ಮನೆ ಉದ್ಯೋಗ ಡಿಗ್ರಿ ಪಾಸ್ ಮಾಡಿದ ಮಹಿಳೆಯರಿಗೆ ಬೆಂಗಳೂರಿನಲ್ಲಿನ ಬೆಸ್ಟ್ ಜಾಬ್ ಗಳು ಯಾವುವು? ಜಾಬ್ ಸರ್ಚ್ ಮಾಡುವುದೇಗೆ?

ಉದ್ಯೋಗ

ಡಿಗ್ರಿ ಪಾಸ್ ಮಾಡಿದ ಮಹಿಳೆಯರಿಗೆ ಬೆಂಗಳೂರಿನಲ್ಲಿನ ಬೆಸ್ಟ್ ಜಾಬ್ ಗಳು ಯಾವುವು? ಜಾಬ್ ಸರ್ಚ್ ಮಾಡುವುದೇಗೆ?

March 7, 2023

ತಾಂತ್ರಿಕೇತರ ಪದವಿಗಳಾದ ಬಿಎ, ಬಿಕಾಂ, ಬಿಎಸ್ಸಿ ಓದಿ ಬೆಂಗಳೂರಿನಲ್ಲಿ ಜಾಬ್ ಹುಡುಕುತ್ತಿರುವ ಮಹಿಳಾ ಪದವೀಧರರಿಗೆ ಯಾವೆಲ್ಲಾ ಉದ್ಯೋಗಗಳು ಲಭ್ಯ ಎಂದು ಇಂದಿನ ಲೇಖನದಲ್ಲಿ ತಿಳಿಸಲಾಗಿದೆ. ಹಾಗೆಯೇ ಜಾಬ್ ಸರ್ಚ್ ಮಾಡುವ ವಿಧಾನವನ್ನು ಇಲ್ಲಿ ತಿಳಿಸಲಾಗಿದೆ. ಆಸಕ್ತ ಮಹಿಳಾ ಅಭ್ಯರ್ಥಿಗಳು ಈ ಸಲಹೆಗಳನ್ನು ತಪ್ಪದೆ ಓದಿಕೊಳ್ಳಿ.

ಬಿಎ ಓದಿದವರಿಗೆ ಹುದ್ದೆಗಳು

ಬೆಂಗಳೂರಿನಲ್ಲಿ ಆರ್ಟ್ಸ್ ವಿಭಾಗದಲ್ಲಿ ಪದವಿ ಮುಗಿಸಿದವರಿಗೆ ಇಂತದ್ದೇ ಹುದ್ದೆ ಎಂದೇನಿಲ್ಲ. ರೂ.15,000 ವರೆಗೆ ಆರಂಭಿಕ ಸಂಬಳ ಸಿಗುವ ಯಾವುದೇ ಡೀಸೆಂಟ್ ಕೆಲಸಕ್ಕೆ ಸೇರಬಹುದು. ಅವುಗಳೆಂದರೆ ಶಾಪಿಂಗ್ ಮಾಲ್ ಗಳು / ಅಂಗಡಿಗಳಲ್ಲಿ ಬಿಲ್ಲಿಂಗ್ ವರ್ಕ್, ಎಜ್ಜಿಒ, ಫೈನಾನ್ಸ್ ಕಂಪನಿಗಳು, ಸೇಲ್ಸ್ ಎಕ್ಸಿಕ್ಯೂಟಿವ್, ದ್ವಿತೀಯ ದರ್ಜೆ ಸಹಾಯಕ ಮತ್ತು ಪ್ರಥಮ ದರ್ಜೆ ಸಹಾಯಕ, ಕಸ್ಟಮರ್ ಸಪೋರ್ಟ್ ಎಕ್ಸಿಕ್ಯೂಟಿವ್, ಟೆಲಿ ಕಾಲರ್ ಹುದ್ದೆಗಳನ್ನು ಕೋ ಆಪರೇಟಿವ್ ಸೊಸೈಟಿಗಳಲ್ಲಿ ಪಡೆಯಬಹುದು.

