ಬೆಂಗಳೂರು(Bengaluru): ಇತ್ತೀಚೆಗಷ್ಟೇ ಆ್ಯಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ನಿಂದ ಐಫೋನ್‌ಗೆ ಚಾಟ್, ಡಾಟಾ ವರ್ಗಾಯಿಸುವ ಆಯ್ಕೆ ಪರಿಚಯಿಸಿದ್ದ ವಾಟ್ಸ್‌ಆ್ಯಪ್, ಮತ್ತೊಂದು ಹೊಸ ಅಪ್‌ಡೇಟ್ ಪರಿಚಯಿಸಿದೆ.
ಬಳಕೆದಾರರ ಖಾಸಗಿತನ ಮತ್ತು ಭದ್ರತೆಗೆ ಸಂಬಂಧಿಸಿ ಹೊಸ ಅಪ್‌ಡೇಟ್ ಅನ್ನು ಬಿಡುಗಡೆ ಮಾಡಿರುವ ವಾಟ್ಸ್‌ಆ್ಯಪ್, ಡಿಸ್‌ಪ್ಲೇ ಪಿಕ್ಚರ್‌ (ಡಿಪಿ) ಅನ್ನು ಯಾರು ನೋಡಬೇಕು ಮತ್ತು ಯಾರು ನೋಡಬಾರದು ಎನ್ನುವ ಆಯ್ಕೆ ಮಾಡುವ ಅವಕಾಶವನ್ನು ಬಳಕೆದಾರರಿಗೆ ಒದಗಿಸಿದೆ.
ವಾಟ್ಸ್‌ಆ್ಯಪ್ ಸೆಟ್ಟಿಂಗ್ಸ್‌ಗೆ ಹೋಗಿ, ಅಲ್ಲಿ ಅಕೌಂಟ್ ಆಯ್ಕೆ ಮಾಡಿ. ಬಳಿಕ, ಪ್ರೈವೆಸಿ ಆಪ್ಷನ್ ಅಡಿಯಲ್ಲಿ ಪ್ರೊಫೈಲ್ ಫೋಟೊ ಎಂದಿರುವಲ್ಲಿ, ನಾಲ್ಕು ಆಯ್ಕೆಗಳಿರುತ್ತವೆ. ಅದರಲ್ಲಿ ನಿಮ್ಮ ಆದ್ಯತೆಗನುಸಾರ ಬೇಕಾಗಿರುವುದನ್ನು ಕ್ಲಿಕ್ ಮಾಡಿದರೆ ಆಯಿತು.ಲಾಸ್ಟ್ ಸೀನ್‌ಗೂ ಇದೇ ಹಂತಗಳನ್ನು ಅನುಸರಿಸಿದರೆ ಸಾಕು.
ಬಳಕೆದಾರರು, ತಮ್ಮ ಡಿಪಿ ಮತ್ತು ಲಾಸ್ಟ್ ಸೀನ್ ಅನ್ನು ನಿರ್ದಿಷ್ಟ ಜನರು ಮಾತ್ರ ನೋಡಿದರೆ ಸಾಕು ಎಂದಿದ್ದರೆ, ಇಲ್ಲಿ ಹೇಳಿರುವ ವಿಧಾನ ಅನುಸರಿಸಿ, ಸೆಟ್ಟಿಂಗ್ಸ್ ಬದಲಾಯಿಸಿಕೊಳ್ಳಬಹುದು.
