ತ್ವಚೆಯ ಕಾಂತಿ ಕಾಪಾಡುವ ಯೋಗಾಸನಗಳು

ತ್ವಚೆಯು ಸುಂದರವಾಗಿ ಹೊಳೆಯುತ್ತಿರಬೇಕು ಎನ್ನುವುದು ಪ್ರತಿಯೊಬ್ಬ ಮಹಿಳೆಯ ಇಚ್ಛೆ. ಅದಕ್ಕಾಗಿ ಅವರು ಏನೆಲ್ಲಾ ಶ್ರಮ ವಹಿಸುವರು. ಇರುವಂತಹ ಎಲ್ಲಾ ಮನೆಮದ್ದುಗಳ ಜತೆಗೆ ಮಾರುಕಟ್ಟೆಯಲ್ಲಿ ಸಿಗುವಂತಹ ಉತ್ಪನ್ನಗಳನ್ನು ಕೂಡ ಬಳಕೆ ಮಾಡುವರು. ತ್ವಚೆಯ ಕಾಂತಿಯು ನೈಸರ್ಗಿಕವಾಗಿ ಹೊಳೆಯುತ್ತಿರಬೇಕಾದರೆ ಆಗ ಆರೋಗ್ಯವು ಚೆನ್ನಾಗಿರಬೇಕು ಮತ್ತು ಚರ್ಮದ ಆರೋಗ್ಯವು ಉತ್ತಮವಾಗಿರುವುದು ಮುಖ್ಯ.

ನಮ್ಮ ಆರೋಗ್ಯವನ್ನು ಕಾಪಾಡಿಕೊಂಡಂತೆ ಚರ್ಮದ ಆರೋಗ್ಯವನ್ನು ಕಾಪಾಡುವುದು ಅತೀ ಅಗತ್ಯ. ತ್ವಚೆಯ ಕಾಂತಿಯನ್ನು ಕಾಪಾಡುವಲ್ಲಿ ಕೆಲವೊಂದು ಯೋಗಗಳು ಕೂಡ ತುಂಬಾ ಪರಿಣಾಮ ಬೀರುವುದು.

ತ್ವಚೆಯ ಕಾಂತಿಗೆ ಮಾಡುವ ಯೋಗ ಪ್ರತಿಯೊಬ್ಬರಿಗೂ ಸುರಕ್ಷಿತವೇ?

• ಇದು ನೈಸರ್ಗಿಕ ಮತ್ತು ಯಾವುದೇ ವಿಷಕಾರಿ ಅಂಶವನ್ನು ಹೊಂದಿಲ್ಲ. ಇದು ಪ್ರತಿಯೊಬ್ಬರಿಗೂ ಸುರಕ್ಷಿತ. ದೇಹದ ಆರೋಗ್ಯಕ್ಕೆ ನಾವು ವ್ಯಾಯಾಮ ಮಾಡುವಂತೆ ಹಾಗೂ ಮುಖದ ಆರೋಗ್ಯ ಹಾಗೂ ಕಾಂತಿಗೆ ಕೆಲವೊಂದು ವ್ಯಾಯಾಮ ಮಾಡುವುದು ಅಗತ್ಯ.

• ಸ್ನಾಯುಗಳು, ಮಾಂಸಖಂಡಗಳು ಬಲಗೊಳ್ಳಲು ನಾವು ತುಂಬಾ ಶ್ರಮ ವಹಿಸುತ್ತೇವೆ. ಆದರೆ ಮುಖದ ಕಾಂತಿಯನ್ನು ಪಡೆಯಲು ಯಾವುದೇ ರೀತಿಯ ವ್ಯಾಯಾಮ ಮಾಡಲಲ್ಲ. ಮುಖದ ಸ್ನಾಯುಗಳನ್ನು ಬಲಪಡಿಸಿ, ಪುನಶ್ಚೇತನಗೊಳಿಸಲು ಕೆಲವೊಂದು ಯೋಗಗಳು ಉತ್ತಮವಾಗಿದೆ.

