ನೀವು ಮಾನವಿಕ ವಿಭಾಗಗಳು, ವಾಣಿಜ್ಯ ವಿಭಾಗಗಳು, ವಿಜ್ಞಾನ ವಿಭಾಗಗಳು, ತಾಂತ್ರಿಕ ವಿಭಾಗಗಳು, ಕಾನೂನು ಹಾಗೂ ಸಮಾಜ ಸೇವೆ ಹೀಗೆ ಯಾವುದೇ ಪದವಿ ಕೋರ್ಸ್ ಮುಗಿಸಿದ್ದೀರಾ.. ಹಾಗಿದ್ರೆ ನೀವು ಕೇಂದ್ರ ಸರ್ಕಾರದ ಯಾವೆಲ್ಲ ಹುದ್ದೆಗಳಿಗೆ, ಯಾವೆಲ್ಲ ಸ್ಪರ್ಧಾತ್ಮಕ ಪರೀಕ್ಷೆಗಳನ್ನು ಬರೆಯಬಹುದು ಎಂದು ಇಲ್ಲೊಮ್ಮೆ ತಿಳಿದುಕೊಳ್ಳಿ.
ಕೇಂದ್ರ ಸರ್ಕಾರದಿಂದ ಈ ಕೆಳಗಿನ ಎಲ್ಲ ಪರೀಕ್ಷೆಗಳನ್ನು ಪ್ರತಿವರ್ಷ ನಡೆಸಲಾಗುತ್ತದೆ. ಆಸಕ್ತರು ತಕ್ಕ ಶೈಕ್ಷಣಿಕ ಅರ್ಹತೆ ಹೊಂದಿದ್ದಲ್ಲಿ, ತಮ್ಮಿಷ್ಟದ ಪರೀಕ್ಷೆ ತೆಗೆದುಕೊಳ್ಳಬಹುದು.
ಕೇಂದ್ರ ನಾಗರೀಕ ಸೇವೆ ಪರೀಕ್ಷೆ
ಪ್ರತಿವರ್ಷ ಈ ಪರೀಕ್ಷೆಗೆ ಅರ್ಜಿ ಆಹ್ವಾನಿಸಲಾಗುತ್ತದೆ. ಯಾವುದೇ ಪದವೀಧರರು ಅರ್ಜಿ ಸಲ್ಲಿಸಬಹುದು.
ಭಾರತೀಯ ಅರಣ್ಯ ಸೇವೆ
ಇಂಡಿಯನ್ ಫಾರೆಸ್ಟ್ ಸರ್ವೀಸ್ ಪರೀಕ್ಷೆ ತೆಗೆದುಕೊಳ್ಳಲು ಪದವಿಯಲ್ಲಿ ಪಶುಸಂಗೋಪನೆ ಮತ್ತು ಪಶುವೈದ್ಯಕೀಯ ವಿಜ್ಞಾನ/ ಸಸ್ಯಶಾಸ್ತ್ರ /ಅಂಕಿಅಂಶ ಮತ್ತು ಪ್ರಾಣಿಶಾಸ್ತ್ರ / ಕೃಷಿ ಪದವಿ / ರಸಾಯನಶಾಸ್ತ್ರ / ಭೂವಿಜ್ಞಾನ / ಗಣಿತ / ಭೌತಶಾಸ್ತ್ರ / ಅರಣ್ಯಶಾಸ್ತ್ರದಲ್ಲಿ ಯಾವುದಾದರೂ ಒಂದು ವಿಷಯವನ್ನು ಅಧ್ಯಯನ ಮಾಡಿರಬೇಕು.
ಭಾರತ ಆರ್ಥಿಕ ಸೇವೆ ಪರೀಕ್ಷೆ
ಅರ್ಥಶಾಸ್ತ್ರ ಮತ್ತು ಸ್ಟ್ಯಾಟಿಸ್ಟಿಕ್ಸ್’ನಲ್ಲಿ ಗ್ರಾಜುಯೇಟ್ ಆದವರು ಈ ಪರೀಕ್ಷೆ ತೆಗೆದುಕೊಳ್ಳಬಹುದು.
ಭಾರತ ಸಂಖ್ಯಾಶಾಸ್ತ್ರ ಸೇವೆಗಳ ಪರೀಕ್ಷೆ
ಸ್ಟ್ಯಾಟಿಸ್ಟಿಕ್ಸ್ ಗೆ ಸಂಬಂಧಿಸಿದ ವಿಷಯಗಳಲ್ಲಿ ಪದವಿ ಓದಿದವರು ಅರ್ಜಿ ಸಲ್ಲಿಸಬಹುದು.
