ಪ್ರತಿನಿತ್ಯವೂ ಕೆಲವೊಂದು ಯೋಗಾಸನಗಳನ್ನು ಅಭ್ಯಾಸ ಮಾಡಿದರೆ ಕಾಡುವ ಕೆಮ್ಮು, ನೆಗಡಿ ಮತ್ತು ಶೀತದ ಸಮಸ್ಯೆಯನ್ನು ದೂರ ಮಾಡಬಹುದು. ಅಂತಹ ಕೆಲವು ಯೋಗಾಸನಗಳ ಬಗ್ಗೆ ನಾವು ನಿಮಗೆ ತಿಳಿಸಿಕೊಡಲಿದ್ದೇವೆ.
ಪರ್ವತಾಸನ
ಪರ್ವತಾಸನವು ಎದೆಯ ಭಾಗದ ಸ್ನಾಯುಗಳನ್ನು ಬಲಪಡಿಸಲು ತುಂಬಾ ಸಹಕಾರಿ. ಕೈಗಳ ಚಲನೆಯಿಂದ ಎದೆಯ ಭಾಗದ ಸ್ನಾಯುಗಳು ಮತ್ತು ಶ್ವಾಸಕೋಶವು ಬಲಗೊಳ್ಳುವುದು. ಇದು ದೇಹವನ್ನು ನಿರ್ವಿಷಗೊಳಿಸುವುದು ಮತ್ತು ಸೋಂಕು ತಡೆಯುವುದು.
ಯೋಗಾಸನ ಮಾಡುವ ಕ್ರಮ
• ಸುಖಾಸನದಲ್ಲಿ ಕುಳಿತುಕೊಳ್ಳಿ ಮತ್ತು ಕೈಗಳನ್ನು ಹಾಗೆ ಮೇಲಕ್ಕೆ ಎತ್ತಿ. ಅಂಗೈಗಗಳು ಪರಸ್ಪರ ಒಂದನ್ನೊಂದು ನೋಡುತ್ತಲಿರಲಿ.
• ಉಸಿರನ್ನು ಎಳೆಯುತ್ತಿರುವಂತೆ ನೀವು ಈಗ ಎರಡು ಕೈಗಳನ್ನು ಹಾಗೆ ಮೇಲಕ್ಕೆ ಎತ್ತಿಕೊಳ್ಳಿ. ಕೈಗಳನ್ನು ಮೇಲಕ್ಕೆ ಎಳೆಯಿರಿ. ಹೊಟ್ಟೆಯ ಭಾಗದ ಸ್ನಾಯುಗಳಲ್ಲಿ ಈಗ ನಿಮಗೆ ಎಳೆದ ಭಾವನೆ ಆಗುವುದು.
• 12-15 ಸೆಕೆಂಡು ಕಾಲ ನೀವು ಹಾಗೆ ಇರಿ ಮತ್ತು ಇದರ ಬಳಿಕ ಆರಾಮ ಮಾಡಿ.
• ಐದು ಸಲ ನೀವು ಹೀಗೆ ಮಾಡಿ.
ಉಸ್ಟ್ರಾಸನ
ಉಸ್ಟ್ರಾಸನವು ಶ್ವಾಸಕೋಶವನ್ನು ತೆರೆಯುವುದು ಮತ್ತು ಸಂಪೂರ್ಣ ಉಸಿರಾಟದ ವ್ಯವಸ್ಥೆಗೆ ಆಮ್ಲಜನಕ ಒದಗಿಸುವುದು. ಇದು ಉಸಿರಾಟದ ವ್ಯವಸ್ಥೆಯ ನರಗಳನ್ನು ಉತ್ತೇಜಿಸುವುದು.
ಮಾಡುವ ವಿಧಾನ
• ಯೋಗ ಮ್ಯಾಟ್ ನಲ್ಲಿ ಮಂಡಿಯೂರಿ ಮತ್ತು ದೇಹವನ್ನು ನೆಲಕ್ಕೆ ಒತ್ತಿರಿ.
• ಸೊಂಟದ ಎರಡು ಭಾಗದಲ್ಲಿ ಕೈಗಳನ್ನು ಇಡಿ. ಅಂಗೈಯು ಸೊಂಟದ ಮೂಳೆಯ ಮೇಳೆ ಇರಬೇಕು.