ಅಕಾಲಿಕ ವಯಸ್ಸಾಗುವ ಲಕ್ಷಣ ತಡೆಯುವುದು

• ಅಕಾಲಿಕವಾಗಿ ವಯಸ್ಸಾಗುವ ವೇಳೆ ಕೆಲವು ಕಾಸ್ಮೆಟಿಕ್ ಚಿಕಿತ್ಸೆ ಮಾಡುವರು. ಮುಖ ಅಥವಾ ದೇಹದ ಯಾವುದೇ ಭಾಗವನ್ನು ಕಾಸ್ಮೆಟಿಕ್ ಚಿಕಿತ್ಸೆಯಿಂದ ಗುಣಪಡಿಸಬಹುದು. ಕಾಸ್ಮೆಟಿಕ್ ಚಿಕಿತ್ಸೆಯನ್ನು ಹೆಚ್ಚಾಗಿ ಶ್ರೀಮಂತರು ಮಾಡಿಸಿಕೊಳ್ಳುವರು.

• ಆದರೆ ಇಂದಿನ ದಿನಗಳಲ್ಲಿ ಮುಖದ ಯೋಗವು ತುಂಬಾ ಪರಿಣಾಮಕಾರಿ ಆಗಿ ಕೆಲಸ ಮಾಡುತ್ತಲಿದೆ. ಇದನ್ನು ಮಾಡಿದರೆ ಆಗ ಯಾವುದೇ ರೀತಿಯ ಶಸ್ತ್ರಚಿಕಿತ್ಸೆಯು ಅಗತ್ಯವಿರದು.

ಕೆಲವು ಯೋಗಾಸನಗಳು

ಕೆಲವೊಂದು ಯೋಗಗಳು ಮುಖಕ್ಕೆ ನೈಸರ್ಗಿಕ ಕಾಂತಿ ನೀಡುವುದು ಹಾಗೂ ಆರೋಗ್ಯಯುತವಾಗಿಸುವುದು. ಇದನ್ನು ನಿತ್ಯವೂ ಮಾಡಬೇಕು. ಒತ್ತಡ ತಗ್ಗಿಸುವುದು, ಕಣ್ಣುಗಳನ್ನು ತಿರುಗಿಸುವುದು, ಹುಬ್ಬುಗಳನ್ನು ನಯವಾಗಿಸುವುದು, ಕುತ್ತಿಗೆ ಮಸಾಜ್ ಇತ್ಯಾದಿಗಳನ್ನು ಮಾಡಿದರೆ ಅವುಗಳು ಪರಿಣಾಮಕಾರಿ ಹಾಗೂ ಸುಲಭ.

ಆರೈಕೆ ಕಡೆಗಣಿಸಬೇಡಿ

• ಚರ್ಮದ ಬಗ್ಗೆ ನೀವು ತುಂಬಾ ಹಿತಕರವಾಗಿರಿ. ಚರ್ಮದ ಆರೈಕೆಯನ್ನು ಸರಿಯಾದ ರೀತಿಯಲ್ಲಿ ಮಾಡಿ ಮತ್ತು ಅದನ್ನು ಯಾವತ್ತಿಗೂ ಕಡೆಗಣಿಸಬೇಡಿ.

• ದೇಹದ ಇತರ ಭಾಗಗಳಿಗೆ ಬೇಕಾಗಿರುವಷ್ಟೇ ವಿಶ್ರಾಂತಿ ಹಾಗೂ ಆರೈಕೆಯು ಚರ್ಮಕ್ಕೂ ಬೇಕಾಗಿರುವುದು. ನಿಮಗೆ ಯಾವುದು ಹೊಂದಿಕೊಳ್ಳುತ್ತದೆಯಾ ಅದನ್ನು ಮಾಡಿ. ಯಾವುದನ್ನು ಕೂಡ ನಿಲ್ಲಿಸಬೇಡಿ. ಸರಿಯಾಗಿ ವ್ಯಾಯಾಮ ಮಾಡಿದರೆ ಅದರ ಪರಿಣಾಮವು ದೀರ್ಘಕಾಲ ಉಳಿಯುವುದು.