ಕಂಬೈನ್ಡ್ ಡಿಫೆನ್ಸ್ ಸರ್ವೀಸ್ ಪರೀಕ್ಷೆ (ಸಿಡಿಎಸ್’ಇ)
ಬಿಇ / ಬಿ.ಟೆಕ್ ಪದವಿ ಓದಿದವರು ಅರ್ಜಿ ಸಲ್ಲಿಸಬಹುದು.
ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿ / ನೇವಲ್ ಅಕಾಡೆಮಿ ಪರೀಕ್ಷೆ
ಭೌತಶಾಸ್ತ್ರ / ರಸಾಯನ ಶಾಸ್ತ್ರ / ಗಣಿತವನ್ನು ಪದವಿ ಹಂತದಲ್ಲಿ ಅಧ್ಯಯನ ಮಾಡಿದವರು ಅರ್ಜಿ ಸಲ್ಲಿಸಬಹುದು.
ಕಂಬೈನ್ಡ್ ಮೆಡಿಕಲ್ ಸರ್ವೀಸೆಸ್ ಪರೀಕ್ಷೆ
ಈ ಪರೀಕ್ಷೆ ತೆಗೆದುಕೊಳ್ಳಲು ಎಂಬಿಬಿಎಸ್ ಓದಿದವರು ಅಥವಾ ಅಂತಿಮ ವರ್ಷದ / ಸೆಮಿಸ್ಟರ್ ನಲ್ಲಿ ಎಂಬಿಬಿಎಸ್ ಅಧ್ಯಯನ ಮಾಡುತ್ತಿರುವವರು ಸಹ ಅರ್ಜಿ ಸಲ್ಲಿಸಬಹುದು.
ಇಂಜಿನಿಯರಿಂಗ್ ಸೇವೆಗಳ ಪರೀಕ್ಷೆ
ಬ್ಯಾಚುಲರ್ ಆಫ್ ಇಂಜಿನಿಯರಿಂಗ್ ಓದಿದವರು ಈ ಸೇವೆಗಳಿಗೆ ಸ್ಪರ್ಧಾತ್ಮಕ ಪರೀಕ್ಷೆ ಬರೆಯಬಹುದು.
ವಿವಿಧ ಕೇಡರ್’ಗಳಿಗೆ ಎಸ್ಎಸ್’ಸಿ ಪರೀಕ್ಷೆ
ಕಂಬೈನ್ಡ್ ಗ್ರಾಜುಯೇಟ್ ಲೆವೆಲ್ ಪರೀಕ್ಷೆ – ಯಾವುದೇ ಪದವಿ ಪಾಸ್.
ಎಸ್ಎಸ್’ಸಿ ಸಬ್ ಇನ್ಸ್ಪೆಕ್ಟರ್ : ಪದವಿ ಪಾಸ್
ಎಸ್’ಎಸ್’ಸಿ ಜೆಇ : ಬಿಇ ಪಾಸ್.
ಆರ್’ಬಿಐ / ಇತರೆ ಬ್ಯಾಂಕ್
ಭಾರತೀಯ ರಿಸರ್ವ್ ಬ್ಯಾಂಕ್ನ ವಿವಿಧ ಹುದ್ದೆಗಳಿಗೆ / ಇತರೆ ಬ್ಯಾಂಕ್ಗಳ ಪಿಒ, ಎಸ್ಒ ಹುದ್ದೆಗಳಿಗೆ ಪದವಿ ಪಾಸಾದವರು ಅರ್ಜಿ ಸಲ್ಲಿಸಬಹುದು.
ಕೇಂದ್ರ ಸರ್ಕಾರದ ದೂರ ಸಂಪರ್ಕ ಇಲಾಖೆಯ ಜೆಇ, ಕನ್ಸಲ್ಟಂಟ್, ಹೆಚ್’ಆರ್ ವಿಭಾಗ ಹೀಗೆ ವಿವಿಧ ವಿಭಾಗಗಳ ಹುದ್ದೆಗಳಿಗೆ ಪದವೀಧರರು ಅರ್ಜಿ ಸಲ್ಲಿಸಲು ಅರ್ಹರು.
