ಮಾಸಿಕ ₹ 150 ವೇತನ ನೀಡಿ ಕಾವಲುಗಾರನನ್ನು ನೇಮಿಸಿಕೊಳ್ಳುವುದು ಶೋಷಣೆಯಾಗಿದ್ದು, ಬಲವಂತದ ದುಡಿಸಿಕೊಳ್ಳುವುದಕ್ಕೆ ಸಮ ಎಂದು ಉತ್ತರ ಪ್ರದೇಶ ಸರ್ಕಾರಕ್ಕೆ ಅಲಾಹಾಬಾದ್ ಹೈಕೋರ್ಟ್ ಈಚೆಗೆ ಛೀಮಾರಿ ಹಾಕಿದೆ.
[ಅಮರ್ ಸಿಂಗ್ ಮತ್ತು ಸರ್ಕಾರ ನಡುವಣ ಪ್ರಕರಣ].
ಶಾಲೆಯಲ್ಲಿ ಕಾವಲುಗಾರರಾದ ಅರ್ಜಿದಾರರ ಉದ್ಯೋಗದ ಸ್ವರೂಪ, ನಿಯಮಿತತೆ, ಜವಾಬ್ದಾರಿ ಹಾಗೂ ಕೆಲಸದ ಅವಧಿಯನ್ನು ಗಮನಿಸಿದರೆ ಅವರನ್ನು ಸಾಮಾನ್ಯ ಉದ್ಯೋಗಿಗೆ ಹೋಲಿಸಬಹುದು ಎಂದು ನ್ಯಾ. ಇರ್ಷಾದ್ ಅಲಿ ಹೇಳಿದರು.
“ರಾಜ್ಯ ಸರ್ಕಾರವು ಯಾವುದೇ ವ್ಯಕ್ತಿಯು ಜೀವನ ನಿರ್ವಹಣೆ ಮಾಡಲು ಸಾಧ್ಯವೇ ಇಲ್ಲದ, ಅಸ್ತಿತ್ವದಲ್ಲಿಯೇ ಇರಲಾಗದಂತಹ ನಿಕೃಷ್ಟ ಪ್ರಮಾಣದ, ಕಡಿಮೆ ದರದಲ್ಲಿ ಕಾರ್ಮಿಕರನ್ನು ನೇಮಿಸಿಕೊಳ್ಳಲು ಒತ್ತಾಯಿಸುವುದು ಮಾನವನ ಶ್ರಮದ ಶೋಷಣೆಯಾಗುತ್ತದೆ. ಮೂಲಭೂತ ಹಕ್ಕುಗಳು ಮತ್ತು ಘನತೆಯಿಂದ ಕೆಲಸ ಮಾಡುವ ಹಕ್ಕನ್ನು ಒದಗಿಸುವ ಸಂವಿಧಾನದ 21 ನೇ ವಿಧಿಯ ಉಲ್ಲಂಘನೆಯಾಗುತ್ತದೆ. ರಾಜ್ಯ ಸರ್ಕಾರದ ಅಡಿ ತಿಂಗಳಿಗೆ ₹ 150 ಮೊತ್ತದ ವೇತನ ನೀಡುವ ಉದ್ಯೋಗವೆಂದರೆ ಅದು ಕಾನೂನಿನಲ್ಲಿ ಮಾನ್ಯತೆ ಇಲ್ಲದ ಬಲವಂತದ ದುಡಿಮೆಯಾಗುತ್ತದೆ” ಎಂದು ಆದೇಶ ತಿಳಿಸಿದೆ.
ಕಾವಲುಗಾರನಾಗಿ ನೇಮಕವಾಗಿದ್ದ ವ್ಯಕ್ತಿಯೊಬ್ಬರು 2004 ರಲ್ಲಿ ಸಲ್ಲಿಸಿದ ಮನವಿಯ ವಿಚಾರಣೆ ವೇಳೆ ನ್ಯಾಯಾಲಯವು ಮೇಲಿನ ಅವಲೋಕನಗಳನ್ನು ಮಾಡಿತು. ಡಿಸೆಂಬರ್ 1992 ರಲ್ಲಿ ಅರ್ಜಿದಾರರು ಮಾಸಿಕ 30 ವೇತನ ಪಡೆಯುತ್ತಿದ್ದರು. ಮರುವರ್ಷ ಅವರು ಅಧಿಕೃತವಾಗಿ ಕಾವಲುಗಾರನಾಗಿ ನೇಮಕಗೊಂಡರು. 1998ರಲ್ಲಿ ಅವರ ವೇತನವನ್ನು 30 ರಿಂದ 150 ಕ್ಕೆ ಏರಿಸಲಾಯಿತು. ಅಂದಿನಿಂದ ಅವರು ಅದೇ ಮೊತ್ತ ಪಡೆಯುತ್ತಿದ್ದಾರೆ.