ಪಶ್ಚಿಮೋತ್ಥಾಸನ

ವಿಧಾನ

• ನೆಲದ ಮೇಲೆ ಕುಳಿತುಕೊಂಡು ಕಾಲುಗಳನ್ನು ಮುಂದಕ್ಕ ತನ್ನಿ ಹಾಗೂ ಉಸಿರನ್ನು ಎಳೆಯಿರಿ.

• ಮೊಣಕಾಲುಗಳು ಹಾಗೆ ಬಿಗಿಯಾಗಿ ಇರಲಿ ಮತ್ತು ಇದನ್ನು ಯಾವಾಗಲೂ ಮಡಚಬೇಡಿ.

• ಉಸಿರನ್ನು ಬಿಡುತ್ತಾ ಹಾಗೆ ಮುಂದಕ್ಕೆ ಬಾಗಿಕೊಳ್ಳಿ ಮತ್ತು ಹೆಬ್ಬೆರಳನ್ನು ಹಿಡಿಯಿರಿ ಮತ್ತು ಹಣೆಯಿಂದ ಮೊಣಕಾಲನ್ನು ಸ್ಪರ್ಶಿಸಿ.

• ಈ ಭಂಗಿಯಲ್ಲಿ 10 ಸೆಕೆಂಡು ಕಾಲ ಇರಬೇಕು.

• ಉಸಿರನ್ನು ಬಿಡುತ್ತಾ ಹಾಗೆ ಮೊದಲಿನ ಸ್ಥಾನಕ್ಕೆ ಬನ್ನಿ.

ಭುಜಂಗಾಸನ

ಭುಜಂಗಾಸನವು ಎದೆಯನ್ನು ವಿಸ್ತರಿಸುವುದರ ಜತೆಗೆ ದೇಹದಲ್ಲಿನ ಒತ್ತಡ ಹಾಗು ಬಳಲಿಕೆ ಕಡಿಮೆ ಮಾಡುವುದು. ದೇಹದಲ್ಲಿ ಇರುವಂತಹ ವಿಷಕಾರಿ ಅಂಶವನ್ನು ಹೊರಗೆ ಹಾಕಲು ಹೆಚ್ಚುವರಿ ಆಮ್ಲಜನಕವು ನಿಮಗೆ ಸಿಗುವುದು ಮತ್ತು ಇದರಿಂದ ಚರ್ಮವು ಪುನಶ್ಚೇತಗೊಳ್ಳುವುದು.

ಭುಜಂಗಾಸನ ಮಾಡುವುದು ಹೇಗೆ?

• ಹೊಟ್ಟೆಯ ಮೇಲೆ ಮಲಗಿಕೊಂಡು ಪಾದಗಳನ್ನು ನೇರವಾಗಿಡಿ ಮತ್ತು ಹಣಿಯು ನೆಲದ ಮೇಲಿರಲಿ.

• ಕಾಲುಗಳು ಒಂದಕ್ಕೊಂದು ಅಂಟಿಕೊಂಡಿರಲು, ಪಾದಗಳು ಮತ್ತು ಹಿಂಗಾಲು ಸ್ವಲ್ಪ ಸ್ಪರ್ಶಿಸುತ್ತಿರಲಿ.

• ಭುಜಗಳ ಕೆಳಗೆ ಕೈಗಳನ್ನು ಹಾಗೆ ನೆಲದ ಮೇಲಿಡಿ ಮತ್ತು ಮೊಣಕೈಗಳು ಸಮಾನಾಂತರವಾಗಿ ಮುಂಡಕ್ಕೆ ಹತ್ತಿರವಾಗಿರಲಿ.