• ಈಗ ದೇಹದ ಮೇಲಿನ ಭಾಗವನ್ನು ಹಾಗೆ ಮೇಲ್ಮುಖವಾಗಿ ಇಟ್ಟುಕೊಂಡು ಬಾಲ ಮೂಳೆಯನ್ನು ಕೆಳಗೆ ಮತ್ತು ಮುಂದಕ್ಕೆ ತನ್ನಿ.
• ಈಗ ಉಸಿರಾಡಿ ಮತ್ತು ನಿಧಾನವಾಗಿ ಹಿಂದಕ್ಕೆ ಬಂದು ತಲೆಯನ್ನು ಎತ್ತಿ.
• ಹೆಚ್ಚಿನ ಬೆಂಬಲಕ್ಕಾಗಿ ಅಂಗೈಗಳನ್ನು ಪಾದದ ಹಿಂಗಾಲಿನ ಮೇಲಿಡಿ.
• 15 ಸೆಕೆಂಡುಗಳ ಕಾಲ ಹೀಗೆ ಇರಬೇಕು ಮತ್ತು ಇದರ ಬಳಿಕ ನಿಧಾನವಾಗಿ ಮೊದಲಿನ ಭಂಗಿಗೆ ಬನ್ನಿ.
ಸೇತುಬಂಧಾಸನ
ಸೇತುಬಂಧಾಸನವು ಪ್ರತಿರೋಧಕ ಶಕ್ತಿಯನ್ನು ಹೆಚ್ಚಿಸುವಂತಹ ಥೈಮಸ್ ಗ್ರಂಥಿಯನ್ನು ಉತ್ತೇಜಿಸುವುದು. ಇದರಿಂದ ಕೆಮ್ಮು ಮತ್ತು ಶೀತ ಬರದಂತೆ ತಡೆಯುವುದು.
ಈ ಯೋಗಾಸನ ಮಾಡುವ ವಿಧಾನ
• ಬೆನ್ನ ಮೇಲೆ ಮಲಗಿ ಮತ್ತು ಮೊಣಕಾಲುಗಳನ್ನು ಮಡಚಿ. ಪಾದಗಳನ್ನು ನೆಲದ ಮೇಲೆ ಇಡಿ.
• ಈಗ ನೀವು ಉಸಿರಾಡಿ ಮತ್ತು ಕೈಗಳನ್ನು ಬಳಸಿಕೊಂಡು ಸೊಂಟದ ಭಾಗವನ್ನು ಮೇಲಕ್ಕೆ ಎತ್ತಲು ಪ್ರಯತ್ನಿಸಿ.
• ಐದು ಸಲ ಉಸಿರಾಡುವ ತನಕ ನೀವು ದೇಹವನ್ನು ಹೀಗೆ ಇಡಬೇಕು.
• 4-5 ಸಲ ನೀವು ಇದನ್ನು ಅಭ್ಯಾಸ ಮಾಡಿ.
ಕಪಾಲಭಾತಿ ಪ್ರಾಣಾಯಾಮ
ಕೆಮ್ಮು ನಿವಾರಣೆ ಮಾಡಲು ಕಪಾಲಭಾತಿ ಪ್ರಾಣಾಯಾಮವು ತುಂಬಾ ಪರಿಣಾಮಕಾರಿ. ಇದು ಶ್ವಾಸಕೋಶದಲ್ಲಿ ಇರುವ ವಿಷಕಾರಿ ಅಂಶವನ್ನು ಹೊರಗೆ ಹಾಕುವುದು. ಇದು ಸೈನಸ್ ನ್ನು ತೆರೆಯುವುದು ಮತ್ತು ಕಫವು ಹರಿಯಲು ಅವಕಾಶ ಮಾಡಿಕೊಡುವುದು.
ಮಾಡುವ ವಿಧಾನ
• ಸುಖಾಸನದಲ್ಲಿ ಕುಳಿತುಕೊಳ್ಳಿ ಮತ್ತು ಅಂಗೈಗಳನ್ನು ಮೊಣಕಾಲುಗಳ ಮೇಲೆ ಇಡಬೇಕು.
