕೊಳ್ಳಬಹುದು. ಇದಕ್ಕೆ ಅಲೋವೆರಾ ಜೆಲ್ ಬೆಸ್ಟ್‌ ಯಾಕೆಂದರೆ ಇದು ಚರ್ಮವನ್ನು ರಕ್ಷಿಸುತ್ತದೆ ಅಲ್ಲದೆ ಕೆಮಿಕಲ್‌ಗಳು ಚರ್ಮದ ಮೇಲೆ ಮಾಡುವ ಹಾನಿಯನ್ನು ತಪ್ಪಿಸುತ್ತದೆ.
ಒಂದು ಹತ್ತಿ ಉಂಡೆಯನ್ನು ಮಾಡಿಕೊಳ್ಳಿ. ನಂತರ ಅದಕ್ಕೆ ಅಲೋವೆರಾ ಜೆಲ್‌ನ್ನು ಹಾಕಿಕೊಂಡು ಮೇಕಪ್‌ನ್ನು ತೆಗೆಯಿರಿ. ಇದರಿಂದ ಚರ್ಮಕ್ಕೂ ಹಾನಿಯಾಗದು ಜೊತೆಗೆ ಸುಲಭವಾಗಿ ಮೇಕಪ್‌ನ್ನೂ ತೆಗೆಯಬಹುದಾಗಿದೆ.
ಒಡೆದ ಹಿಮ್ಮಡಿಗೆ ಬಳಸಿ
ಬೇಸಿಗೆಯಲ್ಲಿ ಧೂಳು, ನಿರ್ಜಲೀಕರಣದಿಂದ ಹಿಮ್ಮಡಿಗಳು ಒಣಗುತ್ತದೆ. ಇದರಿಂದ ಬಿರುಕು ಬಿಟ್ಟ ರೀತಿಯಲ್ಲಿ ಕಾಣುತ್ತದೆ. ಇದನ್ನು ಸರಿಪಡಿಸಲು ಅಲೋವೆರ್‌ ಜೆಲ್ ಉತ್ತಮ ಮದ್ದಾಗಿದೆ.
4 ಚಮಚ ಅಲೋವೆರಾ ಜೆಲ್ ಜೊತೆಗೆ ಅರ್ಧ ಚಮಚ ಓಟ್‌ಮೀಲ್‌, 1 ಚಮಚ ಪರಿಮಳ ಇರದ ಬಾಡಿಲೋಷನ್‌ ಹಾಕಿ ಮಿಶ್ರಣ ಮಾಡಿ ಪಾದಗಳಿಗೆ ಮಾಸ್ಕ್‌ ರೀತಿ ಅಳವಡಿಸಿಕೊಳ್ಳಿ. ರಾತ್ರಿ ಮಲಗುವಾಗ ಇದನ್ನು ಹಾಕಿಕೊಂಡರೆ ಹೆಚ್ಚು ಹೊತ್ತು ಪಾದಗಳಲ್ಲಿ ಉಳಿದು, ಚರ್ಮವನ್ನು ಮಾಶ್ಚರೈಸ್‌ ಮಾಡುತ್ತದೆ.