• ನಿಧಾನವಾಗಿ ಉಸಿರಾಡುತ್ತಾ ತಲೆ, ಎದೆ ಮತ್ತು ಹೊಟ್ಟೆಯ ಭಾಗವನ್ನು ಮೇಲೆತ್ತಿ, ನಾಭಿಯು ನೆಲದ ಮೇಲಿರಲಿ.

• ತಲೆಯನ್ನು ಹಿಂದಕ್ಕೆ ತನ್ನಿ ಮತ್ತು ಕೈಗಳನ್ನು ಹಾಗೆ ಬಲವಾಗಿ ಬಳಸಿ.

• ಸಾಧ್ಯವಾದರೆ ನೀವು ಕೈಗಳನ್ನು ಹಾಗೆ ನೇರವಾಗಿ ಇಟ್ಟುಕೊಂಡು ದೇಹವನ್ನು ಆದಷ್ಟು ಹಿಂದಕ್ಕೆ ಬಾಗಿಸಿ. ದೇಹ ಹಿಂದಕ್ಕೆ ಬಾಗಿಸಿ ಹಾಗು ಮೇಲೆ ನೋಡಿ.

• ಭುಜಗಳು ಹಾಗೆ ಆರಾಮವಾಗಿ ಇರಲಿ. ಮೊಣಕೈಗಳನ್ನು ಬಾಗಿಸಿಕೊಂಡು ಹೀಗೆ ಮಾಡಿದರೆ, ಕೆಲವು ದಿನ ಅಭ್ಯಾಸದ ಬಳಿಕ ಕೈಗಳನ್ನು ನೇರವಾಗಿಸಿಕೊಂಡು ಅಭ್ಯಾಸ ಮಾಡಬಹುದು.

• ಪಾದಗಳು ಹಾಗೆ ಜತೆಯಾಗಿ ಇರುವಂತೆ ನೋಡಿಕೊಳ್ಳಿ.

• 30-60 ಸೆಕೆಂಡು ಹಾಗೆ ಇದೇ ಭಂಗಿಯಲ್ಲಿ ಇರಿ. ನೀವು ಅತಿಯಾಗಿ ಹಿಂದಕ್ಕೆ ಬಾಗಲು ಮೊದಲ ಸಲವೇ ಪ್ರಯತ್ನ ಮಾಡಬೇಕು.

• ಉಸಿರನ್ನು ಬಿಡುತ್ತಾ ಹೊಟ್ಟೆ, ಎದೆ ಮತ್ತು ತಲೆಯ ಭಾಗವನ್ನು ನೆಲದ ಮೇಲೆ ತನ್ನಿ.

• ಎರಡು ಅಂಗೈಗಳ ಮೇಲೆ ನೀವು ಸಮಾನವಾದ ಒತ್ತಡ ಹಾಕುತ್ತಿದ್ದೀರಿ ಎನ್ನುವುದು ನೆನಪಿರಲಿ.

ಹಾಲಾಸನ

ಈ ಆಸನವು ಸಂಪೂರ್ಣ ದೇಹದಲ್ಲಿ ರಕ್ತ ಸಂಚಾರವನ್ನು ಉತ್ತಮಪಡಿಸುವುದು ಮತ್ತು ದೇಹದ ಎಲ್ಲಾ ಅಂಗಾಂಗಗಳಿಗೆ ಬೇಕಾಗುವ ಪ್ರಮುಖ ಪೋಷಕಾಂಶಗಳನ್ನು ಇದು ನೀಡುವುದು.