ಪ್ರಕರಣದ ವಿಚಾರಣೆ ವೇಳೆ ರಾಜ್ಯ ಸರ್ಕಾರದ ಪರ ವಕೀಲರು, ಅರ್ಜಿದಾರರ ನೇಮಕಾತಿಯು ಮಾಸಿಕ ಭತ್ಯೆಯ ಮೇಲೆ ನೇಮಿತವಾಗಿದೆಯೇ ಹೊರತು ನಾಲ್ಕನೇ ದರ್ಜೆಯ ಸಿಬ್ಬಂದಿಯಾಗಿ ಅಲ್ಲ. ಅವರು ಅರೆಕಾಲಿಕ ಉದ್ಯೋಗಿಯಾಗಿದ್ದು ಪೂರ್ಣಕಾಲೀನ ಹುದ್ದೆಗೆ ನೀಡುವ ವೇತನ ಶ್ರೇಣಿಯನ್ನು ನೀಡಲಾಗದು ಎಂದು ವಾದಿಸಿದ್ದರು.
ವಾದವನ್ನು ಆಲಿಸಿದ ನ್ಯಾಯಾಲಯವು ಅಂತಿಮವಾಗಿ, ನಾಲ್ಕನೇ ದರ್ಜೆಯ ಉದ್ಯೋಗಿಗಳಿಗೆ ನೀಡಲಾಗುವ ಕನಿಷ್ಠ ವೇತನ ಶ್ರೇಣಿಗೆ ತತ್ಸಮನಾದ ವೇತನವನ್ನು ಅರ್ಜಿದಾರರಿಗೆ ನೀಡಲು ಸರ್ಕಾರಕ್ಕೆ ಆದೇಶಿಸಿತು.
ಡೆಂಗ್ಯೂ ಜ್ವರದ ಆತಂಕದಲ್ಲಿ ಮೈಸೂರಿನ ಕೆ ಆರ್ ಒನ್ ಬೆಟ್ಟದಪುರದ ಜನರು!
ಗುಜರಾತ್ ಕರಕುಶಲ ಉತ್ಸವದ ಸದುಪಯೋಗ ಪಡೆದುಕೊಳ್ಳಿ: ಕೆ ಎಂ ಗಾಯಿತ್ರಿ
ನ್ಯಾಯಾಲಯದಲ್ಲಿ ಜವಾನ ಹುದ್ದೆಗಳ ಭರ್ತಿಗೆ ಅಧಿಸೂಚನೆ !
ಮೂಡ ಹಗರಣಕ್ಕೆ ಸಂಬಂಧಿಸಿದ ವ್ಯಕ್ತಿಯ ಅಮಾನತು ಮಾಡುವಂತೆ ಪ್ರತಿಭಟನೆ
ಗುಜರಾತ್ ಹ್ಯಾಂಡಿಕ್ರಾಫ್ಟ್ ಉತ್ಸವ -2024 ಕುರಿತು ಪತ್ರಿಕಾಗೋಷ್ಠಿಯನ್ನು ಏರ್ಪಡಿಸಲಾಯಿತು
T20 ವಿಶ್ವ ಚಾಂಪಿಯನ್ ಟೀಮ್ ಇಂಡಿಯಾವನ್ನು ಭೇಟಿ ಮಾಡಿದ ಪ್ರಧಾನಿ ಮೋದಿ
4,000 ಕೋಟಿ ಬ್ರಹ್ಮಾಂಡ ಭ್ರಷ್ಟಾಚಾರ ಹಗರಣ ವಿರೋಧಿಸಿ ಪ್ರತಿಭಟನೆ
ಗ್ರಾಮ ಪಂಚಾಯಿತಿಗಳಲ್ಲೇ, ಜನನ ಮತ್ತು ಮರಣ, 'ಪ್ರಮಾಣ ಪತ್ರ' ದೊರೆಯುತ್ತದೆ.
Important: No API Key Entered.
Many features are not available without adding an API Key. Please go to the YouTube Feed settings page to add an API key after following these instructions.