• ಉಸಿರಾಡಿ ಮತ್ತು ಉಸಿರನ್ನು ಬಿಡುವ ವೇಳೆ ಹೊಟ್ಟೆಯನ್ನು ಎಳೆಯಿರಿ.
• ಈಗ ಮತ್ತೆ ಉಸಿರಾಡಿ ಮತ್ತು ಹೊಟ್ಟೆಯ ಸ್ನಾಯುಗಳನ್ನು ಸಡಿಲ ಮಾಡಿ. ಈಗ ಹೊಟ್ಟೆಯ ಸ್ನಾಯುಗಳನ್ನು ಮತ್ತೆ ಸಂಕುಚಿತಗೊಳಿಸಿ.
• ನೀವು ಇದನ್ನು 50 ಸಲ ಮಾಡಿ ಮತ್ತು ನಿಮಗೆ ತುಂಬಾ ಹಿತಕಾರಿ ಅನಿಸಿದರೆ ನೀವು ಇದನ್ನು ಹೆಚ್ಚಿಸಬಹುದು.
• ಇದನ್ನು ದಿನಾ ಬೆಳಗ್ಗೆ ಮತ್ತು ಸಂಜೆ ವೇಳೆ ಅಭ್ಯಾಸ ಮಾಡಿ.
ಉಜ್ಜಾಯಿ ಪ್ರಾಣಾಯಾಮ
ಉಜ್ಜಾಯಿ ಪ್ರಾಣಾಯಾಮವನ್ನು ಅಭ್ಯಾಸ ಮಾಡುವ ವೇಳೆ ಗಾಳಿಯು ದೇಹದ ಒಳಗೆ ಹೋಗಿ ಶ್ವಾಸಕೋಶದಲ್ಲಿನ ಕಫವನ್ನು ಬಿಡುಗಡೆ ಮಾಡುವುದು. ಇದರಿಂದ ಸೈನಸ್ ಬಿಸಿಯಾಗುವುದು ಮತ್ತು ದೇಹದಲ್ಲಿ ಇರುವಂತಹ ವಿಷಕಾರಿ ಅಂಶಗಳನ್ನು ಬಿಡುಗಡೆ ಮಾಡಲು ಇದು ಸಹಕಾರಿ.
ಮಾಡುವ ವಿಧಾನ
• ಸುಖಾಸನದಲ್ಲಿ ಕುಳಿತುಕೊಳ್ಳಿ. ಕಣ್ಣುಗಳನ್ನು ಮುಚ್ಚಿ ಮತ್ತು ಮೊಣಕಾಲಿನ ಮೇಲೆ ಕೈಗಳನ್ನು ಇಟ್ಟುಕೊಂಡು, ಅಂಗೈಗಳು ಆಕಾಶ ನೋಡುತ್ತಲಿರಲಿ.
• ಉಸಿರಾಡುವ ವೇಳೆ ಗಂಟಲು ಬಿಗಿಯಾಗುವುದು. ನೀವು ಹೀಗೆ ಮಾಡುವ ವೇಳೆ ವಿಸಿಲ್ ಹಾಕಿದ ಸದ್ದು ಬರುವುದು.
• ಮೂರು ನಿಮಿಷ ಕಾಲ ಉಸಿರನ್ನು ಹಿಡಿಯಿರಿ ಮತ್ತು ಇದರ ಬಳಿಕ ಉಸಿರು ಬಿಡಿ. ಉಸಿರು ಬಿಡುವ ವೇಳೆ ಕೂಡ ಗಂಟಲನ್ನು ಬಿಗಿಯಾಗಿಸಿ. ಇಲ್ಲಿ ಕೂಡ ಸದ್ದು ಬರುವಂತೆ ನೋಡಿಕೊಳ್ಳಿ.
• ಆರಂಭದಲ್ಲಿ 3-4 ಸಲ ನೀವು ಇದನ್ನು ಮಾಡಿ ಮತ್ತು ಇದರ ಬಳಿಕ ನೀವು ಇದನ್ನು ಹೆಚ್ಚಿಸಿಕೊಳ್ಳಬಹುದು.