ಈ ಭಂಗಿಯು ಎಲ್ಲಾ ರೀತಿಯ ನಿದ್ರೆಯ ಸಮಸ್ಯೆಯನ್ನು ನಿವಾರಣೆ ಮಾಡಲು ನೆರವಾಗುವುದು, ನಿದ್ರಾಹೀನತೆ, ನಿದ್ರೆಯ ಮಧ್ಯೆ ಎದ್ದೇಳುವಂತಹ ಸಮಸ್ಯೆಯನ್ನು ಇದು ನಿವಾರಿಸುವುದು. ಸೌಂದರ್ಯ ಹಾಗೂ ತ್ವಚೆಯ ಕಾಂತಿಯಲ್ಲಿ ನಿದ್ರೆ ಕೂಡ ಪ್ರಮುಖ ಪಾತ್ರ ವಹಿಸುವುದು.

ಹಾಲಾಸನ ಮಾಡುವ ವಿಧಾನ

• ಬೆನ್ನ ಮೇಲೆ ಮಲಗಿ ಮತ್ತು ಕೈಗಳು ಹಾಗೆ ದೇಹದ ಬದಿಯಲ್ಲಿರಲಿ ಮತ್ತು ಅಂಗೈಯು ನೆಲಕ್ಕೆ ತಾಗುತ್ತಿರಲಿ.

• ಉಸಿರನ್ನು ಎಳೆದುಕೊಂಡು ಹೊಟ್ಟೆಯ ಮಾಂಸಖಂಡಗಳ ಮೇಲೆ ಬಲ ಬೀಳುವಂತೆ ಪಾದಗಳನ್ನು ನೆಲದಿಂದ ಮೇಲಕ್ಕೆತ್ತಿ, ನೀವು 90 ಡಿಗ್ರಿಯಲ್ಲಿ ಕಾಲುಗಳನ್ನು ಮೇಲಕ್ಕೆತ್ತಿ.

• ಸಾಮಾನ್ಯವಾಗಿ ಉಸಿರಾಡಿ ಮತ್ತು ಸೊಂಟ ಹಾಗೂ ಬೆನ್ನಿಗೆ ಕೈಗಳಿಂದ ಬಲ ನೀಡಿ ಮತ್ತು ನೆಲದಿಂದ ಮೇಲಕ್ಕೆತ್ತಿ.

• ಹಾಗೆ ಕಾಲುಗಳನ್ನು 180 ಡಿಗ್ರಿ ಕೋನದಲ್ಲಿ ತಿನ್ನಿ ಮತ್ತು ತಲೆಯ ಮೇಲಿಟ್ಟು, ಪಾದವು ನೆಲಕ್ಕೆ ತಾಗಲಿ. ಬೆನ್ನು ಹಾಗೆ ಸಮವಾಗಿ ನೆಲದ ಮೇಲಿರಲಿ. ಇದು ಆರಂಭದಲ್ಲಿ ನಿಮಗೆ ಕಷ್ಟವಾಗಬಹುದು. ಆದರೆ ಕೆಲವು ಪ್ರಯತ್ನಗಳ ಬಳಿಕ ಸರಿಯಾಗುವುದು.

• ಇದೇ ಭಂಗಿಯಲ್ಲಿ ಇರಿ ಮತ್ತು ದೇಹಕ್ಕೆ ಆರಾಮ ನೀಡಿ ಮತ್ತು ಹಾಗೆ ಉಸಿರಾಡುತ್ತಾ ಇರಿ.

• ಈ ಭಂಗಿಯಲ್ಲಿ ನೀವು ಹಾಗೆ ಒಂದು ನಿಮಿಷ ಇರಿ ಮತ್ತು ಇದರ ಬಳಿಕ ಉಸಿರು ಬಿಡುತ್ತಾ ಕಾಲುಗಳನ್ನು ಕೆಳಗೆ ತನ್ನಿ.

• ಕಾಲುಗಳನ್ನು ಕೆಳಗೆ ತರುವ ವೇಳೆ ನೀವು ದೇಹಕ್ಕೆ ತೊಂದರೆ ಮಾಡಬೇಡಿ.