ತಾಂತ್ರಿಕೇತರ ಹುದ್ದೆಗಳು

ಬಿಎ ಪದವಿ ಪಾಸ್ ಮಾಡಿ, ಜತೆಗೆ ಕನಿಷ್ಠ ಬೇಸಿಕ್ ಕಂಪ್ಯೂಟರ್ ಕೋರ್ಸ್ ಪಡೆದು, ಇಂಗ್ಲಿಷ್ ಜ್ಞಾನ, ಕಂಪ್ಯೂಟರ್ ನಲ್ಲಿ ವಿಶೇಷವಾಗಿ ಮೈಕ್ರೋಸಾಫ್ಟ್ ವರ್ಲ್ಡ್, ಎಕ್ಸೆಲ್, ಟೈಪಿಂಗ್ ಅನ್ನು ಕಲಿತಿರಬೇಕು. ಇಂತಹವರಿಗೆ ಖಾಸಗಿ ಕಂಪನಿಗಳ ಕಚೇರಿಗಳಲ್ಲಿ ರಿಸಪ್ಷನಿಸ್ಟ್ ಹುದ್ದೆಗಳನ್ನು ನೀಡಿ ಅಥವಾ ಮ್ಯಾನೇಜರ್ ಹುದ್ದೆಗಳನ್ನು ನೀಡಿ ಉತ್ತಮ ಸಂಬಳ ನೀಡಲಾಗುತ್ತದೆ.

ಬಿಕಾಂ, ಬಿಬಿಎಂ, ವಾಣಿಜ್ಯ ವಿಭಾಗದಲ್ಲಿ ಡಿಗ್ರಿ ಪಡೆದವರಿಗೆ ಉದ್ಯೋಗಗಳು

ಬಿಕಾಂ, ಬಿಬಿಎಂ ಪಾಸಾದವರಿಗೆ ಬೆಂಗಳೂರಿನಲ್ಲಿ ಸಣ್ಣ, ಮಧ್ಯಮ, ದೊಡ್ಡ ಕಂಪನಿಗಳಲ್ಲಿ, ಹಾಗೆಯೇ ಸಣ್ಣ ಸಣ್ಣ ಬ್ಯುಸಿನೆಸ್ ಗಳಲ್ಲಿಯೂ ಉದ್ಯೋಗ ಅವಕಾಶಗಳು ಇರುತ್ತವೆ. ಅಕೌಂಟಿಂಗ್ ಸೆಕ್ಷನ್, HR ಡಿಪಾರ್ಟ್ ಮೆಂಟ್ ನಲ್ಲಿ ಕೆಲಸಗಳು ಸಿಗುತ್ತವೆ.

ಬಿಎಸ್ಸಿ ಓದಿದವರಿಗೆ ಉದ್ಯೋಗ

ಬಿಎಸ್ಸಿ ಪದವೀಧರೆ ಮಹಿಳಾ ಅಭ್ಯರ್ಥಿಗಳಿಗೆ ಮೆಡಿಕಲ್ ಪ್ರಾಡಕ್ಟ್ ಗಳು, ಹೆಲ್ತ್ ಪ್ರಾಡಕ್ಟ್ ಗಳು, ಲ್ಯಾಬ್ ಗಳಲ್ಲಿ ಕೆಲಸಗಳ ಲಭ್ಯ. ಇಲ್ಲಿ ಪ್ರಾಡಕ್ಟ್ ಗಳ ಗುಣಮಟ್ಟ ವಿಭಾಗದಲ್ಲಿ ಕೆಲಸ ಮಾಡಬೇಕಿರುತ್ತದೆ. ಉತ್ತಮ ಮತ್ತು ಆಕರ್ಷಕ ಸಂಬಳವು ಲಭ್ಯ.

ಜಾಬ್ ಸರ್ಚ್ ಮಾಡುವುದು ಹೇಗೆ?

ಮಹಿಳಾ ಅಭ್ಯರ್ಥಿಗಳು ಜಾಬ್ ಸರ್ಚ್ ಮಾಡಲು ತಮ್ಮ ಸೀನಿಯರ್ ಗಳನ್ನು ಸಂಪರ್ಕಿಸಬಹುದು. ಅಥವಾ ಸಂಬಂಧಿಗಳನ್ನು ಸಂಪರ್ಕಿಸಬಹುದು. ನೌಕರಿ, ಟೈಮ್ಸ್ ಜಾಬ್ಸ್, ಲಿಂಕ್ಡಿನ್ ನಲ್ಲಿ ಜಾಬ್ ಹುಡುಕಬಹುದು. ಅಥವಾ ಕಂಪನಿಗಳ ಅಧಿಕೃತ ವೆಬ್ಸೈಟ್’ಗಳಲ್ಲಿ ಜಾಬ್ ಹುಡುಕಬಹುದು.